Fréttatíminn - 15.04.2011, Blaðsíða 46

Bella Donna
Jónas
Haraldsson
jonas@
frettatiminn.is
HELGARPISTILL
S
Sjá má hið frumstæða eðli karlkynsins í
ýmsum athöfnum, jafnvel þótt konur reyni
að draga úr helstu göllum þess með mildri
leiðsögn, hvort heldur um er að ræða bræð­
ur, eiginmenn eða syni. Sjálfsagt reyna dæt­
ur líka að vísa feðrum sínum þröngan veg
dyggðarinnar þegar þær vaxa úr grasi, sjá
að jafnvel pabbinn er ekki alveg fullkominn.
Fátt held ég að fari meira í taugarnar
á konum, svona í daglegri umgengni við
karla, en hve þeim er gjarnt að pissa út fyr­
ir klósettskálina. Það kemur konum sífellt
á óvart hversu litla stjórn drengir á öllum
aldri hafa á því líffæri sem helst skilur þá
frá hinu göfuga kyni meyja og kvenna sem
setjast pent á klósettsetu skálarinnar og
hitta í mark.
„Getið þið ekki reynt að miða ofan í kló­
settið,“ sagði kona mín gjarna við mig og
syni okkar í uppvexti þeirra, langþreytt á
pissi sem fór hringinn í kringum klósettið
en síður ofan í það. Þetta var áður en til­
hlýðilegt þótti að karlar þrifu klósett og
skúruðu kringum skálar. „Það eru strák­
arnir sem spræna út um allt,“ sagði ég og
skýldi mér á bak við guttana. „Þeim er
yfirleitt svo mikið mál, loksins þegar þeir
nenna að renna frá, að bunan stendur í
allar áttir. Svo gleyma þeir sér og eru að
hugsa um eitthvað allt annað, rétt á meðan
þeir eru að pissa. Þú verður að tala við þá
og segja þeim að einbeita sér að því sem
þeir eru að gera.“ Með þessu vísaði ég allri
ábyrgð á málinu frá mér og á strákana og
móður þeirra. Fráleitt taldi ég að þeir ættu
að setjast á klósettsetuna, það væri réttur
þeirra sem útbúnir væru svo góðu pissutaui
frá náttúrunnar hendi að brúka það. Skylda
feðra væri að kenna sonum sínum að pissa
standandi. Auðvitað er þetta karlrembulegt
viðhorf, en við það verður að una. Það verð­
ur að tjalda því sem til er.
Staða mín versnaði hins vegar þegar
strákarnir urðu stórir og fluttu að heiman.
Eftir voru í heimili konan og yngri börnin,
dætur okkar tvær. Allar settust þær með
sama pena hættinum á klósettið og pissuðu
ekki út fyrir. Ég var einn eftir af hinu frum­
stæða kyni. „Þetta er skrýtið,“ sagði konan,
jafn hissa og refurinn í Dýrunum í Hálsa­
skógi þegar hann borðaði vondu piparkök­
urnar, „strákarnir eru farnir að heiman en
samt er pissað út fyrir. Kannt þú einhverja
skýringu á þessu, minn kæri?“
Ég leiddi spurninguna hjá mér enda var
kannski ekki ætlast til að ég svaraði. Sam­
búð okkar hjóna er orðin það löng að minn
betri helmingur veit að sumu verður ekki
breytt. Þar á bókstaflega við að gömlum
hundi verður ekki kennt að sitja. Jafnvel
þótt við búum svo vel að vera með um­
framklósett í íbúðinni hefur mér ekki verið
vísað þangað. Á vinnustöðum vilja konur
hafa sérklósett, að minnsta kosti þar sem
því verður við komið. Þá er minni hætta á
að þær þurfi að fara í stígvél, vilji þær pissa.
Hið nýjasta er þó, ef marka má fréttir, að
konur sjái í auknum mæli til þess að karlar
stígi alls ekki fæti inn á þau baðherbergi
sem þær brúka. Hótelið Bella Sky í Kaup­
mannahöfn, hið stærsta sinnar tegundar á
Norðurlöndum, verður opnað um miðjan
næsta mánuð. Samkvæmt rannsóknum sem
gerðar voru í aðdraganda byggingar glæsi­
hótelsins kom fram að það fyrsta sem kon­
ur kanna þegar þær ganga inn í hótelher­
bergi er baðherbergið. Án þess að það komi
sérstaklega fram í frásögnum, má draga
þá ályktun að karlarnir tékki fyrst á míní­
barnum og sjónvarpstækinu. En konunum
dugar ekki aðeins að kanna baðherbergið
og hversu mikið hafi verið pissað út fyrir.
