Fréttablaðið - 06.06.2012, Side 12

12 6. júní 2012 MIÐVIKUDAGUR
S
kóli og nám er vinna barna frá um það bil tveggja ára
aldri og að minnsta kosti þar til skólaskyldu lýkur þegar
þau eru sextán ára. Langflestir unglingar halda svo
námi áfram eftir það fram um tvítugt og drjúgur hluti
enn lengur í margs konar starfsnámi eða fræðum.
Miklu skiptir því að skólinn sé vettvangur þroska og að
börnin vaxi upp í sátt og gleði
með vinnustað sínum. Börn eru
afar mismunandi og hafa þar
af leiðandi mismunandi þarfir
varðandi skólavist og nám.
Þessu hefur í síauknum mæli
verið reynt að mæta bæði í
stefnumótun um skóla, svo sem
í lögum og námsskrá, og úti á
akrinum í skólunum sjálfum með sveigjanlegum kennsluháttum
og breyttu skipulagi.
Meðal þess sem talsvert hefur verið rætt en erfiðar hefur
gengið að framkvæma er að gera skil milli skólastiga sveigjan-
legri. Þetta á við um skilin bæði við upphaf og lok grunnskólans.
Um allnokkurt árabil hafa nokkrir einkaskólar boðið upp á
svokallaða fimmárabekki og þróað þannig nám á leikskólastigi
með meiri grunnskólabrag en hægt er að bjóða börnum innan
leikskólans.
Um árabil var grunnskólanemendum einnig boðið að taka
framhaldsskólaáfanga meðfram grunnskólanámi þannig að
þeir væru í raun komnir af stað með framhaldsskólanám fyrir
upphaf formlegrar framhaldsskólagöngu. Vegna ágreinings um
kostnað vegna þessa náms hefur þessi valkostur ekki þróast eins
og vonast var eftir.
Samstarf leik- og grunnskóla hefur aukist þannig að flest börn
sem hefja skólagöngu hafa komið oftar en einu sinni í skólann
sinn áður en grunnskólagangan hefst og gera sér áreiðanlega
betur í hugarlund hvað bíður þeirra þar en foreldrar þeirra
gerðu þegar þeir byrjuðu í skóla, hvað þá afar þeirra og ömmur.
Að auki hefur þróun átt sér stað í námi leikskólabarna og
er elstu börnum leikskólans nú víðast hvar boðin dagskrá sem
hefur að markmiði að aðlaga þau að því sem koma skal í grunn-
skóla.
Í Flataskóla í Garðabæ hefur nú verið ákveðið að bjóða upp á
nám fyrir fimm ára börn í skólanum. Þetta er liður í samrekstri
leik- og grunnskóla sem verið er að skoða um þessar mundir í
Garðabæ og verður foreldrum fimm ára barna boðið að velja á
milli þess að börn þeirra séu áfram í leikskóla eða fari í grunn-
skóla þennan síðasta vetur leikskólastigsins.
Þetta er áhugaverð tilraun hjá Garðbæingum og rökrétt
framhald af þeirri þróun sem átt hefur sér stað í íslenskum
skólum undanfarna áratugi. Gera má ráð fyrir að önnur sveitar-
félög eigi eftir að taka upp þennan þráð og reyna mismunandi
útfærslur á framkvæmdinni. Í slíku þróunarstarfi verður að
gæta þess að þó að sumum börnum geti hentað vel að stunda
nám með grunnskólabrag þegar þau eru fimm ára þá hentar
flestum áreiðanlega best að stunda nám sitt og leik innan þess
ramma sem leikskólinn býður. Markmiðið verður alltaf að vera
það að bjóða hverju barni þann kost sem best á við.
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
Steinnunn
Stefánsdóttir
steinunn@frettabladid.is
SKOÐUN
FRÁ DEGI TIL DAGS
HALLDÓR
Útvegsmenn, landssamband þeirra og viðhengi hafa stundað grímulausan
áróður gegn veiðileyfagjaldinu með öllum
tiltækum ráðum. Það auglýsingaflóð hefur
sjálfsagt kostað skildinginn. Núna ætla
þeir að binda flotann við bryggju. Hvað
gera þeir næst?
Venjulega þegar gjá myndast milli þings
og þjóðar safnar þjóðin nöfnum á undir-
skriftarlista og fer með hann til forsetans.
Síðan er málið eftir atvikum afgreitt í
þjóðaratkvæðagreiðslu með lýðræðisleg-
um hætti. Útvegsmenn gera ekkert slíkt.
