Fréttablaðið - 22.10.2012, Blaðsíða 2

22. október 2012 MÁNUDAGUR2
SPURNING DAGSINS
JARÐSKJÁLFTI Hundruð jarðskjálfta
hafa mælst norður af Siglufirði
frá því á laugardag. Enn fundust
skjálftar á svæðinu í gær. Sá stærsti
mældist tæplega sex á Richter.
Skjálftahrinan hófst á laugardag
og náði hámarki skömmu eftir mið-
nætti. Upptök skjálftanna eru um
tuttugu kílómetra norður af Siglu-
firði, á sex til níu kílómetra dýpi.
Stærsti skjálftinn í hrinunni varð
rétt fyrir klukkan hálf tvö aðfara-
nótt sunnudags og mældist 5,6 að
stærð.
„Þessi skjálfti fannst víða og
mjög harkalega á Siglufirði, sem
er ekki í nema fimmtán kílómetra
fjarlægð frá upptökunum. Þetta er
sennilega stærsti skjálfti sem hefur
orðið fyrir norðan frá því Kópa-
skersjarðskjálftinn varð í ársbyrj-
un 1976,“ segir Ragnar Stefánsson
jarðskjálftafræðingur.
Eitthvað dró úr virkni í gærmorg-
un en önnur hrina hófst svolítið
sunnar og austar rétt fyrir hádegi í
gær. Ragnar býst við að einhverjar
hrinur haldi áfram á næstunni en á
ekki von á fleiri stórum skjálftum.
Hann segir hrinuna hafa byrjað
smátt fyrir viku síðan og því hafi
stóri skjálftinn ekki komið upp úr
þurru.
„Þessi stóri sem átti sér stað
aðfaranótt sunnudags var svokall-
aður gliðnunarskjálfti. Það er gliðn-
unarkvos sem liggur frá norðri til
suðurs þar sem landið gengur sund-
ur og kvika gengur upp undir skorp-
una, þó ekki hátt upp. Þetta gerist á
kannski sjö til átta kílómetra dýpi.
Það eru þó engin merki um að þessi
kvika sé á leiðinni upp og því ekkert
sem bendir til þess að þarna verði
gos.“ sara@frettabladid.is
Sennilega stærsti
skjálftinn frá 1976
Hundruð jarðskjálfta mældust norður af Siglufirði um helgina. Stærsti skjálft-
inn mældist 5,6 að stærð sem er sennilega stærsti skjálfti á svæðinu síðan árið
1976. Jarðskjálftafræðingur býst við að skjálftahrinan haldi áfram næstu daga.
„Við fundum fyrir einum mjög stórum um miðnætti
(aðfaranótt sunnudags) og þá fór ég og tíndi saman
það sem ég gat. Þegar sá stóri kom um hálf tvö var ég
búin að græja margt en eitthvað brotnaði þó. Innra
glerið á einni rúðunni sprakk og einangrunin á þakinu
er farin að detta í sundur,“ segir Rósa Jónsdóttir, íbúi á
Siglufirði, en fjölskylda hennar svaf ekkert um nóttina.
„Við þorðum það ekki. Ég beið eftir því að eitthvað
alvarlegra kæmi fyrir. Barnabarnið var eini fjölskyldu-
meðlimurinn sem svaf þetta af sér.“
Rósa hefur ekki upplifað skjálftahrinu sem þessa
áður. „Þegar þessir stóru komu var eins og flutningabíll
hefði keyrt inn í húsið og allt lék á reiðiskjálfi.“
Líkt og flutningabíl sé ekið inn í húsið
RÓSA JÓNSDÓTTIR
Siglufjörður
Ólafsfjörður
19.-20. september 2012
20.-21. október 2012
Stærsti skjálftinn
NEYTENDUR Saltlakkrís verður
undanþeginn salmíaktakmörk-
unum Evrópusambandsins, ESB.
Tillaga um að minnka mesta
leyfilegt magn salmíaks í lakkrís
í þrjú grömm á hvert kíló var
lögð fram í vor.
