Fréttatíminn - 13.07.2012, Page 6

www.forlagid.is – alvöru bókaverslun á netinu
SUMAR-
KILJUR
„Fínt stöff.“
PÁ L L BA L DV I N
BA L DV I NS SON
F R ÉT TAT Í MI N N
„Höfundurinn nær
slíku tangarhaldi
á lesandanum
að hann vill alltaf
vita meira og
meira ...“
S VA N H V Í T L JÓSB JÖRG
MORGU N BL A ÐIÐ
„Koch er afhjúp-
andi höfundur.“
PÁ L L BA L DV I N
BA L DV I NS SON
F R ÉT TAT Í MI N N
„Það er eitthvað
einstakt við þessa
bók.“
I NGV E L DU R
GE IR SD Ó T T IR
MORGU N BL A ÐIÐ
04–11.07.12
Vasabrotsbækur – skáldverk
04–11.07.12
Vasabrotsbækur – skáldverk
Meðferð MS-lyfsins
Gilenya samþykkt
Sjúkratryggingar Íslands hafa veitt heimild
fyrir greiðsluþátttöku sjúkratrygginga í
MS-lyfinu Gilenya og verður meðferð veitt
þeim MS-sjúklingum sem þegar hafa reynt
MS-lyfið Tsyabri og orðið að hætta notkun
þess, að því er fram kemur á síðu velferðar-
ráðuneysisins. Einnig hefur verið ákveðið
að Gilenya-meðferð verði veitt þeim
MS-sjúklingum sem eiga eftir að greinast
með alvarlegustu einkenni MS-sjúkdómsins.
Fallist var á beiðni Landspítala frá 28. júní
síðastliðnum um að Sjúkratryggingar Ís-
lands veittu umsókn um innleiðingu lyfsins
flýtimeðferð. Þar sem Gilenya er afar vand-
meðfarið lyf mun meðferð með því verða
undir ströngu eftirliti hjá LSH með sérstakri
vöktun sjúklinga, ekki síst í upphafi með-
ferðar. Í byrjun munu 5-10 sjúklingar hefja
meðferð á Gilenya, en áætlað er að fljótlega
muni 20-25 bætast í hópinn. - jh
Landamæri milli
listgreina afmáð
Eftir vel heppnaða Vinnslu í maí, þar sem
um 30 listamenn komu saman og settu upp
verk sín og um 300 áhorfendur mættu til
þess að njóta, verður leikurinn endur-
tekinn með Vinnslu 2 laugardaginn 14.
júlí. Vinnslan gengur út á að listafólk geti
látið reyna á verk eða hugmynd í Vinnslu
fyrir framan áhorfendur. Stefnt er, að
því er fram kemur í tilkynningu, að afmá
landamæri milli listgreina og að skapa
samræður milli fremjenda og njótenda
lista um sköpun. Vinnslan verður haldin á
Norðurpólnum og verður húsið opið fyrir
áhorfendur frá klukkan 19.30 til miðnættis
þar sem áhorfendur hafa tækifæri til þess
að njóta verk í vinnslu frá 22 listamönnum
og hópum úr mismunandi listgreinum. - jh

Átján þúsundasti íbúinn
leystur úr með gjöfum
Akureyringar fagna því að íbúar bæjarins
eru orðnir 18 þúsund. Því marki var náð
þegar Haukur Leó Sveinsson, sonur Sveins
Arnarssonar og Elísabetar Þórunnar Jóns-
dóttur, kom í heiminn. Fyrr í vikunni komu
Eiríkur Björn Björgvinsson bæjarstjóri og
Geir Kristinn Aðalsteinsson, forseti bæjar-
stjórnar, færandi hendi heim til fjölskyld-
unnar og leystu hana út með gjöfum, að því
er Vikudagur greinir frá. Fulltrúar bæjarins
færðu foreldrunum jafnframt árnaðaróskir
og sagði Eiríkur Björn að það væri vel við
hæfi að veita viðurkenningu á tímamótum
sem þessum en sautján þúsundasti
íbúinn fæddist fyrir um 5 árum. Sjálfur lét
drengurinn litli sér fátt um finnast og svaf
værum blundi á meðan fulltrúar bæjarins
voru í heimsókn. - jh
Refir vaktaðir í Hornvík
Flest refapör á Hornströndum eru þessa
dagana á fullu við að afla matar handa
ört vaxandi yrðlingum. Þetta kom fram í
síðustu ferð Melrakkasetursins sem annast
vöktun íslenska refastofnsins í samstarfi
við Náttúrufræðistofnun Íslands, Háskóla
Íslands og Náttúrustofu Vestfjarða, að
því er fram kemur á vef Bæjarins besta.
Melrakkasetrið var fengið til að halda áfram
rannsóknum sem dr. Páll Hersteinsson hóf
fyrir rúmlega þremur áratugum. Farið var
með hóp í refaskoðunarferð á dögunum
á vegum Vesturferða en slíkar ferðir eru
liður í prófun á viðmiðunarreglum The
Wild North, eða hins villta norðurs, sem er
samnorrænt verkefni um þróun sjálfbærrar
náttúrulífsferðamennsku á norðurslóðum.
Með í för var Jón Örn Guðbjartsson frá Há-
skóla Íslands ásamt Konráð Gylfasyni kvik-
myndatökumanni en verið er að vinna að
gerð heimildarþátta um störf háskólafólks
við rannsóknir í náttúru Íslands. - jh
Baltasar var
beðinn um
að mæta
í prufur í
allstórt hlut-
verk fyrir
myndina
sem Ben
Stiller er að
fara að taka
á Íslandi.
