Fréttablaðið - 17.08.2012, Blaðsíða 48

17. ágúst 2012 FÖSTUDAGUR32
Myndlist ★★★★ ★
Collaboration 5/Samstarf 5
Samsýning átta listamanna
Salur Myndlistarfélagsins/Gall-
erí BOX og Verksmiðjan Hjalteyri
Átta listamenn frá München í
Þýskalandi hafa lagt tvö mjög ólík
sýningarrými í nágrannabæjunum
Akureyri og Hjalteyri undir sýn-
inguna Collaboration 5 eða Sam-
starf 5. Annars vegar er það salur
Myndlistarfélagsins í Listagilinu á
Akureyri, öðru nafni Gallerí BOX,
og hins vegar Verksmiðjan á Hjalt-
eyri, en eins og nafnið gefur til
kynna er sá sýningarstaður stað-
settur í gamalli en tignarlegri og
„vel lyktandi“ síldarverksmiðju
sem reist var á fyrri hluta síðustu
aldar af Thor Jensen, en er löngu
hætt starfsemi sem slík.
Sýningarstjórn sér Hlynur
Hallsson um ásamt þremur af
listamönnunum átta, þeim Beate
Engl, Thomas Thiede og Alex-
ander Steig. Hinir listamennirn-
ir fimm eru Leonie Felle, Sandra
Filic, Anton Bosnjak, Elias Hassos
og Maximilian Geuter.
Sýningin er þannig til komin að
hópurinn, undir stjórn Thomasar
Thiede, ákvað árið 2008 að fara
í víking og kynna listamenn frá
München á alþjóðlegum vettvangi.
Eins og nafn sýningarinnar ber
með sér er þetta fimmta sýning
hópsins. Í texta á heimasíðu hóps-
ins er verkefnið útskýrt nánar; í
fyrsta lagi sé þetta eins og þegar
rokkhljómsveit fer í tónleikaferð,
og í öðru lagi hitti hópurinn aðra
hópa í mismunandi löndum, vinni
með þeim að sýningu og byggi upp
og noti tengslanet sitt til áfram-
haldandi sýningarhalds.
Listamennirnir nota að mestu
efnivið sem þeir útvega sér á þeim
stað sem þeir sýna á, því dýrt er
að flytja listaverk og efni á milli
landa, nema þá helst DVD og ljós-
myndir.
Í BOXI er athyglisvert að sjá
þýskan listamann, Beate Engl,
ÞJÓÐVERJAR Í VÍKING
verða á undan Íslendingum að
gera ásláttarverk um búsáhalda-
byltinguna, með því einfaldlega
að hengja upp potta og pönnur
í ramma. Allir geta þarna gerst
byltingarmenn, með tilheyrandi
hávaða. Alexander Steig á fallegt
verk, Eyjafjörð, í Verksmiðjunni
og notar sér beina útsendingu.
Hann er með vídeóvél úti í glugga
sem beint er út á Eyjafjörðinn, og
myndin kemur svo í sjónvarpsskjá
þar fyrir aftan. Á gluggann hefur
hann límt litla teikningu af eyju
með einhvers konar kjarnorku-
versstrompi að því er virðist, og
þannig skáldar hann inn í raun-
tímann með skemmtilegum hætti.
Það er mikil friðsæld í vídeóinu en
samt undirliggjandi spenna.
Sandra Filic hefur hljóðritað
vínilplötubrak á vínil, og spilar
plötuna á sýningunni! Verkið heit-
ir Loop eða Hringrás. Skemmti-
legt.
Thomas Thiede nýtir sér húðflúr
í verkum sínum og býður Akur-
eyringum upp á ókeypis flúrun
á Húðflúrstofu Norðurlands. Sá
böggull fylgir skammrifi að ein-
ungis má velja úr ofur hversdags-
legum tattúmyndum Thiedes, svo
sem mynd af handfræsara, manni
að koma upp úr ræsi og skíðaskó.
Tveir sýningargestir höfðu þó
þegar pantað slík myndlistarflúr
á opnunardegi sýningarinnar.
Anton Bosnjak er með einfalt
og þrælpólitískt vídeó í Verkmiðj-
unni. Eldspýtustokkum, sem heita
Europe, er raðað upp í röð og ein
eldspýta stendur út úr hverjum
þeirra, þannig að þegar kveikt er
í fyrsta stokknum fylgir sá næsti
á eftir og svo koll af kolli. Evrópa
brennur, land fyrir land, enda er
allt á suðupunkti um þessar mynd-
ir í hagkerfi Evrópu.
