Fréttablaðið - 19.05.2012, Qupperneq 104

19. maí 2012 LAUGARDAGUR68
sport@frettabladid.is
FÓTBOLTI Hannes Þór Halldórsson,
markvörður Íslandsmeistara
KR, var hetja sinna manna í 3.
umferð Pepsi-deildar karla þegar
hann varði víti frá Matt Garner í
uppbótartíma og sá til þess að KR
vann leikinn 3-2 og þar með sinn
fyrsta deildarsigur í sumar.
Þetta var langt frá því að vera
fyrsta vítið sem Hannes nær að
stoppa í efstu deild því hann var
að verja vítaspyrnu sjötta tíma-
bilið í röð. Hannes hefur nú
alls varið 7 af 19 vítaspyrn-
um sem hann hefur reynt
við í efstu deild þar af 3 af 5
sem hann hefur fengið á sig
síðan hann skipti úr Fram
yfir í KR.
Hannes varði tvær víta-
spyrnur síðasta sumar, þá
fyrri á móti FH-ingn-
um Matthíasi Vil-
hjálmssyni í 7.
umferð og þá seinni frá Framar-
anum Steven Lennon í 17. umferð.
Að hann skyldi verja bæði vítin
átti mikinn þátt í að KR fékk öll
þrjú stigin líkt og í leiknum á
þriðjudaginn. KR skoraði bæði
mörkin sín á móti FH eftir að
Hannes varði vítið og sömu sögu
er að segja af Framleiknum sem
KR vann 2-1.
Bæði vítamörkin sem
Hannes fékk á sig í
fyrra komu í fyrstu sex
umferðunum og þau
voru bæði á útivelli.
Hannes hefur því varið
þrjú síðustu víti sem
hann hefur reynt við í
efstu deild og jafnframt
allar þrjár vítaspyrnurn-
ar sem hann hefur
fengið á sig á
KR-vellin-
um síðan
hann gekk
til liðs við
Vestur-
bæjarlið-
ið.
- óój
KRISTJÁN GAUTI EMILSSON æfir þessa dagana með norska úrvalsdeildarliðinu Brann en hann
hefur verið á mála hjá Liverpool síðan 2009. Samningur hans við enska stórliðið rennur út í sumar og líklegt
að hann fari frá liðinu þá. Kristján Gauti er átján ára Hafnfirðingur sem er uppalinn í FH.
Hannes Þór Halldórsson, markvörður KR-inga:
Búinn að verja víti
sex sumur í röð
HANNES ÞÓR HALL-
DÓRSSON Búinn að
verja þrjú víti í röð
í Pepsi-deildinni.
FÓTBOLTI Það verða þrír Pepsi-
deildarslagir í 32 liða úrslitum bik-
arkeppni KSÍ. Stórleikur umferð-
arinnar er leikur ÍA og KR á
Akranesi en Skagamenn unnu 3-2
sigur í frábærum leik í 2. umferð
Pepsi-deildarinnar á dögunum.
Hinir Pepsi-deildarslagirnir eru
leikir FH og Fylkis í Kaplakrika
og leikur Keflavíkur og Grinda-
víkur en Keflvíkingar fóru illa
með nágranna sína á dögunum. FH
og Fylkir mætast annað árið í röð í
32 liða úrslitunum en í fyrra vann
FH vann dramatískan 3-2 sigur.
ÍA og KR mætast í fyrsta sinn
í bikarnum síðan í úrslitaleikn-
um 1999 en KR hefur unnið 8 af
11 bikarleikjum félaganna, þar af
eina bikarleik liðanna á Akranesi
sumarið 1994.
Pepsi-deildar liðin Fram,
Breiðablik, Selfoss og Stjarnan
fengu öll heimaleik á móti liðum í
neðri deildunum en ÍBV heimsæk-
ir Víking í Ólafsvík og Valur fer
norður og mætir annað hvort KF
eða Þór. - óój
Dregið í 32 liða úrslit bikarkeppni KSÍ í gærdag:
Stórleikur á Skaganum
Bikarkeppni KSÍ í karlafl.
Leikir í 32 liða úrslitum
Stjarnan (A-deild) - Grótta (C-deild)
Keflavík (A) - Grindavík (A)
KFS (D-deild) - KB (D)
KF (C)/Þór (B-deild) - Valur (A)
KA (B) - Fjarðabyggð (C)
FH (A) - Fylkir (A)
Breiðablik (A) - BÍ/Bolungarvík (B)
Fram (A) - Haukar (B)
Víkingur Ó. (B) - ÍBV (A)
Augnablik (D) - Höttur (B)
Leiknir R. (B) - Þróttur (B)
Víkingur R. (B) - Fjölnir (B)
ÍA (A) - KR (A)
Þróttur Vogum (D)- Afturelding (C)
Selfoss (A) - Njarðvík (C)
Dalvík/Reynir (C) - Reynir Sandgerði (C)
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík - Reykjanesbæ
Akureyri - Húsavík
Vestmannaeyjum
Steypugljái á
stéttina í sumar
Rekstrarvörur
- vinna með þér
BADMINTON Ragna Ingólfsdótt-
ir undirbýr sig nú af kappi fyrir
Ólympíuleikana í Lundúnum í
sumar en í upphafi mánaðarins
fékk hún endanlega staðfest að hún
væri ein þeirra sem hefðu unnið
sér inn þátttökurétt á leikunum.
