Fréttatíminn - 04.01.2013, Blaðsíða 12

Sætúni 8, 105 Reykjavík. Sími: 531 3300. ritstjórn@frettatiminn.is Ritstjórar: Jónas Haraldsson jonas@frettatiminn.is og Mikael Torfason
mikaeltorfason@frettatiminn.is. Framkvæmda- og auglýsingastjóri: Valdimar Birgisson valdimar@frettatiminn.is. Útgáfustjóri: Teitur Jónasson teitur@frettatiminn.is .
Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
L
Ljótt orðbragð, meiðandi og niðrandi
ummæli hafa tíðkast í athugasemdakerfi
sumra vefrita. Mörgum hefur þótt nóg um
en ritstjórnarleg ábyrgð virðist ekki vera
tekin jafn alvarlega gagnvart ummælunum
og tíðkast almennt um annað ritmálsefni.
Þetta athugasemdakerfi við greinar og
fréttir var meðal annars umfjöllunarefni
nýliðins Áramótaskaups Ríkissjónvarpsins.
Þar voru fluttar samansúrr-
aðar fúkyrðablöndur sem
höfundar kusu að tengja vef-
miðli DV. Þar eru, eins og
víða annars staðar, leyfðar
athugasemdir við fréttir og
fleira. Vefmiðillinn tekur það
raunar fram að athugasemd-
irnar séu á ábyrgð þeirra
sem þær skrá en áskilur sér
jafnframt rétt til að eyða um-
mælum sem metin eru æru-
meiðandi eða ósæmileg. Það
er því boðað að fylgst sé með athugasemd-
unum af ábyrgum ritstjórnaraðilum, sagt
að meiðandi og ósæmilegar athugasemdir
verði ekki liðnar.
Ekki virðist vel hafa til tekist með það, ef
miða má við umfjöllunina í Áramótaskaup-
inu. Öllu gamni fylgir nokkur alvara. Vænt-
anlega hefur höfundum skaupsins blöskrað
málflutningurinn í athugasemdakerfinu og
fundist ástæða til að vekja athygli á honum,
þótt í spéspegli væri. Hér er því ekki haldið
fram að orðfæri í athugasemdakerfi á
vefsíðu DV sé verra en sums staðar annars
staðar en varla þarf mikinn sérfræðing til
að sjá að ýmislegt sem þar kemur fram,
eins og í athugasemdakerfi sumra annarra
vefmiðla – og á bloggsíðum sumra einstak-
linga – er ekki boðlegt og þeim til minnk-
unar sem það láta frá sér fara. Birting þess
sýnir okkur jafnframt að ritstjórnarlegt
eftirlit virðist vera losaralegt – nema með-
vitað sé að hleypa sora í gegn.
Taka má nýtt dæmi úr athugasemdakerfi
vefútgáfu DV, fyrst Áramótaskaupið gaf
upp boltann. Ólafur Ragnar Grímsson,
forseti Íslands, ræddi í nýársávarpi sínu til-
lögur um nýja stjórnarskrá. Mat forsetans
var að umræðan um nýja stjórnarskrá væri
á ýmsan hátt komin í öngstræti. Í stað
samstöðu um sáttmálann geisuðu djúp-
stæðar deilur og virtir fræðimenn við há-
skóla landsins hefðu áréttað að margt væri
óskýrt og flókið. Þessi skoðun forsetans
var, að vonum, flutt málefnalega. Við því
mátti búast að ekki væru allir sammála
henni enda skrifaði Þorvaldur Gylfason
hagfræðiprófessor, sem jafnframt sat í
stjórnlagaráði, grein sem vefmiðill DV birti
þar sem hann gagnrýndi málflutning for-
setans. Það gerði hann, einnig að vonum,
málefnalega. Þorvaldur sagði meðal annars
að athugasemdir forsetans kæmu of seint
fram. Honum hefði verið, eins og öðrum,
í lófa lagið að bjóða fram athugasemdir á
fyrri stigum en það hefði hann ekki gert.
