Fréttatíminn - 12.04.2013, Blaðsíða 36

Lykilatriði þegar grill-
tímabilið gengur í garð
Sumarið er sennilega ekki komið en hvort sem okkur líkar það betur eða verr er grilltímabilið
hafið. Óþolandi góður ilmur frá grönnum mun gera þau sem gleymdu að kaupa steik kolvitlaus.
En sem betur fer er það stundum á hinn veginn. Það er þó í nokkur horn að líta áður en hægt er
að sparka grilltíðinni í gang fyrir alvöru.
Þ að versta við að elda er að þurfa að þrífa og því miður hreinsar grillið sig ekki sjálft.
Það er án efa fullt af drullu og ógeði
því það var skilið eftir skítugt á síð-
asta tímabili. Gasfólkið þarf að
byrja á að aftengja gaskútinn.
Það vill jú enginn springa
í loft upp við það að þrífa
grill. Fjarlægja grillgrindina
og brennarana úr grillinu. Svo
er best að taka einhverskonar sköfu
eða spartlspaða og skrapa burtu alla fitu
og sót innan úr belgnum. Af nægu ógeði ætti
að vera að taka. Nudda svo restina af viðbjóðn-
um af með svampi eða uppþvottabursta. Gott er
að nota heitt vatn með smá uppþvottalegi. Skoða
brennarana og athuga hvort þeir séu ekki í lagi.
Smúla burtu köngulóm, þeirra híbýlum og öðru
jukki. Þurrka þá vel og tengja aftur við grillið.
Þrífa grillgrindurnar sjálfar með að hita þær í
drasl og skrapa með vírbursta. Smá skol í heitu
vatni með uppþvottalegi reddar svo restinni
burtu. Hægt er að leggja álpappír yfir grindurnar
til að beina hitanum enn frekar að þeim.
Einnig er hægt að búa til álpappírsbolta til
að nota sem tusku. Passa bara að brenna
ekki puttana á heitum grindunum.
Þegar þrifunum er lokið er gott að
olíubera grindurnar og jafnvel innviði
grillsins, ekki brennarana þó. Hita svo
grillið í botn til að brenna burtu allar leifar
af hreinsivökva og olíu.
Laukur er svo eitt af töfratólum
grillarans. Gott er að nudda lauk
á grindurnar þegar búið er að
skrapa þær með vírbursta.
Bæði fyrir og eftir að búið
er að grilla. Passa skal að
nota þó ekki lauk á grillið
rétt áður en grilla á
ávexti í eftirréttinn. Það
væri ekki gott mót.
Gömul kynni
gleymast ei
Sama hvað grænmet-
isætur segjast elska
grillaðan kúrbít þá er
það kjötið sem færir fólkið
að grillunum. Og hver er það
sem selur kjöt? Jú, það er kjöt-
kaupmaðurinn. Það verða allir að
hafa sinn eigin. Þetta er maðurinn sem, ef haldið
er rétt á spöðunum, flakar puruna af svínabógn-
um sem á að heitreykja og reddar alltaf rétta bit-
anum við hvaða tilefni sem er. Hann
er vinur þinn og grillsins þíns
og vinir láta ekki vini fá vondan
kjötbita.
Það verða bara allir að eiga
sinn eigin og núna er tíminn til að
endurnýja kynnin. Fyrir þá sem vantar
sinn mann og búa í höfuðborginni er hægt
að benda á Kjötbúðina, Kjöthöllina og jafn vel
Melabúðina sem ákjósanlega staði.
Margir bixa líka við að grilla fisk og þá er gott
að hafa fiskimann en það er önnur saga.
Grilla hvað!
Fyrstu skiptin við grillið eftir vetrarfrí eru
misvel heppnuð. Þannig að sennilega er
ekki málið að strika beint í dýrustu bitana.
Hamborgarar eru alltaf klassískir til þess að
koma sér aftur á bak hestsins, ef svo má segja. En
hamborgari er ekki það sama og hamborgari. Ef
borgarinn kemur ekki beint frá kjötsalanum og
hann sagði þér ekki sjálfur að það er ekkert
sojaprótein, kartöflutrefjar eða aðrir aðskota-
hlutar í plattanum, þá er málið að kaupa
hakk og móta borgarann heima. Það er ekki
flókið. Klippa niður vax- eða bökunarpappír
í stærðir sem eru rúmlega plattastærð. Setja
100 - 200 grömm af hakki á pappírinn. Allt
undir hundrað er of lítið og allt yfir tvö-
hundruð er rugl. Þrýsta svo annað hvort með
flötum lófanum eða nota undirhliðina á
litlum diski til að þrýsta. Það þarf
ekkert að beita alefli við þetta.
Þéttingsfast er feyki nóg.
Pipar og salt eða uppáhalds
hamborgarakryddið
er brúkað. Muna svo
það sem margir vilja
gleyma: Hamborgari
er ekki nautasteik!
Það á að elda hann
í gegn án þess þó
að gera úr honum
hokkípökk. Finna
svo gott brauð, sinn-
ep, smá mæjó, lauk og
kannski hálfan tómat.
Kál er val en vel valin góð
súr gúrka er það ekki. Hún
er nauðsyn.
36 úttekt Helgin 12.–14. apríl 2013
Láttu
hjartað ráða
„Ítalska ólífuolían mín er heilnæm og gerir
líkamanum einstaklega gott, jafnt útvortis
sem innvortis.“
Haraldur
Jónasson
hari@ frettatiminn.is