Á vef Svenska Dagbladet segir
að í saltlakkrís séu hins vegar
70 grömm af salmíaki í hverju
kílói. Hefði tillagan verið sam-
þykkt hefði saltlakkrísinn verið
bannaður.
Matvælafyrirtæki og sæl-
gætisframleiðendur á Norður-
löndum mótmæltu tillögunni á
þeim forsendum að salmíaks-
magnið væri svo lítið að það væri
ekki hættulegt heilsunni. - ibs
Salmíakstakmarkanir ESB:
Saltlakkrís
verður bjargað
SLYS Tveir menn, Ólafur Felix Haraldsson og Hans
Óli Hansson, létu lífið þegar fisvél sem þeir voru
í brotlenti á Njarðvíkurheiði á laugardag, skammt
suðaustan við fisflugvöllinn við Seltjörn.
Ekki er enn vitað um orsakir slyssins, en aðstæð-
ur til flugs voru ágætar þegar slysið átti sér stað.
Mennirnir voru úrskurðaðir látnir á vettvangi, en
talið er að mennirnir hafi látist nærri samstundis.
Rannsóknarnefnd flugslysa rannsakar nú málið
og hefur flak vélarinnar verið flutt til Reykjavíkur.
Óvíst er þó hvenær niðurstöður munu liggja fyrir.
Ólafur Felix var búsettur á Patreksfirði, fæddur
1970 og lætur eftir sig sambýliskonu og þrjú börn.
Hans Óli var búsettur í Kópavogi, fæddur 1946
og lætur eftir sig sambýliskonu og þrjú uppkomin
börn. - þj
Tveir menn létu lífið þegar fisvél hrapaði til jarðar á Reykjanesi um helgina:
Ekkert vitað um orsakir slyssins
FRÁ SLYSSTAÐ Mennirnir tveir voru úrskurðaðir látnir á slysstað,
en talið er að þeir hafi látist nærri samstundis. MYND/VÍKURFRÉTTIR
SVEITARSTJÓRNARMÁL Sveitarfélögin
Álftanes og Garðabær munu
sameinast, undir merkjum hins
síðarnefnda, í upphafi næsta árs.
Sameining var samþykkt í báðum
sveitarfélögum um helgina.
Alls voru 87,7 prósent kjósenda
á Álftanesi fylgjandi sameiningu
en 11,5 prósent á móti. Í Garðabæ
var hins vegar mjórra á munum
þar sem rúm 53 prósent greiddu
atkvæði með sameiningu en tæp
47 prósent á móti.
Gunnar Einarsson, bæjarstjóri
í Garðabæ, segir í samtali við
Fréttablaðið að gott sé að fá nið-
urstöðu í málið. ekki hafi komið
á óvart að lítill munur hafi verið
meðal Garðbæinga.
„Við vissum að þetta yrði
þyngra hér í Garðabæ en úti á
Álftanesi og afstaða þeirra sem
að sögðu nei er skiljanleg. Fólk
veit hvað það hefur og er ánægt
með Garðabæ eins og er. En nú er
bara komið að því að snúa bökum
saman og búa til enn betra og
sterkara sveitarfélag.“
Gunnar segir bæjastjórn
Garðabæjar munu fara með
stjórn hins nýja sveitarfélags
og bæjarstjórn Álftaness verði
nokkurs konar ráðgefandi hverfa-
stjórn.
Nýja sveitarfélagið mun halda
Garðabæjarnafninu, enda segir
Gunnar að um það hafi verið
samið í upphafi viðræðna.
„Garðabær hefur sterka ímynd
og auk þess hefur orðið garðar
sterka sögulega skírskotun út á
Álftanes. Þannig að það var eng-
inn ágreiningur um það.“
Íbúar sameinaðs sveitarfélags
verða um 14.000 talsins miðað við
tölur Hagstofu frá 1. janúar. - þj
Íbúar Garðabæjar og Álftaness samþykktu sameiningu sveitarfélaganna:
Í eina sæng eftir næstu áramót
GARÐABÆR Talsvert minna fylgi var
meðal Garðbæinga en Álftnesinga. Bæj-
arstjóri Garðabæjar segir það skiljanlegt,
en nú sé mál að taka höndum saman.
