Fréttablaðið - 02.10.2012, Síða 6

2. október 2012 ÞRIÐJUDAGUR6
KJÖRKASSINN
SKIPULAGSMÁL Leyfi skipulagsyfir-
valda í Reykjavík vegna endur-
byggingar á austur- og vesturhlið
Þingholtsstrætis 18 var nýlega
fellt úr gildi. Umrædd bygging er
hluti af húsnæði Menntaskólans í
Reykjavík.
Veggurinn, sem var klædd-
ur með gleri og áli, skapraunar
íbúum handan við götuna og segja
þeir hann virka eins og spegil og
að þeir horfi nú nánast beint inn
um glugga hver annars, auk þess
sem þeir séu „berskjaldaðir gagn-
vart gangandi umferð“. Í úrskurði
segir að veggurinn hefði átt að
fara í grenndarmat á sínum tíma,
sem ekki var gert, og því fari
veggurinn nú í leyfisferli á ný.
Byggingarfulltrúi í Reykja-
vík samþykkti í maí síðastliðn-
um byggingarleyfi vegna fram-
kvæmdarinnar. Eftir að lokið
hafði verið við að glerklæða vegg-
inn kærðu íbúar í þremur húsum
leyfisveitinguna.
Í málsrökum kærenda segir að
nágrannar hafi talið að skipta ætti
út gluggakörmum á hliðinni, en
ekki hafi komið í ljós fyrr en í júlí
að hún hefði öll verið klædd dökku
gleri sem „virki eins og spegill“.
Þeir horfðu nánast beint inn hver
til annars, sem feli í sér „óþol-
andi inngrip í friðhelgi einkalífs
þeirra“.
Úrskurðarnefndin komst að
þeirri niðurstöðu að grenndar-
áhrif vegna breytinganna, eink-
um vegna mikillar speglunar,
væru svo mikil að skipulagsyfir-
völdum hefði borið að grenndar-
kynna þær.
Björn Stefán Hallsson bygg-
ingarfulltrúi segir í samtali við
Fréttablaðið að nýtt ferli sé enn
ekki komið af stað.
„Væntanlega verður sótt um
nýtt byggingarleyfi, sem verður
sent í grenndarkynningu. Svo
verða niðurstöður hennar og
athugasemdir teknar fyrir af
skipulagsráði. Þetta fær sína
afgreiðslu og ferlið mun líklega
taka upp undir átta vikur í heild-
ina.“
Sigurður Björnsson, einn af
kærendum, fagnar úrskurðinum,
enda sé ástandið hvimleitt.
„Við erum auðvitað ánægð með
að úrskurðurinn féll okkur í hag,
en það er óvíst hvernig málið fer.“
Sigurður segir íbúa vitan-
lega munu mótmæla núverandi
útfærslu veggsins við endurupp-
töku málsins, en segist ekki vita
hvort yfirvöld munu taka tillit til
þeirra óska.
„Það mun allavega ekki ganga
að byggingarfulltrúi samþykki
leyfið á sömu forsendum og haldið
var af stað með. Við skiljum ann-
ars ekkert í því af hverju þessi
leið var farin, og það með svona
miklum látum, án þess að ræða
við okkur.“ thorgils@frettabladid.is
Sýnd í Odda 101
Í dag kl. 17:00
Gul jörð
Allir velkomnir,
aðgangur ókeypis
Konfúsíusarstofnunin norðurljós sýnir kvikmynd Chen Kaige
Tímamótaverk í kínverskri kvikmyndagerð
Frá kr. 77.900 með „öllu inniföldu“
Villa Adeje Beach
Frá kr. 77.900 í viku með allt innifalið
Netverð á mann, m.v. 2 fullorðna og 2 börn, 2-11 ára, í íbúð með einu
svefnherbergi.
Netverð m.v. 2 fullorðna í studio íbúð kr. 99.900 á mann.
Sértilboð 4. eða 11. október í viku.
Tenerife
4. eða 11. október
í 7 nætur
STJÓRNMÁL Katrín Júlíusdóttir tók við lyklavöld-
um í fjármálaráðuneytinu í gær af Oddnýju
G. Harðardóttur. Katrín segir stór mál fram
undan. Þar beri hæst gjaldeyrishöft og það að
örva fjárfestingu í landinu. Hún mun blása til
samstarfs varðandi gjaldeyrishöftin.
