Fréttablaðið - 22.10.2012, Blaðsíða 14

22. október 2012 MÁNUDAGUR14
Merkisatburðir
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
timamot@frettabladid.is
Ástkær faðir minn, tengdafaðir og afi,
KRISTJÁN JÓNSSON
Hlégerði 23, Kópavogi,
sem lést þriðjudaginn 16. október á
Hjúkrunarheimilinu Holtsbúð, Vífilsstöðum,
verður jarðsunginn frá Kópavogskirkju
þriðjudaginn 23. október kl. 13.00.
Ingvar Kristjánsson Halla Ágústsdóttir
Ágústa Kristrún Ingvarsdóttir
Ragnhildur Björk Ingvarsdóttir
24 tíma vakt
Sími 551 3485
Davíð H. Ósvaldsson S: 896 8284 Óli Pétur Friðþjófsson S: 892 8947
ÞEKKING–REYNSLA–ALÚÐ
ÚTFA
RARÞJÓNUSTA
Hafinn er undirbúningur að nýju vinnu-
lagi í skipulagsmálum í Reykjavík. Í kvöld
kynna Ólöf Örvarsdóttir, skipulagsstjóri
Reykjavíkurborgar, og Sigbjörn Kjartans-
son, arkitekt hjá Glámu Kími, hugmynd-
irnar á fundi í Menningarmiðstöðinni
Gerðubergi.
Nýja skipulagsvinnan snýr að átta af
tíu borgarhlutum, en nýbreytni er að láta
horfa á stærri svæði en verið hefur gert til
þessa. Lögð er áhersla á sjálfbæra þróun,
svo sem vistvænar samgöngur og nær-
þjónustu. Hvert hverfisskipulag er svo
hugsað sem sáttmáli milli borgarbúa og
borgar yfirvalda um hvernig hverfið eigi
að þróast til framtíðar og á því eiga svo að
byggjast framkvæmda- og fjárfestingar-
áætlanir. Eins á skipulagsvinnan að fjalla
um stóru myndina í aðalskipulagi Reykja-
víkur til ársins 2030. Yfirskrift þeirrar
vinnu er „Borg fyrir fólk“.
„Við höfum unnið þetta með borginni, að
átta okkur á hvaða merkingu þessi nálgun
gæti haft og hvernig verklagsferlar yrðu
búnir til,“ segir Sigbjörn. Hverfisskipu-
lagið segir hann að sé hugtak sem innleitt
hafi verið í nýjum skipulagslögum sem
tóku gildi um áramótin 2010/2011. „Þar er
hverfisskipulagi lýst sem aðferð við deili-
skipulag og grein gerð fyrir því í skiln-
ingi laganna. En hugmyndin er sú að þetta
eigi við um þegar byggð hverfi og teknar
séu fyrir heildir og stærri svæði en gert
hefur verið síðustu ár þegar verið er að
endurskilgreina heimildir til bygginga og
framkvæmda í gömlum hverfum bæjarins.
Hugmyndin að baki þessu er sú að hverfin
séu tekin í stærri heildum.“ Annars vegar
segir Sigbjörn að hverfisskipulagið eigi þá
að skilgreina almennan ramma um hvað
heimilt sé að ráðast í og hvað ekki. „Og
hins vegar að fjallað sé um svæði þar sem
meiri inngrip eru fyrirhuguð sem þróun-
arsvæði og og þá séu rammalýsingar um
hvað þar verði á döfinni.“
Sigbjörn segir að með nýju hverfisskipu-
lagi ætti þá að vera komið fram praktískt
verkfæri fyrir borgina þar sem skipulag
sé unnið á skilvirkari hátt en áður, um
leið og vinnan geti verið grundvöllur fyrir
ríkari sátt um skipulagið. „Skipulagið ber
þá ekki að með jafn miklu hentistefnuyfir-
bragði og oft hefur virst vera síðustu miss-
erin.“
Þá segir Sigbjörn í verklaginu tækifæri
í tengslum við sjálfbæra þróun þar sem
greina megi hverfin betur út frá samsetn-
ingu og þjónustueiningum. „Það hefur til
dæmis með það að gera hvort nógu margar
íbúðir standi að baki hverju skólahverfi
til að stuðli að stabílu skólastarfi og hvort
fólk búi nægilega þétt til að það beri nær-
þjónustu, eða hvort menn ætli að halda
áfram að keyra lengri leiðir til að sækja
mjólk og annan varning.“
Í tilkynningu borgarinnar um fund-
inn, sem hefst í Gerðubergi klukkan átta
í kvöld, kemur fram að þegar í þessum
mánuði eigi að auglýsa eftir „þverfag-
legum hönnunarteymum til þess að hefja
undirbúning hverfisskipulagsgerðar í átta
hverfum borgarinnar“. Eru það sögð tíð-
indi í þróunarsögu borgarinnar.
