Fréttablaðið - 02.10.2012, Side 38

2. október 2012 ÞRIÐJUDAGUR34
„Ég viðurkenni að ég er forfallinn
skófíkill en það er bara fallegt. Fólk
hefur verri fíknir en þetta,“ segir
rithöfundurinn og fjölmiðlamaður-
inn Sölvi Tryggvason.
Sölvi er stoltur skósafnari og á
yfir fimmtíu pör af skóm sem hann
hugsar um af alúð. Ekki eru nema
tvö ár síðan áhugi Sölva á skófatn-
aði kviknaði, en hann hefur verið
iðinn við að bæta í safnið. Sölvi er
einmitt nýkominn heim frá Mar-
okkó þar sem hann fjárfesti í tveim-
ur pörum. „Það var ekki vegna þess
að mig vantaði skó. Annað parið er
ljósbrún leðurstígvél með munstri
á tánni sem mig hefur dreymt um
að eignast lengi. Þau passa bæði
við jakkaföt og gallabuxur en það
er mikill kostur,“ segir Sölvi sem
kennir starfi sínu í sjónvarpi um
skódelluna. „Þá þurfti ég að byrja
að hugsa út í hvernig ég klæddist
og allt í einu fattaði ég hvað skór
skipta miklu máli. Það er afar
vont að vera vel klæddur en í ljót-
um skóm. Það bara gengur ekki,“
segir Sölvi en bætir við að einnig
séu ákveðin fræði á bak við það að
para flotta skó saman við fatnað.
Sölvi vandar sig í skókaupum og
segir hvert skópar bæta fataskáp-
inn. Hann segir íslenska karlmenn
hugsa of lítið um klæðaburð, en
hefur fundið fyrir auknum áhuga
hins kynsins eftir að hann fór að
spá í tísku og safna skóm. „Karl-
arnir fatta bara ekki hversu miklu
máli þetta skiptir. Ég var reynd-
ar í bænum um helgina og þá var
ég þrisvar sinnum spurður hvort
ég væri hommi en ég tek því sem
miklu hrósi fyrir minn fatastíl.“
Sölvi er með mörg járn í eldinum
þessa dagana. Hann flakkar á milli
framhalds- og grunnskóla með
fyrir lestra um forvarnir og kemur
að handritagerð fyrir þættina Sönn
íslensk sakamál. Sölvi ætlar svo að
henda sér í jólabókaflóðið í byrjun
nóvember með ævisögu Jóns Páls
Sigmarssonar.
alfrun@frettabladid.is
BÓKIN
Ég var reyndar í
bænum um helgina
og þá var ég þrisvar sinnum
spurður hvort ég væri hommi
en ég tek því sem miklu hrósi
fyrir minn fatastíl.“
„Við erum virkilega ánægðir
miðað við peningana sem við
vorum með í höndunum. Þetta er
fyrsta alvöru hasarmynd Íslands-
sögunnar,“ segir Huginn Þór
Grétarsson, meðframleiðandi og
einn af leikurunum í Blóðhefnd.
Hasarmyndin kemur í bíó 12.
október. Hún hefur verið í fjög-
ur ár í vinnslu og kostnaður-
inn er innan við tíu milljónir
króna. „Myndin var svolítið lengi
í vinnslu því þetta er ekki stórt
batterí með ríkisstyrkjum, heldur
unnið í krafti viljans,“ segir Hug-
inn Þór.
Blóðhefnd gerist í undirheim-
unum og fjallar um glæpahring
sem ógnar fjölskyldu vegna úti-
standandi skulda.
Aðalpersónan, sem leikstjórinn
Ingólfur Ingólfsson leikur, fyllist
hefndarþorsta og tekur málin í
sínar hendur.
Spurður hvort Blóðhefnd jafn-
ist á við Svartur á leik eða Borg-
ríki, sem einnig gerðust í íslensku
undirheimunum, segist Huginn
ekki vera viss. „Ég veit ekki með
myndina Svartur á leik. Hún kom
rosalega vel út en ég held að þetta
sé þess virði fyrir fólk sem hefur
áhuga á íslenskri kvikmyndagerð
að koma og skoða.
Það eru mjög flott slagsmála-
atriði þarna og alvöru hasar,“
segir hann. Til marks um það
hálsbrotnaði einn leikarinn næst-
um því við tökurnar og annar var
skallaður svo hann vankaðist. - fb
Kostaði innan við tíu milljónir
BLÓÐHEFND Úr myndinni Blóðhefnd sem verður frumsýnd 12. október.
Til stendur að halda tónleika með gömlum íslenskum
gruggsveitum frá tíunda áratugnum á Gamla Gaukn-
um um miðjan desember. Staðfestar hafa verið Bone
China, Dos Pilas, Quicksand Jesus, In Bloom og Dead
Sea Apple.
„Þetta er hugmynd sem Finni [Guðfinnur Sölvi
Karlsson] úr Quicksand Jesus og Franz [Gunnarsson]
gítarleikari fengu. Þeir voru að spá í að gera þetta í
september en svo var allt í einu kominn september.
Menn eru orðnir gamlir og þurfa að æfa þetta dót,“
segir Hannes Friðbjarnarson, trommuleikari í Dead
Sea Apple og Buffi. „Þetta er fínt fyrir gamla mussu-
rokkara að koma út úr fylgsnum sínum, fá sér einn
bjór og hlusta á „næntís“-bönd,“ segir hann. „Þetta
eru bönd sem voru flest á jaðrinum og fengu ekki
mikla umfjöllun í fjölmiðlum,“ segir hann. „Þau náðu
einstaka lögum í spilun en voru alltaf dugleg að halda
tónleika. Engin hljómsveitanna hefur tök á því að
halda tónleika ein og sér og þess vegna er fínt fyrir
menn að koma saman og taka nokkur lög.“ - fb
„Næntís“-nostalgía á Gauknum
SPILA Á GAUKNUM Rokkararnir í Dead Sea Apple spila á
Gamla Gauknum.
„Sögur af Skaftáreldum eftir
Jón Trausta er efst í bunkanum
á náttborðinu en svo er ég líka
að glugga í matreiðslubókina
Góður matur – gott líf eftir Gísla
Egil Hrafnsson og Ingu Elsu
Bergþórsdóttur.“
Margrét Eir Hjartardóttir, söng- og leik-
kona
Miðasala | 568 8000 | borgarleikhus.is
Forsala í fullum gangi!
Frumsýning
28. september
fös. 28/9 kl. 20 UPPSELT
lau. 29/9 kl. 20 örfá sæti
lau. 6/10 kl. 19 örfá sæti
lau. 6/10 kl. 22 örfá sæti
sun. 7/10 kl. 20 örfá sæti
fös. 12/10 kl. 19 UPPSELT
lau. 13/10 kl. 19 örfá sæti
lau. 20/10 kl. 19 UPPSELT
Sýningar í Hofi á Akureyri
fös. 01/11 kl. 19 | lau. 02/11 kl. 19
Miðasala í síma 450 1000 og á
menningarhus.is
SÖLVI TRYGGVASON: ÞAÐ ERU TIL VERRI FÍKNIR EN ÞETTA
Á FIMMTÍU PÖR AF SKÓM
SKÓDELLA Sölvi Tryggvason segir íslenska karlmenn vanmeta hversu miklu máli fallegir skór skipta fyrir heildarútlitið en í skósafni
Sölva eru fimmtíu pör. FRÉTTABLAÐIÐ/GVA