Neðan við grein Þorvaldar birti vefmiðill
DV hins vegar athugasemdir sem, sumar
að minnsta kosti, voru fráleitt málefnalegar
eða innihéldu rök með og á móti hinum
ýmsu breytingum sem fyrirhugaðar eru á
stjórnarskránni sem þó er full ástæða til
að ræða. Þar var farið harkalega í mann-
inn en ekki boltann með þeim hætti að
dómari á knattspyrnuvelli hefði lyft rauða
spjaldinu. Það gerðu stjórnendur vefmið-
ilsins hins vegar ekki. Þeir veittu soraskrif-
um brautargengi þar sem forsetinn var
ýmist sagður fyrirlitlegur eða fyrirlitlegur
hræsnari, forseti sundurlyndis sem nærðist
á þrasi og þrefi. Spurt var, vegna athuga-
semdar einstaklings: „Hvernig stendur
á því að ESB-froðusnakkarnir og aðrir
hatursmenn félaga Ólafs Ragnars svara þér
ekki [nafn mannsins]? Mín skoðun er, að
það stafi ekki af því að kvikindin hafi vit á
að þegja, því það hafa þau ekki, heldur af
þeirri einföldu ástæðu að þau þora því [sic]
ekki. Þetta eru nefnilega auðvirðuleg hund-
spott.“ Meira fylgdi, eins og „forsetafígúr-
an“ og að „drulla yfir“ og annað í þeim dúr.
Svavar Gestsson, fyrrverandi þingmaður,
ráðherra og ritstjóri, talar í nýútkominni
sjálfsævisögu sinni um „bloggskólpið“ og
„bloggfossana“ sem dunið hafa á þjóðinni
síðan 2008 og er nóg boðið. Saup hann þó
marga fjöruna á ritstjórnarferli sínum á
Þjóðviljanum.
Er ekki mál að linni?
Athugasemdakerfi netmiðla og ósæmilegt blogg
Bloggskólp og fúkyrði
Jónas Haraldsson
jonas@frettatiminn.is
Veit Vigdís Hauks af þessu?
Við eigum að vera óhrædd
við að sýna hvert öðru
kærleika og umburðar-
lyndi.
Sigmundur Davíð
Gunnlaugsson, for-
maður Framsóknar-
flokksins, er ekki enn
orðinn forsætisráðherra en
tók forskot á sæluna og flutti þjóð sinni
áramótaávarp á netinu.
Ódeigur Sverrir
Mikil lifandi ósköp er gaman og
ánægjulegt að sjá þegar víkingarnir
taka að strá um sig með gjafafénu,
jafnvel þótt aðrir eigi.
Sá roskni vígamaður Sverrir Hermanns-
son vandaði ekki Halldóri Ásgrímssyni
og Skinney-Þinganesi kveðjurnar í
blaðagrein.
Úlfaldi úr mýflugu
Fór alveg fram hjá mér
að ég hafi verið aðal-
númerið á árinu.
Íþróttafréttakonan
Edda Sif Pálsdóttir
fékk meira vægi í
Áramótaskaupinu en
hún gat séð fyrir.
Orð eru dýr
Skaupið er að mínu mati algjör hneisa,
og sóun á almannafé. Til hvers að
borga fyrir svona orðbragð...
Ragnheiður Ólafsdóttir, eldri borgari, er
á sama máli og talsmaður neytenda.
Illa farið með góðan dreng
Hættum að vera leiðinleg
við Örn. Hann á það
ekki skilið.
Pálma Gestssyni,
leikara og félaga
Arnar Árnasonar
í Spaugstofunni,
misbauð þau fúkyrði
sem dundu á Erni í
netheimum fyrir það eitt að selja rakettur.
Og þá hló Bubbi
Frábært skaup.
Skaupið lagðist misvel
í landann en Bubbi
Morthens var
ánægður.
Þegar maður
sprengir bíl...
Þetta var svona terta á stærð við Yaris,
sú allra stærsta frá björgunarsveit-
unum.
Baldur Sigurðarson sagði frá raunum
sínum í Fréttablaðinu en myndarleg
skotterta sprakk framan í hann.
Ólafur í prósentum
Og hvers vegna tekur hann nýju
stjórnarskrána ekki í sátt með 66%
greiddra atkvæða en situr sjálfur með
52% greiddra atkvæða?
Lýður Árnason, læknir og
stjórnlagaráðsmaður, var óhress með
áramótaboðskap forseta Íslands.
Nei-tendum síður skemmt
Gott að einhverjum líkaði.
Kannski er þetta svona
að horfa á skaupið
edrú.
Gísli Tryggvason,
talsmaður neytenda,
fyllti flokk þeirra sem
fannst Áramótaskaupið
lélegt.
Villiköttur hvæsir
Kjósendur VG hafa fengið gjörsamlega
upp í kok af þrákelkni þeirra forystu-
manna VG sem hafa keyrt þessa ESB
umsókn áfram, sumir undir þeim
formerkjum að „kíkja í pakkann“.