Að baki er fjögurra ára barátta frá
síðustu leikum en hún stefnir að
því að gera betur en í Peking, þar
sem hún þurfti að hætta í miðjum
leik vegna meiðsla.
„Ég var að keppa við japanska
stelpu fyrir framan 50 þúsund
öskrandi áhorfendur. Það voru
mikil læti og spennan var mikil,“
rifjar Ragna upp. „Í leiknum
fannst mér ég aldrei ná að sýna
mitt rétta andlit eða hvernig leik-
maður ég væri. Svo þegar leikur-
inn var í raun að klárast þá gaf
hnéð sig endanlega og ég þurfti að
hætta,“ sagði Ragna sem hafði þá
spilað með slitið krossband í hné í
nokkurn tíma.
Sjálfsörugg og líður vel
Ragna þurfti ár til að jafna sig
eftir aðgerð en hefur nú náð fyrri
styrk og gott betur. „Í raun finnst
mér ég vera í besta formi lífs míns.
Badmintonspilarar eru yfirleitt að
toppa við 28-30 ára aldurinn og ég
er 29 ára gömul. Ég er sjálfsörugg
á velli, líður vel og er meiðslalaus.“
Ragna er ein 46 keppenda í ein-
liðaleik kvenna á leikunum í sumar
en allt miðaðist við að ná sem bestu
stöðu á heimslistanum sem gefinn
var út 3. maí. Keppendur höfðu eitt
ár til að safna stigum á listann með
því að keppa á alþjóðlegum mótum.
Á þessu ári fór Ragna á sautján
mót í fjórtán löndum og var utan í
samtals 76 daga.
Reyndar var hún í 72. sæti
heimslistans en þar sem hvert land
má aðeins senda þrjá keppendur
á leikana í hverri grein færðist
Ragna nógu ofarlega á listann til
að komast inn. Hún var í 37. sæti
af þeim 46 sem fengu boð.
Keppendum verður skipt í
sextán riðla og er það í fyrsta sinn
sem það er gert. Sigurvegarar
riðlanna komast í 16-liða úrslit en
áður hefur aðeins verið keppt með
útsláttarfyrirkomulagi. Það er því
langlíklegast að Ragna fái minnst
tvo leiki á leikunum í sumar.
Vil ná mínu besta fram
Hún á þó erfitt með að setja sér
markmið þar sem hún veit ekki
hverjum hún muni mæta. Móta-
skráin verður ekki gefin út fyrr
en viku fyrir leikana.
„Í Peking mætti ég stelpu sem
var númer ellefu á heimslistan-
um og var töluverður getumunur
á okkur. Það var því mjög erfitt
að byggja sig upp fyrir það,“ sagði
Ragna. „Í þetta sinn þarf ég ekki
að eyða miklum tíma í að velta
því fyrir mér. Það væri gaman að
vinna leik og ég yrði mjög ánægð
með það. En mér myndi líka líða
vel ef mér tækist að ná mínu besta
og sýna umheiminum hvernig leik-
maður ég er.“
Facebook-færsla breytti öllu
Viðtal sem birtist við Rögnu í
Fréttablaðinu þann 8. desember
síðastliðinn vakti mikla athygli.
Þar lýsti hún óánægju með hvern-
ig hlúð væri að íslensku afreks-
íþróttafólki.
„Þetta breytti þvílíkt miklu,“
segir hún. „Þetta byrjaði allt sem
færsla á Facebook-síðunni minni
og sem betur fer var ég með frétta-
menn á vinalistanum sem varð til
þess að þetta barst út. Þetta varð
til þess að ég fékk mikinn stuðn-
ing, bæði frá fyrirtækjum og ein-
staklingum, og þetta kom öðrum
íþróttamönnum líka til góða.“
Ragna lýsti því í viðtalinu að
íþróttamenn geta ekki áunnið sér
nein réttindi á meðan þeir stunda
sína íþrótt, líkt og aðrir sem eru
á venjulegum vinnumarkaði. Hún
segir að það sé enn mikið verk að
vinna í þessum efnum.
„Íþróttamenn eru enn að setja
sig í miklar skuldir og ég þekki
mörg slík tilvik. Ég skil enn ekki
af hverju það er ekkert gert til að
hlúa betur að okkar íþróttafólki.“
eirikur@frettabladid.is
Í BESTA FORMI LÍFS MÍNS
Ragna Ingólfsdóttir stefnir á að sýna sitt rétta andlit á Ólympíuleikunum í
Lundúnum í sumar. Árangurinn á leikunum í Peking voru henni vonbrigði en
hún vill bæta fyrir það. Breytt keppnisfyrirkomulag er á leikunum í sumar.
MEÐ ÞJÁLFARANUM Ragna er hér með þjálfara sínum, Jónasi Huang, eftir að hún fékk staðfestingu á því að hún myndi keppa á
Ólympíuleikunum í sumar. FRÉTTABLAÐIÐ/VALLI