Fréttatíminn - 18.03.2011, Blaðsíða 8

Margeir Pétursson á leiðinni
fyrir dómstóla vegna skulda-
mála.
 Skuldamál arion banki gegn margeiri PéturSSyni
Margeiri stefnt vegna skuldamála
Deila um skuldajöfnun á milli Arion banka og félags í eigu Margeirs Péturssonar
Arion banki hefur stefnt
félaginu Margeiri Péturs-
syni ehf. og eiganda þess,
Margeiri Péturssyni, fyrr-
verandi stjórnarformanni og
stærsta eiganda MP-banka,
til greiðslu skuldar að fjár-
hæð kr. 60 milljónir. Um er
að ræða skuld þar sem Mar-
geir er í ábyrgð fyrir Margeir
Pétursson ehf. Að því er
Fréttatíminn kemst
næst telur Margeir
að uppgjör félags-
ins við þrotabú Kaupþings á
ýmsum afleiðusamningum
hafi verið jákvætt og því eigi
að skuldajafna á milli Arion
og félagsins. Á þetta fellst
bankinn ekki og hefur því
stefnt Margeiri og félaginu.
Margeir stofnaði MP banka
árið 1999 en varð frá að víkja
þegar nýir eigendur eignuð-
ust bankann fyrir skömmu.
Óskar Hrafn Þorvaldsson
oskar@frettatiminn.is
 dómSmál óuPPgert lán
Actavis stefnir
Róbert Wessman
Aðilar eru ósammála
um stöðu þeirrar
kröfu og því er málið
því miður á leið fyrir
dómstóla.
l yfjarisinn Actavis Group hf. hefur stefnt Róbert Wessman, fyrr-
verandi forstjóra félagsins,
til greiðslu skuldar upp á tæplega
300 milljónir króna. Málið hefur
verið dómtekið í Héraðsdómi
Reykjavíkur. Um er að ræða lán
upp á 240 milljónir sem Róbert
fékk fyrir nokkrum árum hjá fé-
laginu vegna kaupa á hlutabréfum
í því með veði í bréfunum sjálfum.
Þegar Actavis var tekið af markaði
sumarið 2007 við yfirtöku Björgólfs
Thors Björgólfssonar hurfu veðin fyrir
láninu og því var gerður nýr lánasamn-
ingur. Sá samningur var á gjalddaga í
lok nóvember 2009 og hefur Róbert ekki
greitt krónu af láninu sem var þá komið
upp í 272 milljónir með áföllnum vöxtum.
Ragnhildur Sverrisdóttir, upplýs-
ingafulltrúi Björgólfs Thors Björg-
ólfssonar, sem er enn stærsti hlut-
hafi fyrirtæksins í gegnum félagið
Nitrogen DS, vildi ekki tjá sig
um málið né heldur Actavis.
Árni Harðarson, lögmað-
ur Róberts, staðfestir við
Fréttatímann að hann eigi
í málaferlum vegna kröfu
sem Actavis telur sig eiga á
hendur honum. „Aðilar eru
ósammála um stöðu þeirrar
kröfu og því er málið því miður á
leið fyrir dómstóla. Ljóst er að Björg-
ólfur Thor á í vök að verjast í upp-
gjöri sínu við íslenskt sam-
félag og virðist ekki
mikla fyrir sér að
beita bolabrögðum
í þeirri vegferð,“
segir Árni.
Þetta er ekki
eina málið
þar sem félög
á vegum
Björgólfs Thors og Róberts
Wessman takast á fyrir dóm-
stólum. Fréttatíminn greindi
frá því fyrir skömmu að
BeeTeeBee Ltd, sem er í eigu Björg-
ólfs Thors, hefði stefnt Róbert sjálfum
og Burlington Worldwide Limited til
greiðslu 1,2 milljarða skuldar. Forsaga
þess máls er að BeeTeeBee Limited
lánaði Burlington upphæðina árið 2005
til tveggja ára og framlengdi lánið, sem
Róbert var í persónulegri ábyrgð fyrir,
um tvö ár, til nóvember 2009. Í samtali
við Fréttatímann þá sagði Árni Harðar-
son að Róbert liti svo á að gengið hefði
verið frá þessu láni með skuldajöfnun
vegna 4,6 milljarða króna kröfu sem
Róbert telur sig eiga á hendur félögunum
Novotor Pharma Holding og Novator
Pharma Holding Luxemburg, sem eru að
stærstum hluta í eigu Björgólfs Thors,
vegna vanefnda á árangurs-
tengdum greiðslum
eftir að hann hætti
sem forstjóri Ac-
tavis árið 2008.
Óskar Hrafn
Þorvaldsson
oskar@frettatiminn.is
Tæplega 300 milljóna króna lán fallið í gjalddaga. Róbert segir
lánið hluta af skuldauppgjöri.
Róbert Wessman þarf
að verjast Actavis í
dómsal.
8 fréttir Helgin 18.-20. mars 2011