„Ég vil draga sem flesta að því borði og ég
held að það sé komið að því að taka ákvarðanir
í þeim efnum,“ segir Katrín. Hún vill þó ekki
segja hvort það þýði tímasetningu afnáms haft-
anna. „Það eru stórar spurningar sem þarf að
svara á næstu mánuðum og mitt verkefni er að
stuðla að því að það verði gert.“
Alþjóðagjaldeyrissjóðurinn lagði nýverið til
að afnám haftanna yrði ekki tímasett. Katrín
segist þurfa að fara yfir slík sjónarmið, sem
önnur, á næstunni.
„Ég kem þaðan í hinu pólitíska litrófi að
ég vil hafa sem opnust og best samskipti við
alþjóðasamfélagið. Það er alveg klárt að gjald-
eyrishöft passa ekki inn í þá pólitísku sýn. Á
móti kemur að ég er enginn glanni og mun stíga
varlega til jarðar.“
Katrín býður sig fram til að leiða lista Sam-
fylkingarinnar. Þar keppir hún við Árna Pál
Árnason, en bæði hafa verið nefnd sem for-
menn Samfylkingarinnar. Katrín segist ekki
ganga með formanninn í maganum. „Ég tek
einn slag í einu. Ef ágætlega gengur í forvalinu
er aldrei að vita hvað verður í framtíðinni.“ - kóp
Katrín Júlíusdóttir hefur snúið til baka úr barnsburðarleyfi og tók í gær við embætti fjármálaráðherra:
Mikilvægast er að skoða gjaldeyrishöftin
VETTLINGASKIPTI Steingrímur J. Sigfússon skildi eftir
vinnuvettlinga handa Oddnýju til að fara í stóru verkin.
Oddný kom vettlingunum áfram. FRÉTTABLAÐIÐ/VALLI
MATVÆLI „Við vorum svo heppin
að fá slatta af dílamjóra á fisk-
markaðnum,“ segir Magnús
Ingi Magnússon, veitingamað-
ur á Sjávarbarnum við Granda-
garð 9. Þar er um þessar mund-
ir boðið upp á þessa óvenjulegu
fisk tegund.
Að sögn Magnúsar er díla-
mjóri djúpsjávarfiskur og svip-
aður steinbít í laginu.
„Hann er rosalega góður á
bragðið. Hann er stinnur og hold-
ið er svolítið rauðleitt eins og á
karfa,“ segir hann.
Aðeins veiddust um 300 kíló af
dílamjóra hér við land á síðasta
ári, að því er Magnús greinir frá.
„Það er ekki algengt að hann sé á
boðstólum en nú er kjörið tæki-
færi fyrir fiskáhugamenn að
smakka.“ - ibs
Sjaldséður djúpsjávarfiskur er á matseðli Sjávarbarsins þessa dagana:
Gaman að matreiða dílamjóra
SJALDSÉÐUR FISKUR Magnúsi Inga Magnússyni veitingamanni þykir spennandi að
bjóða upp á nýjar fisktegundir. Hér er hann með dílamjóra. FRÉTTABLAÐIÐ/GVA
Speglaveggur á MR
fer aftur í leyfisferli
Úrskurðarnefnd umhverfis- og auðlindamála ógilti byggingarleyfi fyrir glervegg
á húsi Menntaskólans í Reykjavík. Kvartað vegna óþægilegrar speglunar milli
nágrannaíbúða. Veggurinn aftur í leyfisferli en gæti verið skikkaður burt.
SPEGILL Nágrannar segja glervegg á húsi MR við Þingholtsstræti hafa valdið þeim
óþægindum. Gatan sé afar þröng, og því sé „spegilhlið […] viðkvæmari en ella“.
FRÉTTABLAÐIÐ/DANÍEL
Við skiljum ekkert
í því af hverju
þessi leið var
farin, og það með
svona miklum
látum, án þess
að ræða við okkur.
SIGURÐUR BJÖRNSSON
ÍBÚI VIÐ ÞINGHOLTSSTRÆTI
Telur þú áætlun stjórnvalda um
afnám gjaldeyrishafta á réttri
leið?
Já 32,6%
Nei 67,4%
SPURNING DAGSINS Í DAG:
Þekkir þú fólk sem hefur glímt
við ófrjósemi?
Segðu þína skoðun á Vísir.is