Elias Hassos hefur búið til gott
rýmisverk með fjöldanum öllum
af bréfbátum og raðað á gólfið
í verkinu Landnáma og Leonie
Felle sýnir fallegt vídeó á gólfinu
í þröngu miðrými verksmiðjunn-
ar, sem heitir It´s sink or swim, af
manneskju að svamla í vatni.
Vídeóverk Söndru Filic, Models
of Reality V, líður fyrir of mikla
umhverfisbirtu, en það sem mér
tókst að greina var áhugavert.
Fólk í hversdagslegum athöfnum
og þulur talar yfir.
Þóroddur Bjarnason
Niðurstaða: Styrkur sýningarinnar
liggur í samtímis notkun tveggja mjög
ólíkra sýningarrýma og góðu hlutfalli
af áhugaverðum verkum, þar sem
hversdagsleg viðfangsefni eru sett
fram á látlausan hátt.
SAMSTARF 5 Þetta er í fimmta sinn sem listamennirnir átta frá München sýna saman en þeir nota að mestu efnivið sem þeir
verða sér úti um á hverjum sýningarstað fyrir sig. MYND/ÞÓRODDUR BJARNASON
HVAÐ? HVENÆR? HVAR?
Föstudagur 17. ágúst 2012
➜ Tónleikar
20.00 Söngkonan Jussanam da Silva
heldur tónleika með Agnari Má Magn-
ússyni á Hjálmakletti í Borgarnesi.
➜ Leikrit
21.00 Ferðaleikhúsið að Baldursgötu
37 sýnir nýja uppfærslu á Light Nights.
Þjóðsögur og margvíslegt íslenskt efni
er á dagskrá en leikritið er flutt á ensku.
Aðgangseyrir er frá kr. 1.500 til 2.500.
➜ Tónlist
22.00 Hljómsveitin Sykur spilar á
Ellefunni. Aðgangur er ókeypis.
22.00 Ljótu hálfvitarnir halda tónleika
á Café Rosenberg. Aðgangseyrir er kr.
2.500
22.00 Hljómsveitirnar Tilbury og
Moses Hightower spila á Græna hatt-
inum Akureyri. Miðaverð er kr. 2.200.
23.00 Ingvar Valgeirsson skemmtir
á Ob-La-Dí-Ob-La-Da Frakkastíg 8.
Aðgangseyrir er kr. 1.000.
Í BEINNI Á STÖÐ 2 SPORT
LAUGARDAG KL. 16.00
STJARNAN
KR
UPPHITUN HEFST KL. 15.00
ÚRSLITALEIKURINN Í
BORGUNARBIKARNUM
VILDARÁSKRIFT AÐ STÖÐ 2 SPORT INNIHELDUR
Finnski tónlistarmaðurinn Jimi
Tenor stendur fyrir tveimur mis-
munandi viðburðum í Norræna
húsinu um helgina.
Tenor heldur tónleika í Nor-
ræna húsinu í kvöld en hann
er meðal þekktustu tónlistar-
manna Finna og frægur fyrir
óhefðbundna og litríka tónleika.
Skemmst er að minnast þátt-
töku hans í sjónvarpsþættinum
Hljómskálanum sem tekinn var
upp í Eldborgarsalnum í tilefni
af Listahátíð í Reykjavík þar sem
Tenor vakti nokkra lukku. Tón-
leikarnir í kvöld hefjast klukkan
21.
Finnannum er þó fleira til lista
lagt en tónlist og kvað einnig vera
liðtækur ljósmyndari. Á laugardag
opnar ljósmyndasýningin Auto-
bahn í kjallara Norræna hússins.
Á sýningunni eru myndir sem
Tenor hefur tekið um heiminn af
dýrahræjum sem hafa orðið fyrir
bílum og er útkoman einna líkust
abstrakt-málverkum. Tenor lóðsar
gesti um sýninguna klukkan 15 og
aftur klukkan 16 á laugardag en
hún stendur til 27. ágúst.
Jimi Tenor í Norræna húsinu
JIMI TENOR Heldur tónleika í kvöld og
ljósmyndasýningu á morgun.