Fréttablaðið - 02.10.2012, Síða 2

2. október 2012 ÞRIÐJUDAGUR2
Ef þú ert hress 60 ára eða eldri
og finnst gaman að hreyfa þig
í takt við tónlist komdu þá og
prófaðu ZUMBA Gold.
Má bjóða þér
upp í dans?
Nýtt og spennandi námskeið
í Heilsuborg fyrir 60 ára
og eldri
• Hefst 9. okt. – 4 vikur
• Þri. og fim. kl. 11:00-12:00
• Verð kr. 12.900
Egill, eru Íslendingar að taka
fótinn af bremsunni?
„Já, og byrjaðir að gefa í!“
Egill Jóhannsson er forstjóri Brimborgar.
Fréttablaðið greindi frá því í gær að
bílasala hefði aukist talsvert undanfarið
eftir mögur ár.
FÓLK „Ég á tvö sumur hérna eftir
enn þá. Ég get komið ýmsu í verk
á þeim tíma,“ segir Ágúst Dalkvist
fangi, sem í sumar skráði og hnit-
setti örnefni á landareign fangels-
isins á Sogni.
„Þetta er ekki dýr framkvæmd
en er mjög flott verk hjá honum,“
segir Margrét Frímannsdóttir
fangelsisstjóri, sem hefur nú sent
bæjaryfirvöldum í Hveragerði,
Ölfusi og Árborg bréf og boðið
fram þjónustu fanga við örnefna-
skráningu á svæðinu.
„Við erum með
menn sem hafa mjög
mikinn áhuga og eru
tilbúnir að leggja á
sig mikla vinnu. Ég
hef trú á því að það
séu fjölmörg svona
verkefni sem við
gætum tekið að okkur
fyrir sveitarfélögin.
Hér um slóðir eru
örnefni sem ekki mega
glatast,“ segir Mar-
grét sem einmitt í gær
fékk send viðbrögð
örnefnasafns Stofnun-
ar Árna Magnússonar
við verki Ágústs.
„Verulegur fengur er í þessu
fyrir okkur og þökkum við inni-
lega fyrir sendinguna,“ vitnar
Margrét í svarbréf örnefnasafns-
ins. „Fyrst að Örnefnastofnun er
ánægð með okkar vinnu í þessu
er ég viss um að þetta gæti geng-
ið vel.“
Ágúst átti sjálfur frumkvæði að
skráningunni í sumar. Hann segist
vera „sveitakarl“ og hafa mikinn
áhuga á örnefnum og þeim sögum
sem þær segja. Honum lítist afar
vel á að fleiri slík
verkefni bjóðist.
„Ég gerði þetta
einmitt í þeim til-
gangi að skapa verk-
efni fyrir fangelsið
í framhaldinu. Mér
líst mjög vel á það,
bæði fyrir mig næsta
sumar og fyrir aðra sem á eftir
mér koma,“ segir Ágúst og bend-
ir á að auk sveitarfélaganna gæti
slík vinna verið upplögð fyrir
ferðaþjónustubændur sem vilja
skapa skemmtilegar gönguleiðir
fyrir gesti sína. „Það er af nógu
að taka.“
Skráin sem Ágúst tók saman
geymir örnefni og hnit þeirra auk
ljósmynda og stuttra frásagna.
Langflest örnefnin segir hann
fengin úr eldri skrá frá árinu 1967.
Mesta vinnan hafi falist í að finna
sjálfa staðina. Sumir séu reyndar
horfnir þar sem land hafi verið
sléttað. „Það eru bæði hæðir og
hólar sem eru bara farnir,“ segir
hann.
Nú stendur til að merkja helstu
örnefnin með plötum eins og þeim
sem framleiddar eru fyrir bílnúm-
er á Litla-Hrauni. „Það verða bara
helstu staðirnir merktir, annars
yrði þetta eins og skiltaskógur,“
segir Ágúst Dalkvist.
gar@frettabladid.is
Fangi skráði örnefni
í landi Sogns í Ölfusi
Maður sem afplánar langan fangelsisdóm og er í opnu fangelsi á Sogni skráði
og hnitsetti í sumar öll örnefni á landareigninni. Örnefnastofnun hrósar starfi
fangans og fangelsisstjórinn býður sveitarfélögum að kaupa slíka skráningu.
