Prentarinn - 23.07.1992, Blaðsíða 21

Nýtt frá Nordisk
Grafisk Union
Verkalýðssögusafnið í Tammer-
fors fær menningarverðlaun NGU
Nordisk Grafisk Union hefur frá 1990
árlega veitt menningarverðlaun að
upphæð 30.000 sænskar krónur.
Verðlaunin má veita einum eða fleiri
félögum í aðildarsamböndum NGU,
listamönnum, menningarfrömuðum
eða samtökum.
Stjórn NGU hefur ákveðið að
menningarverðlaun NGU árið 1992
verði veitt Verkalýðssögusafninu í
Tammerfors. Þetta safn varðveitir
verkalýðsmenningu og hóf starfsemi í
lok 8. áratugarins.
Safnið fær, varðveitir, rannsakar og
sýnir hluti og hugverk sem varða
sögu og hefðir verkalýðsins. Áhuginn
beinist einkum að hinu iðnvædda
borgarsamfélagi, sem hefur valdið
miklum breytingum á vinnunni, hög-
um verkalýðsins og verkalýðshreyf-
ingunni.
Félag bókagerðarmanna í Finnlandi
hefur tekið að sér að afhenda Verka-
lýðssögusafninu í Tammerfors menn-
ingarverðlaunin við hentugt tækifæri.
Því má bæta við að safnið mun líklega
bæta styrknum við fjársöfnun sem
hafin er. Meiningin er að reyna að
kaupa safninu fastan samastað.
Tillögur NGU um starfsáætlun
EGF
Á aðalfundi Evrópusambands bóka-
gerðarmanna (EGF) í Lundúnum 1991
var m.a. ákveðið að endurskoða
starfsáætlunina. Vegna þessa hefur
EGF í ár sent út fyrirspurnir um skoð-
anir aðildarsambandanna á nýrri
starfsáætlun.
Nordisk Grafisk Union (NGU) hefur
samhæft sjónarmið norrænu sam-
bandanna. Niðurstaðan er sérstök til-
laga í sex liðum, sem varða eftirfar-
andi: Evrópubandalagið eftir 1992;
Frelsi verkalýðsins yfir landamærin;
Verkalýðsréttindi í samsteypum; Fjöl-
þjóðlegir kjarasamningar, Alþjóðlegar
verkfallsaðgerðir og Vinnurétturinn og
EB. Hverjum lið lýkur með ákveðinni
afstöðu.
Hvað varðar iðnnám, framhalds- og
endurmenntun hafa NGU-samböndin
einnig ákveðnar skoðanir á því hvað
eigi að taka með í starfsáætlunina.
Því má bæta við að stjórn EGF á að
vinna tillögu að starfsáætlun á grund-
velli tillagna aðildarsambandanna. Til-
lagan verður send til umsagnar áður
en framkvæmdarnefndin ákveður
starfsskrána endanlega í október.
Tilnefningar NGU í starfshópa
Að tilhlutan Alþjóðasambands bóka-
gerðarmanna (IGF) og Evrópusam-
bands bókagerðarmanna (EGF) hefur
Nordisk Grafisk Union (NGU) tilnefnt
norræna fulltrúa í tvo vinnuhópa innan
sambandanna.
Ritta Erö Hansen frá danska prent-
arafélaginu er tilnefnd í starfshóp um
umhverfismál. Þessi hópur mun m.a.
fást við þurrkun með útfjólubláum
geislum, fernis, lökk og hættuleg leys-
iefni.
Anders Skattkjær frá félagi bóka-
gerðarmanna í Noregi er tiinefndur í
starfshóþ um iðnfræðslu.
Vel heppnuð ráðstefna NGU um
framhalds- og endurmenntun
Nordisk Grafisk Union hélt þriggja
daga litla ráðstefnu í Óðinsvéum -
Danmörku. Öll átta aðildarfélögin
sendu fulltrúa þangað og var ráð-
stefnunni stjórnað af skipulagsritara
NGU, Sture Björnqvist.
Fjöldi þátttakenda var takmarkaður
við 14 þar sem markhópurinn var ein-
ungis þeir sem sjá um iðnfræðslumál-
in hjá samböndunum. Ráðstefnan
byggðist því á framlagi þátttakenda.
Markmiðið var að komast að sameig-
inlegum niðurstöðum og tillögum um
hvernig aðildarsambönd NGU gætu
sameiginlega unnið betra starf að
fræðslumálum í framtíðinni.
Ráðstefnan, sem var hin fyrsta
sinnar tegundar, komst að sameigin-
legum niðurstöðum á 10 sviðum og
munu flestar þeirra fylgja tillögum til
starfsáætlunar Evróþusambands
bókagerðarmanna.
í stuttu máli má nefna að NGU-ráð-
stefnan fjallaði og var einhuga um:
Inntak grunnnámsins, framhalds- og
endurmenntun og ný fræðslusvið.
Ennfremur stöðupróf, menntun at-
vinnulausra félaga og alþjóðlega
menntun. Fjármögnun menntunar og
menntunarstefna voru einnig tvö mik-
ilvæg mál.
Því má bæta við að ráðstefnugestir
heimsóttu grafísku framhaldsmennt-
unarmiðstöðina í Óðinsvéum.
Tillaga NGU að starfsáætlun IGF
Eftir Lundúnarráðstefnuna verður
starfsáætlun IGF einnig tekin til end-
urskoðunar. Sú endurskoðun verður
þó líklega umfangsminni en hjá EGF.
Aðildarsambönd IGF hafa verið beðin
um tillögur að efni.
Stjórn NGU hefur því sett á laggirn-
ar vinnuhóþ til að útbúa tillögur, en í
honum eru Ole Kidmose, Danmörku,
Pentti Levo, Finnlandi, Finn Erik
Thoresen, Noregi og Sture Björnqvist,
Svíþjóð.
PRENTARINN 2.12. '92
21