Fréttatíminn - 23.12.2011, Blaðsíða 14

inga á Sauðárkróki, skiluðu bæði
2,1 milljarða króna hagnaði. FISK
stendur þó eilítið betur þótt bæði
standi traustum fótum. Eigið fé
þess er 11,1 milljarður á móti 6,1
milljarði hjá Ísfélaginu og skuldir
FISK voru 8,1 milljarður á móti
16,3 milljarða skuld Ísfélagsins.
Skinney-Þinganes, útgerðar-
félag fjölskyldu Halldórs Ás-
grímssonar á Höfn í Hornafirði,
sem fékk 2,6 milljarða afskrifaða
árið 2009, skilaði 1,6 milljarða
króna hagnaði. Þar eru skuldir þó
enn 17 milljarðar en eigið fé er 4,1
milljarðar.
Gjögur var með 1,5 milljarð í
hagnað sem skýrist nær eingöngu með hlutdeild í hagnaði
Síldarvinnslunnar þar sem Gjögur er næststærsti hluthafinn.
Félagið var með neikvætt eigið fé árið 2009 og er enn með
neikvætt eigið fé upp á 862 milljónir.
Sælir eru afskrifaðir
Inn á listann yfir félög með mestan hagnað slysuðust nokkur
félög í skjóli afskrifta. Vissulega slær þó enginn við afskrifta-
kóngum síðasta árs í Stoðum sem fengu 224 milljarða afskrif-
aða í nauðasamningum. Nú er það hið umdeilda 1998 ehf sem
er afskriftarkóngurinn með þrjátíu milljarða króna niðurfell-
ingu. Félagið hélt um hlut fjölskyldu Jóns Ásgeirs Jóhann-
esonar og viðskiptafélaga þeirra í Högum. Arion banki leysti
félagið til sín á árinu 2010 og hefur síðan hægt og bítandi selt
hluti í Högum. Það félag var nýverið tekið inn í Kauphöllina
og hefur verðmæti þess aukist um 69 prósent síðan 34 prósent
hlutur var seldur kjölfestufjárfestum í mars á þessu ári.
Bílaumboðið Brimborg skilaði 2,6 milljarða króna hagnaði
á árinu 2010. Ekki var um að ræða að bílfarmar af Ford og
Volvo hefðu selst heldur voru 3,9 milljarðar af skuldum Brim-
borgar afskrifaðir. Rekstrartapið var 386 milljónir. Hluthafar
komu inn með 200 milljónir í nýtt hlutafé og er eigið fé félags-
ins 667 milljónir en skuldirnar eru enn 3,2 milljarðar.
Félagið Sýr ehf hagnaðist um 2,5 milljarða. Ekki er þó um
að ræða frábæran rekstarhagnað heldur voru skuldir upp á
2,3 milljarða felldar niður. Félagið, sem á fjölmargar fasteignir
í Reykjavík, er í eigu Jakobs Valgeirs Flosasonar og Ástmars
Ingvarssonar en þeir voru báðir hluthafar í hinu fræga félagi
Stím sem er nú til rannsóknar hjá embætti sérstaks saksókn-
ara vegna kaupa félagsins á bréfum í Glitni og FL Group síðla
árs 2007 með lánsfé frá Glitni, fé sem tapaðist allt. Eigið fé
Sýr er 126 milljónir og skuldir 2,3 milljarðar en þess er getið í
ársreikningi að ágreiningur ríki
á milli félagsins og Lýsingar um
uppgjör á lánasamningi. Munar
þar um átta hundruð milljónum
á mati félaganna tveggja og
ljóst að ef Lýsing vinnur málið
versnar fjárhagur Sýr til mikilla
muna. Ekki er langt síðan af-
skrifaðar voru sjö milljarða
skuldir í öðru félagi Jakobs Val-
geirs, JV ehf.
Þrjú önnur félög sem skiluðu
öll rétt um tveimur milljörðum
í hagnað fengu einnig frá 1,6 til
1,8 milljarða afskrifaða af sínum
skuldum. Félagið OA eignar-
haldsfélag, í eigu Októ Einars-
sonar, stjórnarformanns Ölgerðarinnar og Andra Þórs Guð-
mundssonar forstjóra, sem á 38 prósent hlut í Ölgerðinni fékk
1,6 milljarð afskrifaðan. Eigið fé er neikvætt um 123 milljónir
og skuldin – hún er enn einn milljarður. Grjótháls ehf, sem er
í eigu Péturs Guðmundssonar, einatt kenndur við Eykt, fékk
1,8 milljarð afskrifaðan. Inni í því er reyndar höfuðstólsleið-
rétting og gengismunur samkvæmt ársreikningi. Félagið,
sem er fasteignafélag, er með neikvætt eigið fé upp á 457
milljónir og skuldar enn 3,2 milljarða. MB fjárfestingafélag,
sem er að stærstum hluta í eigu Íslensk-Ameríska, fékk 1,8
milljarðs skuld niðurfellda. Ekki verður betur séð en að MB
hafi verið stofnað í kringum kaup á stofnfjárhlutum í Byr sem
eru verðlausir.