Þeir vita sem er að stór meirihluti þjóðar-
innar er ósammála þeim. Þeir hafa kosið
leið valdbeitingar í skjóli fjármagns.
Þess vegna er gjá milli þjóðar og
útvegsmanna. Hópar sem vilja að þjóðar-
viljinn komi skýrt fram hafa að undan-
förnu safnað undirskriftum á netinu til
að kalla fram þjóðaratkvæðagreiðslu um
framtíðarskipulag við stjórn fiskveiða á
http://thjodareign.is/.
Samfara þjóðaratkvæðagreiðslu verður
mikil umræða sem yrði mjög upplýsandi.
Það liggur nefnilega fiskur undir steini.
Það eru tvö frumvörp sem liggja fyrir
Alþingi. Frumvarpið um veiðileyfagjald-
ið sem mest er rifist um en skugga þess
leggur yfir annað frumvarp, frumvarpið
um stjórn fiskveiða. Það snýr að stjórn
fiskveiða og er mun mikilvægara því þar
geta handhafar kvótans haldið kvótanum í
20 ár og jafnvel lengur. Í dag fá útgerðar-
menn kvótann til eins árs í senn. Afleið-
ingin er að kvótinn mun færast mun nær
því að verða eign útvegsmanna, sem er
þeim ekki á móti skapi en í hrópandi and-
stöðu við vilja þjóðarinnar. Þess vegna
verður að stöðva frumvarpið um stjórn
fiskveiða, þess vegna verðum við að skrifa
okkur á http://thjodareign.is/ og kalla fram
þjóðaratkvæðagreiðslu um sjávarauð-
lindina okkar.
Gjá milli þjóðar og útvegsmanna
Sjávar-
útvegsmál
Gunnar Skúli
Ármannsson
læknir
Helga
Þórðardóttir
kennari
Það snýr að stjórn fisk-
veiða og er mun mikil-
vægara því þar geta handhafar
kvótans haldið kvótanum í 20
ár og jafnvel lengur. Í dag fá
útgerðarmenn kvótann til eins
árs í senn.
Innflutningsbann á kvabb
Alþingismönnum og fjölmiðlafólki
var boðið á starfsmannafund Brims
í gær til að fylgjast með skoðana-
skiptum forsvarsmanna, starfsfólks
og sjávarútvegsráðherra. Einn gesta,
Jón Gunnarsson alþingismaður, gat
þó ekki á sér setið og reyndi með
fyrirspurn að flytja hið hefðbundna
kvabb sem viðgengst í þingsal yfir í
fundarsal. Guðmundur Kristjánsson,
forstjóri Brims, tók í taumana
og þaggaði niður í Jóni. „Nei,
nei, nei. Þú talaðir við mig um
þetta í síma og við sömdum um
þetta. Þetta er ekki í boði“, sagði
Guðmundur og hlaut fyrir vikið
verðskuldað lófaklapp.
Forsetinn og þingrofsréttur
Ólafur Ragnar Grímsson hefur tekið
afgerandi forystu í skoðanakönnun-
um og í kappræðum frambjóðenda á
Stöð 2 á dögunum styrkti hann frekar
stöðu sína en hitt. Hann er enda
með fróðari mönnum um stjórn-
málasögu og stjórnskipun landsins.
Í kappræðunum sagði hann meðal
annars, til marks um valdsvið forseta,
að Sveinn Björnsson hefði í forsetatíð
sinni synjað Ólafi Thors for-
sætisráðherra um þingrof
árið 1950.
Takmarkað for-
dæmisgildi
Enginn gat hrak-
ið þá fullyrðingu í beinni, en Guðni
Th. Jóhannesson sagnfræðingur setur
þennan atburð í annað samhengi
í blaðagrein í gær. Þar er bent á að
stjórn Ólafs Thors hafi verið minni-
hlutastjórn sem hafði þegar beðist
lausnar og alls óvíst að þingrofstillag-
an hefði meirihluta á þingi. Beiðnin
hafi einnig verið sett óformlega fram
við forseta, meðal annarra valmögu-
leika, og því sé fordæmisgildi þessara
skoðanaskipta Sveins og Ólafs
afar takmarkað. Gott væri að
hafa fræðimenn til taks í
beinni til að rétta sjónarhorn
í umræðunni.
thorgils@frettabladid.is
Sveigjanleg skil milli skólastiga:
Aukið val