Fréttatíminn - 17.08.2012, Side 26

Þ
egar blaðamaður mætti
í Kassa Þjóðleikhússins
stóðu yfir æfingar á Með
fulla vasa af grjóti, Hilmir
Snær og Stefán Karl á
sviðinu og úti í sal sátu Ian McElhin-
ney og Selma Björnsdóttir aðstoðar-
leikstjóri. Þetta er ströng en snörp
æfingalota því McElhinney, sem að
íslenskum sið verður hér eftir kallaður
Ian, er aðeins hér í átta daga til að
taka upp þráðinn en leikararnir búa að
því að hafa leikið verkið 180 sinnum,
reyndar fyrir tíu árum. Allir furða þeir
þrír sig á því hversu ferskt í minning-
unni verkið er. En það þarf að hreinsa
upp; þeir koma nú að því reynslunni
ríkari og tíu árum eldri.
Við setjumst niður baksviðs og
Írinn er spurður hreint út: How do
you like Iceland? Ian, sem fæddur er
1948 í Belfast, Norður -Írlandi, lyftir
brúnum. Átti ekki alveg von á þessari
spurningu í musteri hinnar íslensku
tungu en var hins vegar fljótur á
kveikja á tækifærinu; að strjúka ís-
lenskum lesendum rétt:
„Ég nýt dvalarinnar til hins ítrasta.
Eina vandamálið er, vegna hins
knappa tíma sem ég hef, að ég fer
varla úr Reykjavík. Ég nýt þess að
vera í Reykjavík, en ég á enn eftir að
upplifa og uppgötva landið. Þegar ég
var hér síðast fór ég gullna hringinn;
Þingvelli, Gullfoss og Geysi. Og hef
ákveðið, algjörlega burtséð frá því
hvort ég muni starfa hér aftur eða
ekki, að koma aftur og fara um landið.
Ég keypti bók um daginn, með mynd-
um af landinu og það er stórkostlega
fallegt; algjörlega ótrúlegt út frá jarð-
fræðilegu sjónarhorni. Einn daginn
ætla ég að láta það eftir sjálfum mér
að fara hér um.“
Stórkostlegir leikarar
þeir Hilmir og Stefán
Ian tekur fram að hann sé jafnframt
leikari en hann hefur starfað jafn-
framt sem leikstjóri í um tuttugu og
fimm ár – með hléum. Hann er eftir-
sóttur sem slíkur.
„Ég er nú að setja upp tvær sýning-
ar. Þegar ég fer héðan, á mánudag, tek
ég upp þráðinn á Írlandi, eins manns
sýningu sem frumsýnd verður áður en
Með fulla vasa af grjóti verður frum-
sýnd. Þá kem ég aftur til að ganga
frá þessari. Þannig að vonandi verða
þessar sýningar, sem ég leikstýri,
báðar í gangi á sama tíma.“
Írinn er glettinn og greindarlegur
í senn og þegar blaðamaður upplýsir
hann um að Með fulla vasa af grjóti
hafi farið fram hjá honum á sínum
tíma fullvissar Ian hann umsvifalaust
að hann eigi frábæra leikhúsupplifun
í vændum. Sem og reyndar allir þeir
sem sáu sýninguna. „Þetta er sérstak-
lega ánægjulegt og athyglisvert fram-
tak innan íslensks leikhúss. Leikritið
er einstaklega vel skrifað og magnað
að sjá í meðförum þessara frábæru
leikara. Alger galdur hvernig þeim
tekst að blása lífi í tuttugu persónur.
Ian McElhinney er írskur leikari og leikstjóri, á að baki farsælan feril sem slíkur og var hér nýverið á
landi til að vinna að uppsetningu leikritsins Með fulla vasa af grjóti sem hann setti upp hér fyrir um tíu
árum; sýning sem sló eftirminnilega í gegn. Hilmir Snær Guðnason og Stefán Karl Stefánsson léku verkið
fyrir um fjörutíu þúsund manns. Þeir hafa nú tekið upp þráðinn, ætla að setja sama verk upp á nýjan
leik. Ian McElhinney er eftirsóttur listamaður og eftir mánuð hefjast tökur á 3. seríu Game of Thrones
þar sem hann leikur Barristan Selmy. Blaðamaður hitti þennan geðþekka Íra í Kassa Þjóðleikhússins
eftir æfingu; og fékk hann meðal annars til að ausa þá Stefán Karl og Hilmi Snæ lofi.
Enduruppgötvar leikrit
konu sinnar í Þjóð leikhúsinu
Þeir eru báðir mjög hæfileikaríkir; eru
tæknilega mjög góðir, ótrúlega fljótir að
átta sig, hafa til að bera góða einbeitingu
og hafa til að bera meðfædda hæfileika
fyrir tímasetningum sem er lykilatriði í
kómík á sviði. Leikritið hefur til að bera
húmorískar eigindir. Ég naut þess mjög
að vinna með þeim á sínum tíma. Og það
er einstaklega ánægjulegt að „endurupp-
götva“ leikritið með þeim.“
Sigurganga „Stones“ um heim allan
Ian leikstýrði verkinu upphaflega þegar
það var sett á svið á Írlandi árið 1999, þar
sem það var sýnt og fyrir lá að það færi á
leiklistarhátíð í Edinborg. Þegar sýningum
þar lauk lá fyrir að áhugi fólks á verkinu
var sannarlega til staðar. En engan óraði
fyrir þeirri sigurgöngu sem í uppsiglingu
var: Það var sett upp í framhaldinu í litlu
leikhúsi í London, og þaðan fór það á West
End. „Verkið er tiltölulega einfalt hvað alla
umgjörð varðar, tiltölulega einföld leik-
mynd, nánast autt svið þannig að okkur
datt ekki í hug að það myndi ganga á West
End. Þar sló það hins vegar í gegn og fór á
Broadway þar sem það var sýnt í sex mán-
uði og var áfram á West End með nýjum
leikurum. Gekk þar árum saman.“
Velgengni verksins var þannig orðin
alþjóðleg. Ian var beðinn um að setja leik-
ritið upp í Svíþjóð. Þar sá Stefán Baldurs-
Í fimm ár var
ég nánast
í þessu
einungis; að
setja upp
„Stones“. Ég
var orðinn
þreyttur á
verkinu og
verkið á mér.
Framhald á næstu opnu
Norður-írski
leikstjórinn
Ian McElhinney
stýrir Hilmi Snæ
Guðnasyni og
Stefáni Karls-
syni í leikritinu
Með fulla vasa
af grjóti. Hann
er eftirsóttur
listamaður og
eftir mánuð
hefjast tökur á
3. seríu Game
of Thrones þar
sem hann leikur
Barristan Selmy.
Ljósmynd Hari
tvær nýjar bragðtegundir!
E
N
N
E
M
M
/
S
ÍA
/
N
M
51
72
7
Ný
bragðteguNd- bÉarNaise
Ný
bragðteguNd- sítróNa og Karrí
24 viðtal Helgin 17.-19. ágúst 2012