RJÚKANDI RÚSTIR Eldur hafði læst sig
í átta bíla þegar slökkvilið kom á vett-
vang. MYND/VÍKURFRÉTTIR
LÖGREGLUMÁL Átta bílaleigubílar
skemmdust eða eyðilögðust í elds-
voða á Iðavöllum í Reykjanesbæ
aðfaranótt sunnudags.
Svo virðist sem eldsneytisþjóf-
ar hafi verið þar á ferð, en á vett-
vangi fannst lítil eldsneytisdæla,
tengd við rafgeymi. Talið er að eld-
urinn hafi komið upp við skamm-
hlaup í dælubúnaðinum.
Brunavarnir Suðurnesja komu á
vettvang upp úr miðnætti og náðu
fljótt stjórn á eldinum. Þjófarnir
voru á bak og burt þegar lögregla
kom á vettvang og er ekki vitað
hverjir voru þarna að verki. - þj
Átta bílar brunnu í Keflavík:
Bílabruninn
rakinn til þjófa
Margrét, ertu þá ekki eins
saklaus og áður var talið?
„Úbbsasí!“
Sjónvarpskonan Margrét Erla Maack
klæðist galla að hætti Britney Spears
í sýningu í Iðnó. Britney kvað einmitt
sakleysi sitt ofmetið á sínum tíma.
Leiguvísitala stóð í stað
Vísitala leiguverðs á höfuðborgar-
svæðinu var 118,7 stig í september
2012 og stóð í stað frá fyrra mán-
uði. Á vef Þjóðskrár kemur fram að
síðastliðna þrjá mánuði hafi vísitalan
hækkað um 4,5 prósent og tæp tíu
prósent síðustu tólf mánuði.
FASTEIGNAMARKAÐUR
BANDARÍKIN Þrír létust og fjórir
særðust er skotið var á heilsulind
í verslunarmiðstöð í Bandaríkjun-
um. Atvikið átti sér stað í bænum
Brookfield í Wisconsin í gær.
Fjórir voru fluttir á spítala til
aðhlynningar en ekkert fórnar-
lambanna er talið í lífshættu.
Mikill viðbúnaður var hafður
í og við heilsulindina eftir að til-
kynning um árásina barst. Árásar-
maðurinn sást hlaupa á brott frá
staðnum skömmu eftir árásina.
Hann er sagður heita Radcliffe
Franklin Houghton. - sm
Árás í heilsulind í Brookefield:
Þrír létu lífið
eftir skotárás
Sóttu slasaðan göngumann
Þyrla Landhelgisgæslunnar sótti
göngumann skömmu eftir klukkan
sjö í gærkvöldi. Maður hafði fallið
fram af klettabelti í Botnssúlum og
slasaðist á baki.
SLYS
ÍSRAEL, AP „Við setjum engar
hömlur á byggingarframkvæmd-
ir í Jerúsalem,“ segir Benjamín
Netanjahú, forsætisráðherra
Ísraels. „Þetta er höfuðborgin
okkar.“
Þetta sagði
hann eftir
að Catherine
Ashton, utan-
ríkismála-
fulltrúi Evrópu-
sambandsins,
hafði gagnrýnt
áform um að
reisa 800 nýjar
íbúðir í hverf-
um Palestínu-
manna í borginni.
Byggingar ísraelskra landtöku-
manna hafa árum saman mætt
harðri gagnrýni Palestínumanna.
Nabil Abu Rdeneh, einn af
aðstoðarmönnum Mahmoud
Abbas, forseta Palestínustjórn-
ar, sagði Netanjahú með þessu
vísvitandi eyðileggja alla friðar-
möguleika. - gb
Meira byggt í Jerúsalem:
Engar hömlur
á landtökufólk
BENJAMÍN
NETANJAHÚ