Fréttatíminn - 15.04.2011, Blaðsíða 28

K
raftaverk þykir að Helga Sigríður skuli vera á lífi en hún er
eina tilfellið sem skráð er í heiminum með þessa tegund af rofi
í kransæð. Hún var fílhraust og æfði fimleika af fullum krafti
þegar hún einn nóvembermorgun í fyrra varð í fyrsta sinn vör
við að eitthvað amaði að henni.
Helga Sigríður: „Ég var í skólasundi og kom aðeins of seint í tímann.
Hinar stelpurnar voru komnar út í og búnar að synda einn hring. Ég
dreif mig út í laug og fann fyrir smá verk í brjóstinu. Litlum
sting sem svo varð meiri þegar ég fór að synda. Eftir hálf-
an hring í lauginni var mér orðið illt í öllum brjóstkass-
anum og átti erfitt með að anda. Ég synti að línunni
sem aðskilur brautirnar og hékk á henni smá
stund. Mér leið svo illa að ég fór að gráta og fékk
að fara upp úr. Einhvern veginn sikksakkaði ég
inn í klefa þar sem ég byrjaði að kasta upp.“
María: „Þar hné hún niður í sturtuklefanum.
Svo einkennilega vildi til að á svæðinu var
kona sem er hjúkrunarfræðingur á slysa-
deildinni.“
Helga Sigríður: „Hún greip mig og lagði
mig niður. Ég man mjög óljóst eftir þessu en
þar lá ég og allt í einu voru mamma og pabbi
komin á staðinn. Ég sá allt í móðu en man
augnablik eftir mér á börunum á leið út í
sjúkrabíl.“
Áhugasöm um spítala
Fannstu til?
Helga Sigríður: „Já, þetta var mjög sárt og
ég hafði ekki lent í neinu svona áður. Ég hafði
aldrei handleggsbrotnað eða puttabrotnað eða
slasast svo ég vissi ekkert hvernig það var.“
Gerðir þú þér grein fyrir að það væri eitthvað
alvarlegt að?
Helga Sigríður: „Ég fann að ég var eitthvað
veik en vissi ekki hversu mikið. Ég hef alltaf haft
áhuga á spítölum og horfi mikið á Grey’s Anatomy.
Mér hefur alltaf þótt spennandi að fara í sjúkrabíl og
vita hvernig það er ef eitthvað kemur fyrir. Nú veit
ég hvernig það er.“
En hvernig verður móður við að fá
svona fréttir?
María: „Ég fékk símtal
og mér var sagt að Helga
Sigríður væri eitthvað
drusluleg í sundi, hefði misst
meðvitund og sjúkrabíll væri
kominn á staðinn. Ég hugsaði
hvaða drama þetta væri og
hélt kannski að hún hefði
gert sér upp veikindi til að
sleppa við skólasund.“
Helga Sigríður: „Ég hef
oft kvartað yfir skyldu-
sundi og finnst það ekki
skemmtilegt.“
María: „Ég ákvað að
kippa prjónunum með ef
ske kynni að ég þyrfti að
hanga eitthvað á slysa-
varðstofunni. Ég fór hins
vegar ekki aftur heim
til mín fyrr en sex
vikum seinna. Sjokkið
kom um leið og ég
sá hana liggjandi á
gólfinu í búnings-
klefanum gráa í
framan.“
Hjartastopp
María: „Hún var
nokkurn veginn
með meðvitund
þegar við komum
að henni í bún-
Risin upp aftur
Helga Sigríður Sigurðardóttir, tólf ára
stelpa, hné niður í sundlauginni á Akureyri
með kransæðastíflu. Í kjölfarið fékk hún
hjartaáfall og reyndist vera með æðakvilla
sem hvergi hefur sést í svo ungu barni í heim-
inum áður. Eftir mikla baráttu fyrir lífi sínu
er stelpan risin upp og staðráðin í að endur-
heimta krafta sína. Þóra Tómasdóttir ræddi
við hana og móður hennar, Maríu Egilsdóttur.
Ég ákvað að kippa prjónunum með
ef ske kynni að ég þyrfti að hanga
eitthvað á slysavarðstofunni. Ég fór
hins vegar ekki aftur heim til mín
fyrr en sex vikum seinna.
Mæðgurnar
vona að nú sé
sjúkrasaga Helgu
Sigríðar brátt á
enda en til stendur
að gera lokavið-
gerð á kransæðinni
í vikunni.
Framhald á næstu opnu
28 viðtal Helgin 15.-17. apríl 2011