 KviKmyndagerð Baltasar KormáKur á töKustað í louisiana
Með milljarða
kvikmynd í tökum
Baltasar Kormákur planar næstu skref eftir að tökum á stórmyndinni 2 Guns lýkur. Á teikniborð-
inu er pilot-þáttur fyrir HBO og stórmynd sem hann vonast til að tekin verði upp á Vatnajökli.
d enzel hleypur ekkert inn á settið, hann labbar. Og labbar hægt,“ segir Balt-
asar Kormákur sem nú er staddur í
Louisiana í Bandaríkjunum við tökur
stórmyndarinnar 2 Guns en í aðal-
hlutverkum eru Denzel Washington
og Mark Wahlberg.
Með milljarða kvikmynd
í tökum
Baltasar er að útskýra fyrir blaða-
manni það sem nýtt er í þessu fyrir
sig sem kvikmyndaleikstjóra. Þó
allt sé þetta hið sama í grunninn og
fátt sem komi á óvart gerir „stærð“
myndarinnar það að verkum að
allt gengur hægar fyrir sig. Fram-
leiðendur 2 Guns verja 80 milljón-
um dollara til gerðar myndarinnar
(10.284.000.000 ISK), 55 milljónum
dollara ef tekið er inn í dæmið skatta-
afsláttur og aðrar endurgreiðslur.
Ástæðan fyrir því að Baltasar er við
tökur í Louisiana er meðal annars sú
að þar er skattalegt umhverfi kvik-
myndagerðarmönnum hagstætt.
„Ég hef verið við undirbúning í
marga mánuði. En, þetta er lengsta
tökuferli sem ég hef farið í eða þrír
mánuðir. Það þykir þó ekki langur
tími þegar svo stór mynd er undir.
Frekar stuttur. Denzel segist vanur
því að vera fjóra til fimm mánuði við
tökur. Ég verð búinn í september en
hef nú verið við tökur í þrjár vikur.
Þetta gengur rosalega vel. En, þetta
segir maður svo sem alltaf þegar mað-
ur er að taka,“ segir Baltasar og hlær.
Sjónvarpsþáttagerð á dagskrá
Nýir leikarar sem tekið hafa að sér
smærri hlutverk eru meðal ann-
arra Bill Paxton og James Mars-
den (Straw Dogs, 2011) og enn er
verið að skipa í hlutverk. Baltasar
lætur vel af sér í Louisiana. Þar er
hitabylgja og hann segist vera orð-
inn eins og arabi útlits í sólinni: „Já,
það er geðveikislega heitt hérna.
Sandnegrinn kemur upp í manni.
En, þetta er frábær staður, djass-
kúltúr, góður fílingur og frábært
hér að vera í alla staði.“
Baltasar kemur heim til Íslands
í september, til að frumsýna kvik-
myndina Djúpið sem þá verður full-
gerð. Þá kemur örlítið hlé áður en
Baltasar heldur aftur til Bandaríkj-
anna til að vinna að eftirvinnslu 2
Guns. „Þá tekur við undirbúning-
ur gerðar pilot-þáttar fyrir HBO.“
Baltasar útskýrir að um sé að
ræða stærstu kapalsjónvarsstöð
í heimi, sem framleiði sjónvarps-
þáttaraðir á borð við Sopranos og
Boardwalk Empire. „Alvöru efni.
Sjónvarpið nartar stöðugt meira í
hælana á bíóinu í gerð kvikmynda-
efnis. Þetta virkar þannig að þekkt-
ur leikstjóri er fenginn til að gera
fyrsta þáttinn, eða pilot-þátt, og
leggja þannig línurnar.“ Baltasar
segir handrit þáttanna alveg ein-
staklega spennandi en þeir ger-
ast í Berlín árið 1969 og fjalla um
prest sem hjálpar fólki að komast
yfir múrinn. Ótrúlega vel skrifað
inní þær aðstæður. Ég fór austur
fyrir múrinn áður en hann féll og
kannast aðeins við þetta.“
Með risastórt verkefni
til Íslands
Ekkert skortir á verkefnin hjá Balt-
asar en þegar pilot-þáttagerðinni lýk-
ur stefnir Baltasar á að koma með
risastórt verkefni til Íslands, eða
kvikmyndina Everest, sem fjallar
um stærsta slys í sögu fjallsins sem
var 1996, sem Baltasar stefnir að
því að tekið verði að verulegu leyti
á Vatnajökli. Baltasar saknar þess
ekki að vera á Íslandi meðan stór-
stórstjörnur á borð við Tom Cruse,
Ben Stiller og Russell Crowe eru á
landinu og sér sér hag í því: „Frá-
bært fyrir íslenska kvikmyndagerð.
Eins og Boot Camp heima núna. Fínt
að menn heima séu í góðri þjálfum.“
Og þó nóg sé að gera við kvik-
myndaleikstjórn hefur hann ekki
gefið frá sér leik og var Baltasar
reyndar beðinn um að mæta í pruf-
ur í allstórt hlutverk fyrir myndina
sem Ben Stiller er að fara að taka á
Íslandi. En taldi sig ekki hafa tíma til
þess. „En, þetta er þröngur heimur.
„Casting director“ þar er besta vin-
kona þeirra sem var með búningana
í Contraband, og ég hef verið í stöð-
ugu sambandi við hana að undan-
förnu og bent henni á íslenska leik-
ara sem gætu verið góðir í hlutverk
þar.“
Jakob Bjarnar Grétarsson
jakob@frettatiminn.is
Baltasar Kormákur. Eftir gerð pilot-þáttar fyrir HBO-sjónvarpsstöðina er Baltasar væntanlegur til
Íslands með risastórt verkefni í farteskinu; tökur kvikmyndarinnar Everest.
6 fréttir Helgin 13.-15. júlí 2012