Óskar Hrafn Þorvaldsson
oskar@frettatiminn.is
Nafn félags Helstu eigendur Hagnaður (í milljörðum)
ISB Holding ehf GLB Holding ehf 43,7
GLB Holding ehf Skilanefnd Glitnis 41,3
Íslandsbanki ISB Holding ehf 29,4
Landsbankinn Íslenska ríkið 27,2
1998 ehf Arion banki 21,4
Kaupskil ehf Kaupþing 20,4
Orkuveita Reykjavíkur Reykjavíkurborg 13,7
Arion banki Kaupskil 12,5
Alcoa Fjarðaál sf Alcoa á Íslandi ehf 11,7
Medis ehf Actavis Group PTC ehf 7,7
Norðurál Grundartangi ehf Norðurál ehf 7,5
Samherji hf Kristján Vilhelmsson/ÞMB 7,4
Eldar ehf Finnbogi Baldvinsson/Samherji 7,2
Landsvirkjun Íslenska ríkið 7,1
Alcan á Íslandi hf Alcan Holding Switzerland 6,6
Horn Fjárfestingarfélag hf Landsbankinn 6,5
Stoðir hf Kröfuhafar (íslensku bankarnir) 6,1
Alfesca hf Kjalar Invest BV/Lur Berry 5,5
Eyrir Invest ehf Þórður Magnússon/Árni Oddur Þórðarson 5,1
Icelandair Group hf Framtakssjóður Íslands/Íslandsbanki 4,6
Icelandair ehf Icelandair ehf 4,1
Össur hf William Demant Invest/Eyrir Invest 4,1
Eignarhaldsfélagið IG ehf Landsbankinn 3,8
Landsnet hf Landsvirkjun 3,6
Smáragarður ehf Norvik fasteignir ehf 3,3
Norvik fasteignir ehf Decca Holding/Jón Helgi/Straumborg 3,3
Síldarvinnslan hf Samherji/Gjögur 3,2
Marel hf Eyrir Invest/Horn fjárfestingafélag 2,7
Brimborg ehf Jóhann Jón Jóhannsson og fleiri 2,6
M-Holding ehf ALMC (áður Straumur) 2,6
Wendron ehf í erlendri eigu 2,6
Sýr ehf Jakob Valgeir Flosason/Ástmar Ingvarsson 2,5
Kaupfélag Skagfirðinga ( svf. ) 1400 einstaklingar 2,4
Rarik ohf Íslenska ríkið 2,3
Primera ehf Andri Már Ingólfsson 2,2
Reitir I ehf Reitir fasteignafélag hf 2,1
Isavia ohf Íslenska ríkið 2,1
Ísfélag Vestmannaeyja hf ÍV fjárfestingafélag ehf (Guðbjörg M) 2,1
FISK-Seafood hf Kaupfélag Skagfirðinga ( svf. ) 2,1
Lava Capital ehf Íslandsbanki 2,0
OA eignarhaldsfélag ehf Októ Einarsson/Andri Þór Guðmundsson 1,9
Lómur ehf Íslandsbanki 1,9
Sparisjóður Bolungarvíkur Bankasýsla ríkisins 1,9
Reitir III ehf Reitir fasteignafélag hf 1,9
Grjótháls ehf Viðarhylur (Pétur Guðmundsson í Eykt) 1,9
Eimskipafélag Íslands hf Landsbankinn/Yucaipa Companies LLC 1,9
Vífilfell ehf Sólstafir 1,8
MB fjárfestingafélag ehf Íslensk-ameríska verslunarfélagið 1,8
Promens hf Framtakssjóður Íslands/Horn fjárfestingafélag 1,8
Primera Travel Group hf Primera ehf 1,7
Jón Ásgeir Jóhannesson var stærsti eigandi 1998 ehf.
Jakob Valgeir Flosason
var þátttakandi í Stím-
ævintýrinu sem er nú
inni á borði embættis
sérstaks saksóknara.
Guðbjörg Matthíasdóttir, langstærsti eigandi Ísfélagsins í Vest-
mannaeyjum.
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Gleðileg jól
14 fréttaskýring Helgin 23.-25. desember 2011