SOGNAR Í örnefnaskrá Ágústs Dalkvist segir um Sognar að hann sé
294 metra hár tvískiptur móbergshryggur norðvestur af húsunum á
Sogni. MYND/ÁGÚST DALKVIST
ORKUMÁL Sérfræðingahópur á
vegum Orkuveitu Reykjavíkur
kemst að þeirri niðurstöðu að nið-
urdæling vatns frá Hellisheiðar-
virkjun í fyrra hafi verið illa
undir búin og framkvæmd hennar
gagnrýniverð. Jarðskjálftarnir sem
niðurdælingunni fylgdu hafi komið
á óvart og vakið um tíma kvíða og
tortryggni.
Fyrstu viðbrögð hafi verið fálm-
kennd og nokkurn tíma hafi tekið
að átta sig á atburðarásinni og
hvernig við skyldi brugðist. Sér-
fræðingahópurinn leggur til ráð-
stafanir og framtíðarverklag við
hliðstæðar framkvæmdir og vísar
þar til fyrirhugaðrar Hverahlíða-
virkjunar.
Í skýrslunni kemur jafnframt
fram að jarðhræringar séu minni
og vægari nú en á fyrstu mánuðum
niðurdælingar, þrátt fyrir óbreytta
dælingu. Það sé „skýr vísbending
um að niðurdælingin sé nú búin að
losa um mestu mismunaspennuna
við Húsmúla og að vökva- og þrýsti-
jafnvægi sé að komast þar á.“
Bjarni Bjarnason, forstjóri OR,
segir mikinn feng að skýrslu sér-
fræðinganna. Þeir komi með ábend-
ingar og tilmæli sem Orkuveitan
taki mjög alvarlega og fyrir tækið
hafi þegar farið að bráðabirgðanið-
urstöðum hópsins. - shá
Sérfræðingahópur OR gagnrýnir verklag við niðurdælingu vatns á Hellisheiði:
Illa staðið að niðurdælingunni
Á HELLISHEIÐI Skjálftarnir vöktu kvíða
og tortryggni en ekkert bendir til
skemmda á fasteignum vegna þeirra.
FRÉTTABLAÐIÐ/VILHELM
Reglum um lausafé breytt
Seðlabanki Íslands hefur gert
breytingar á reglum um lausafjárhlut-
fall fjármálafyrirtækja. Felst breytingin
í því að framvegis verða innstæður
fjármálafyrirtækja í slitameðferð flokk-
aðar meðal skulda við lánastofnanir.
EFNAHAGSMÁL
NEW YORK, AP Walid al Moallem, utanríkisráðherra
Sýrlands, segir að enginn friður geti orðið í Sýrlandi
fyrr en nágrannalöndin hætti að styðja hryðju-
verkamenn.
Jafnframt segist hann furðu lostinn yfir því að
aðildarríki Sameinuðu þjóðanna, sem hafa undan-
farin ár háð stríð gegn hryðjuverkum, skuli nú
styðja hryðjuverkamenn gegn sýrlensku stjórninni,
og krefjast þess að Bashar al Assad Sýrlandsforseti
láti af embætti.
„Þetta eru blygðunarlaus afskipti af sýrlenskum
innanríkismálum,“ segir Moallem.
Í Damaskus, höfuðborg Sýrlands, segir hins vegar
Mokhtar Lamani, sem er fulltrúi friðarsendinefnd-
ar Sameinuðu þjóðanna og Arababandalagsins í Sýr-
landi, að eitt stærsta vandamálið, sem stendur í vegi
fyrir því að hægt sé að semja um frið í Sýrlandi, sé
hversu sundraðir hópar uppreisnarmanna eru. Þeir
eigi erfitt með að koma sér saman um samnings-
afstöðu gagnvart sýrlensku stjórninni vegna þess að
ekki ríkir traust á milli þeirra sjálfra innbyrðis.
