Fréttatíminn - 04.01.2013, Blaðsíða 29

Heilsa
Kynningarblað Helgin 4.-6. janúar 2013
Góð byrjun á nýju ári
Nýársmatseðill
frá Sollu í Gló
bls. 6
K rossfit Iceland er með starfsemi í World Class Kringlunni en þar er einnig boðið upp á herþjálfun og ketilbjöllutíma. Krossfit byggir á
fjölbreyttum, hnitmiðuðum og kraftmiklum
æfingum. Gísli Sigurðsson, íþróttafræðingur
og Crossfit L1 þjálfari, kennir hjá Krossfit
Iceland. Hann segir hverja æfingu í krossfit
vera nýja áskorun. „Krossfit blandar saman
ólympískum lyftingum, fimleikaæfingum og
þolþjálfun. Fjölbreytni frekar en sérhæfing,
það er lykillinn að alhliða hreysti og kemur
í veg fyrir stöðnun. Krossfit nýtir allt um-
hverfið sem æfingasvæði bæði úti og inni og
kemur þér í það líkamlega form sem gerir
þér kleift að takast á við þær áskoranir sem
að lífið býður upp á. Krossfit veitir andlega
vellíðan sem fylgir því að sigrast á sjálfum
sér og hentar öllum. Þegar fólk kemur til
okkar og langar að byrja í Krossfit sækir það
4 vikna grunnnámskeið þar sem farið er yfir
öll helstu tækni- og öryggisatriði sem nauð-
synlegt er að búa yfir áður en farið er í opna
tíma (WOD).“
Á þessum 4 vikum eru 3 tímar í viku þar
sem ákefðin eykst eftir því sem líða tekur á
námskeiðið. Að þessum 4 viknum loknum
eiga allir að vera tilbúnir til að takast á við
átökin sem eru í opnu tímunum. Grunnnám-
skeiðinu fylgir 4 vikna WODkort.
Herþjálfun og ketilbjöllunámskeið
Gísli segir herþjálfunina vera frábæra leið til
að komast í toppform og hafa gaman af því. Í
þessum tímum er reynt að blanda saman ólík-
um æfingakerfum og hafa æfingarnar sem
fjölbreyttastar og skemmtilegastar jafnt inni
sem úti. „Í herþjálfun er mikið unnið með
eigin líkamsþyngd. Það eru tímar þrisvar í
viku og boðið upp á ástandspróf við upphaf
og lok námskeiðsins. Innifalið í verðinu er
aðgangur að öllum stöðvum World Class, auk
þriggja sundlauga.“
Á ketilbjöllunámskeiðunum er farið yfir
öll helstu grunnatriði er snúa að ketilbjöllu-
þjálfun, allt frá einföldum sveiflum yfir í
snaranir. „Æfingar með ketilbjöllur veita al-
hliða styrkingu og eru skemmtilegar og mun
fjölbreyttari en margir gera sér grein fyrir.
Þessar hreyfingar er sérstaklega góðar fyrir
innra stoðkerfið. Bjöllurnar eru misþungar
og er alltaf hægt að gera margar útgáfur
af öllum æfingum, bæði léttari og erfiðari.
Þetta æfingakerfi er því bæði fyrir stráka og
stelpur, á öllum aldri.“
Nike Training Club
NTC er nýtt líkamsræktarkerfi sem er kennt
í opnum hóptímum í World Class. Kerfið er
einnig hægt að nota sem „app“ í símum og
lófatölvum. Nike Training Club er þitt eigið
verkfæri til að stunda æfingar bæði heima
og í líkamsræktinni. Það sem gerir líkams-
ræktarkerfið svo frábært er að það býður upp
á fjölda æfinga sem þú getur lært að fram-
kvæma með því að fylgjast með á myndskeiði.
Það er hægt að velja um margar fjölbreyttar
30 til 45 mínútna líkamsræktaræfingar sem
eru sérhannaðar með erfiðleikastig þitt að
leiðarljósi sem þú velur hverju sinni. Æfinga-
valið er fjölbreytt, þú setur „appið“ af stað og
getur gert æfingar hvar og hvenær sem er.
Unnur Pálmarsdóttir er stöðvarstjóri í
World Class á Seltjarnarnesi. Hún segir
hóptímakennara World Class vera spennta
að kynna nýja líkamsræktarkerfið fyrir við-
skiptavinum sínum. „Við munum taka Nike
Training Club skrefinu lengra í World Class
og bjóða upp á kerfið í opnum hóptímum.
Einnig munum við bjóða upp á NTC – Tabata
hóptíma þar sem við bjóðum upp á blöndun
æfingakerfa. Við byrjuðum með hóptíma-
töfluna okkar 2. janúar og við erum stolt að
kynna NTC sem er verkfæri okkar til að geta
stundað líkamsrækt hvenær sem er og hvar
sem er. Við mælum því með þessari nýjung
hjá okkur.“
Laugardaginn 5. janúar, klukkan 10.30,
verður opinn kynningartími í World Class
Laugum þar sem allir geta komið í NTC
Masterclass og kynnt sér kerfið. „Það verður
líf og fjör hjá okkur eins og alltaf. Fjórir hóp-
tímakennarar munu leiða tímann og allir vel-
komnir í Laugar til að upplifa stemninguna,
hvort sem þú átt kort hjá okkur eða ekki,“
segir Unnur.
 NiKe TraiNiNg Club KeNNT í opNum hópTímum í World Class
World Class byrjar nýtt heilsuár af miklum krafti
Býður meðal annars upp á herþjálfun, ketilbjöllunámskeið og krossfit.