Draumurinn er að karlar hafi aldrei stig­
ið fæti sínum inn í þann helgidóm, aldrei
sprænt á setuna, lokið, klósettkassann eða
gólfið allt um kring.
Því verður sérhæð fyrir konur á sautj­
ándu hæð Bella Sky. Karlabann þar verður
klárt og kvitt. Konurnar ganga því hvorki í
né setjast á piss. Og ekki nóg með það; bað­
herbergin verða útbúin stórum baðkerum,
kraftmiklum sturtuhausum, förðunarspegl­
um og lífrænum sápum og kremum. Skýr­
ing er að vísu ekki gefin á því af hverju kon­
ur þurfa kraftmeiri sturtuhausa en karlar,
en látum það liggja milli hluta.
Konudekrið endar ekki með lífrænu sáp­
unum og kremunum á sautjándu hæðinni
því á rúmum þar verða fleiri púðar en geng­
ur og gerist, nóg af herðatrjám og spegl­
ar með þeim hætti að þær sem þar verða
herbergjaðar geta tekið sig út frá öllum
hliðum. Sloppar, inniskór, afskorin blóm
og kvennatímarit verða líka hluti af staðal­
búnaði dyngja á þessari merku hæð, sem að
sjálfsögðu kallast Bella Donna.
Kannski leggur þetta línur til framtíðar,
að körlum verði hreinlega meinaður að­
gangur að salernum kvenna. Fyrir þá verði
hins vegar útbúin einföld speglalaus míg­
ildi, hvort sem er á heimilum eða annars
staðar, þar sem þeir geta sprænt að vild,
út og suður.
Kannski er þetta ekki alslæm hugmynd
og henni fylgir að sönnu hæfilegt ábyrgð­
arleysi, eins og hentar karlkyninu. Engin
elsku mamma – og alls engin Bella Donna.
Te
ik
ni
ng
/H
ar
i
Nýjungar frá Milda
NÝTT
Milda til þeytingar og matargerðar
inniheldur einungis 26% fitu. Bragð og
áferð eins og besti rjómi en bara fituminni.
Veldu léttari kost í þína matargerð, veldu Milda.
Fært til bókar
Forsetaræði
Ólafur Ragnar Grímsson, forseti Íslands,
lék á als oddi á blaðamannafundi daginn
eftir að Íslendingar felldu úr gildi lögin
um Icesave. Á fundinum og í yfirlýsingu
forsetans skaut hann í allar áttir. Bretar og
Hollendingar fengu sitt, íslensk stjórnvöld
og forystumenn í atvinnulífi. Ekki er víst að
fundur forsetans hafi glatt forráðamenn
ríkisstjórnarinnar sérstaklega. Jóhanna
Sigurðardóttir og Steingrímur J. Sig-
fússon geta illa leynt gremju sinni í hans
garð. Ráðherrarnir telja væntanlega að
það sé frekar hlutverk ríkisstjórnarinnar
að fást við þau verkefni sem við blasa eftir
að þjóðin felldi sinn dóm en vera kann að
forsetinn meti það svo að hann sé færari
um það en þeir. Uffe Ellemann-Jensen,
fyrrverandi utanríkisráðherra Dana, er
á þeirri skoðun að forsetaræði hafi tekið
við af fulltrúalýðræði á Íslandi. Ekki er víst
að forsetanum leiðist slíkar yfirlýsingar
né þær að hann, með synjunum sínum á
lögum frá Alþingi, sé orðinn valdamesti
stjórnmálamaður landsins. Óhætt er að
minnsta kosti að segja að Ólafur Ragnar
sé kóngur þeirra funda sem hann boðar
til á setri sínu. Flestum eru í fersku minni
orðaskipti forsetans og Jóhanns Hauks-
sonar, blaðamanns á DV, eftir að forsetinn
ákvað í annað sinn að synja Icesave-lögum
staðfestingar. Blaðamaðurinn reið ekki
feitum hesti frá þeim leik. Hvort Jóhann
var á fundi forsetans á sunnudaginn skal
ósagt látið en hafi svo verið hafði hann sig
í það minnsta ekki áberandi í frammi.
38 viðhorf Helgin 15.-17. apríl 2011