Harðir bardagar geisa í landinu. Árás stjórnar-
hersins á þorp í norðanverðu Sýrlandi kostaði yfir
tuttugu manns lífið í gær. Þá hafa gríðarlegar
skemmdir orðið á gömlum markaðstorgum í höfuð-
borginni Damaskus. - gb
Enginn sáttatónn í utanríkisráðherra Sýrlands á allsherjarþingi SÞ:
Segir SÞ styðja hryðjuverkalið
WALID AL MOALLEM Utanríkisráðherra Sýrlands ósáttur við
afskipti af innanríkismálum. NORDICPHOTOS/AFP
SVEITARSTJÓRNIR Verkefnisstjóri
við byggingu hjúkrunarheimilis í
Sjálandshverfi í Garðabæ segir í
greinargerð til bæjarstjórnar að
framkvæmdir á vegum Hamars-
fells ehf. við innanhúsfrágang
gangi seint og séu átta til níu
vikum á eftir áætlun. Verktakan-
um hafi því verið send orðsend-
ing þar sem hann er hvattur til að
„grípa til árangursríkra ráðstaf-
ana til að uppfylla skyldur sínar
samkvæmt verksamningi um að
skila verkinu á umsömdum tíma,“
segir í fundargerð bæjarráðs. „Í
orðsendingunni kemur fram að
dráttur á afhendingu húsnæðis-
ins geti valdið verkkaupa tjóni en
verkkaupi er bundinn af samn-
ingi við ríkið um rekstur hjúkr-
unarheimilis í húsnæðinu.“ - gar
Hjúkrunarheimili á eftir:
Hvetja verktaka
til að klára verk
GARÐABÆR Bæjarráðið vill uppfylla
samning við ríkið.
SÁDI-ARABÍA Sænska verslana-
keðjan IKEA hefur sætt gagn-
rýni í Svíþjóð fyrir að hreinsa
konur og stúlkur út af sumum
ljósmyndum í bæklingi sínum í
Sádi-Arabíu.
„Það er ekki hægt að fjar-
lægja eða þurrka konur út úr
raunveruleikanum,“ segir Ewa
Björling, viðskiptaráðherra Sví-
þjóðar, í yfirlýsingu vegna máls-
ins. „Ef Sádi-Arabar leyfa ekki
að konur sjáist eða í þeim heyr-
ist, eða að þær stundi vinnu, þá
eru þeir að sóa helmingnum af
mannauði sínum.“ - gb
Ikea ritskoðar eigin bækling:
Konur og stúlk-
ur þurrkaðar út
STJÓRNMÁL Dagur B. Eggerts-
son, borgarfulltrúi og varafor-
maður Sam-
fylkingarinnar,
hefur hvorki í
hyggju að fara
í framboð fyrir
næstu alþing-
iskosningar
né taka þátt
í formanns-
slag Samfylk-
ingarinnar,
segja heimildir
Fréttablaðsins.
Dagur staðfestir að hann hafi
látið þessi orð falla á borgar-
málaráðsfundi Samfylkingar-
innar um síðustu helgi, en þar
með sé ekki öll sagan sögð.
Dagur segist jafnframt hafa
áskilið sér rétt til að skipta um
skoðun þróist mál með þeim
hætti. „Ég mun ekki segja mikið
fyrr en nær dregur. En ég er af
lífi og sál í borgarmálum. Það er
engin launung á því.“ - shá
Dagur ætlar ekki í landsmálin:
Áskilur sér rétt
til að skipta um
skoðun síðar
DAGUR B.
EGGERTSSON
Báðar lýsa yfir sigri
Bæði Mikhaíl Sjaka svili Georgíuforseti
og Bidzina Ivanisvili, leiðtogi stjórnar-
andstöðuflokkanna, hrósuðu sigri að
loknum þingkosningum í gær. Forsetinn
hefur verið við völd í níu ár og telst
hliðhollur Vesturlöndum, en bandalag
stjórnarandstöðuflokka, Draumur
Georgíu, vill bæta tengslin við Rússland.
GEORGÍA
SJÁVARÚTVEGUR Samtök sjávarút-
vegssveitarfélaga voru stofnuð
fyrir skemmstu en innan þeirra
vébanda eru 24 sveitarfélög sem
hafa beinna hagsmuna að gæta í
sjávarútvegi.
Í tilkynningu segir að til-
gangur samtakanna sé að vinna
að sameiginlegum hagsmunum
aðildarsveitarfélaga í „þeim
málum sem tengjast nýtingu
sjávarauðlindarinnar“.
Svanfríður Jónasdóttir, bæjar-
stjóri í Dalvíkurbyggð, var á
stofnfundi kosin formaður. - þj
Ný samtök sveitarfélaga:
Sjávarpláss taka
höndum saman
SPURNING DAGSINS
Verulegur fengur er
í þessu fyrir okkur
og þökkum við innilega fyrir
sendinguna.“
ÖRNEFNASAFN STOFNUNAR
ÁRNA MAGNÚSSONAR
Í ÍSLENSKUM FRÆÐUM.