Jón Bjarnason, þingmaður Vinstri-
grænna, kann skýringar á fylgishruni VG
í skoðanakönnunum.
Kristilegur femínismi
Ég hef hins vegar aldrei fallið í þann
pytt að koma fram við fólk eins og fólk
hefur komið fram við mig.
Hildur Lilliendahl mætti í
Kastljós og ræddi baráttu
sína gegn körlum sem
hata konur og þær
ofsóknir sem hún hefur
mátt þola. Þótt hún
berjist af hörku freistast
hún ekki til að gjalda
netdólgum í sömu mynt.
 Vikan sem Var
Nicotinell er samstarfsaðili
Krabbameinsfélagsins
Nicotinell Tropical Fruit lyfjatyggigúmmí inniheldur 2 mg eða 4 mg nikótín. Til meðferðar á tóbaksfíkn en
lyfið dregur úr nikótínþörf og fráhvarfseinkennum og það auðveldar þar með reykingarfólki sem vill hætta að
reykja, að hætta og auðveldar þeim sem ekki geta hætt, eða eru tregir til þess, að draga úr reykingum. Þeir sem
reykja ekki eiga ekki að nota lyfjatyggigúmmíið. Skammta skal ákvarða út frá því hversu háður nikótíni
einstaklingurinn er. Mælt er með 4 mg lyfjatyggigúmmíi fyrir einstaklinga með mikla nikótínþörf og fyrir þá sem
ekki hefur tekist að hætta með notkun 2 mg lyfjatyggigúmmís. Tyggja skal eitt stk við reykingaþörf þar til finnst
sterkt bragð. Þá skal láta það hvíla milli kinnar og tannholds. Þegar sterka bragðið minnkar skal tyggja aftur.
Þetta skal endurtaka í 30 mín. Venjuleg notkun er 8-12 stk, þó ekki fleiri en 15 stk af 4 mg og 25 stk af 2 mg
lyfjatyggigúmmíi á sólarhring. Meðferðarlengd er einstaklingsbundin en skal í flestum tilfellum standa í a.m.k.
3 mánuði, skal þá draga smám saman úr notkun lyfjatyggigúmmísins. Meðferð skal hætt þegar neyslan er
komin niður í 1-2 lyfjatyggigúmmí á sólarhring. Venjulega er ekki mælt með notkun lyfsins lengur en í eitt ár.
Sumir, sem eru hættir að reykja, gætu þó þurft lengri meðferð til þess að forðast að byrja aftur að reykja. Geyma
skal afgangs lyfjatyggigúmmí þar sem reykingaþörf getur skyndilega komið upp aftur. Nota má lyfið til að lengja
reyklaus tímabil og draga þannig úr reykingum. Ef ekki hefur dregið úr fjölda sígaretta á sólarhring eftir 6 vikur
skal leita faglegrar ráðgjafar. Reykingum skal hætt um leið og einstaklingurinn er reiðubúin til þess, þó ekki
síðar en eftir 6 mánaða meðferð. Leita skal faglegrar ráðgjafar ef ekki hefur tekist að hætta reykingum eftir 9
mánaða meðferð. Ráðfærðu þig við lækni eða lyfjafræðing því ekki er víst að þú megir nota lyfið ef þú: hefur
nýlega fengið hjartabilun eða hjartastopp, ert með hjartasjúkdóma, of háan blóðþrýsting, sykursýki, ofvirkan
skjaldkirtil/nýrnahettur, magasár eða verulega skerta nýrna- og/eða lifrarstarfsemi. Einstaklingum með
gervitennur og þeim sem eiga í erfiðleikum með að tyggja tyggigúmmí er ráðlagt að nota önnur lyfjaform
nikótínlyfja. Sjúklingar með arfgengt frúktósaóþol skulu ekki nota lyfið. Athuga ber að lyfið inniheldur natríum
og bútýlhýdroxýtólúen (E321 Lesið allan fylgiseðilinn vandlega áður en byrjað er að nota lyfið. Sjá
notkunarleiðbeiningar í fylgiseðli. Geymið þar sem börn hvorki ná til né sjá. Jafnvel lítið magn af nikótíni er
hættulegt börnum og getur valdið alvarlegum einkennum eða dauða. Markaðsleyfis hafi: Novartis Consumer
Health S.A. Umboð á Íslandi: Artasan ehf., Suðurhrauni 12a, 210 Garðabæ
10 viðhorf Helgin 4.-6. janúar 2013