olikr@frettabladid.is
Á SKÓLALÓÐINNI Meðal þess sem horfa á til í nýju hverfaskipulagi er samsetning skólahverfa og hvort byggð sé nógu þétt til að bera nær-
þjónustu á borð við verslanir. FRÉTTABLAÐIÐ/ANTON
SIGBJÖRN KJARTANSSON: HVERFISSKIPULAGIÐ Á AÐ SKILGREINA RAMMANN
Hverfin tekin í stærri heildum
Skipulagið
ber þá ekki
að með jafn miklu
hentistefnuyfi r-
bragði og oft hefur
virst vera síðustu
misserin.
Sigbjörn Kjartansson
Á þessum degi árið 1797 fór Frakkinn
André-Jacques Garnerin í fyrsta fall-
hlífarstökkið. Hann stökk úr loftbelg í
þrjú þúsund feta hæð yfir París.
Leonardo Da Vinci kom fyrstur fram
með hugmyndina að fallhlíf en Frakk-
inn Louis-Sébastien Lenormand bjó
til fyrstu fallhlífina úr tveimur regn-
hlífum árið 1793 og stökk úr tré. Gar-
nerin varð aftur á móti sá fyrsti sem
hannaði fallhlíf sem gat hægt á hraða
manns sem stökk úr mikilli hæð.
Hann fékk hugmyndina þegar
hann var fangi í ungversku fangelsi á
tíma frönsku byltingarinnar. Draum-
ur hans var að geta stokkið niður af
háum fangelsisveggjum. Hann prófaði
þó ekki hugmyndir sínar þar en áhug-
inn á fallhlífarstökki dvínaði ekki.
Árið 1797 lauk hann við gerð fyrstu
fallhlífarinnar. Hún var sjö metrar í
þvermál og fest við bastkörfu. Hinn
22. október festi hann fallhlífina
við loftbelg og sveif hátt yfir jörðu.
Hann klifraði yfir í körfuna og skar
á böndin sem héldu henni. Þar sem
hann gleymdi að gera loftgat efst á
fallhlífina sveiflaðist hann til og frá
á leið sinni til jarðar en lenti óskadd-
aður. Garnerin lést 1823 í loftbelgs-
slysi þegar hann var að prófa nýja
gerð fallhlífa.
ÞETTA GERÐIST: 22. OKTÓBER 1797
Fyrsta fallhlífarstökkið
GARNERIN SVÍFUR TIL JARÐAR Frakkinn
Garnerin svífur til jarðar í fallhlífinni.
1253 Flugumýrarbrenna. 25 manns
láta lífið þegar kveikt er í bænum
Flugumýri í Skagafirði.
1859 Spánn lýsir yfir stríði á hendur
Mónakó.
1964 Franski rithöfundurinn Jean-Paul
Sartre hlýtur Nóbelsverðlaun í
bókmenntum sem hann afþakkar.
1961 Bjarni Benediktsson er kosinn for-
maður Sjálfstæðisflokksins.
1974 Sprengjuárás á skemmtistað í London með þeim afleið-
ingum að þrír starfsmenn særast.
1992 Stærsta síldarfarmi sem landað hefur verið úr einu skipi
er landað á Eskifirði.
SPIKE JONZE leikstjóri er 43 ára í dag.
„Sem leikstjóri færðu að vera varðhundur alls tökuferlisins.
En á sama tíma þarf maður að leggja á minnið heilt handrit.“
43
Kvikmyndin Teorema frá árinu 1968 verður sýnd í
stofu 101 í Lögbergi í dag. Tilefni sýningarinnar er XII
Vika ítalskrar tungu. Teorema er eftir ítalska leikstjór-
ann Pier Paolo Pasolini en hann er af mörgum talinn
einn merkasti listamaður Ítalíu á 20. öld.
Pasolini starfaði ekki aðeins sem leikstjóri heldur
var hann einnig skáld, málfræðingur og blaðamað-
ur. Teorema segir frá dularfullum gesti er dvelur hjá
ríkri fjölskyldu í Mílanó. Það er félagið Marco Polo
sem stendur fyrir sýningunni auk ítölskukennara við
Háskóla Íslands.
Sýningin hefst klukkan 18 og er aðgangur ókeypis.
Sýna gamalt
meistaraverk
DULARFULL MYND Kvikmyndin Teorema er sýnd í Lögbergi í kvöld.