Fréttatíminn - 04.01.2013, Blaðsíða 26

Á
dögunum lést 23 ára indversk
stúlka, Damini, af sárum
sem hún hlaut þegar henni
var nauðgað af 6 mönnum í
heimabæ sínum, Nýju Delí.
Stúlkan barðist við sár sín í alls 13 daga
áður en hún gaf upp öndina á hátækni-
sjúkrahúsi í Singapúr, en þangað hafði hún
verið flutt frá Delí, þar sem ofbeldið átti
sér stað. Málið hefur vakið mikla reiði um
allan heim, sér í lagi á Indlandi þar sem fólk
mótmælir úti á götum og krefur yfirvöld
um aðgerðir. Krafan er einföld, aukið frelsi
kvenna og harðari viðurlög við nauðgunum.
Fréttatíminn talaði við Evu Dögg Atladóttur
sem búsett er í Delí og varð sjálf fyrir erfiðri
reynslu í borginni fyrir skömmu þar sem
hún var úti að skokka um hábjartan dag í
fjölsóttum almenningsgarði.
Yngsta fórnarlambið fjögurra mánaða
„Ég er hrædd, virkilega,“ segir Eva Dögg
sem segist forðast það að vera ein síns liðs.
„Ástandið er hræðilegt og viðhorfið til
kvenna sorglegt. Konur eru einskis virði,“
segir Eva Dögg. Hún útskýrir hvernig við-
horfið sé rótgróið í menninguna og hvernig
giftar konur séu réttindalausar og algjörlega
á valdi eiginmanns síns. Ástandið sé mun
verra í norður Indlandi en í suðri, en konur
geta ekki verið einar úti á götu án þess að
verða fyrir einhvers konar aðkasti. Eva hef-
ur ekki farið varhluta af slíku og á dögunum
varð hún fyrir árás þriggja manna. Hún náði
að forða sér í tæka tíð.
„Ég hélt að ég gæti alveg farið ein út að
hlaupa. Þetta var um miðjan dag í almenn-
ingsgarði sem var fullur af fólki og enginn
kippti sér upp það þegar að þrír menn veitt-
ust að mér og ýttu mér inn í runna. Ég náði
að slíta mig lausa og hlaupa burt, sem betur
fer. Ég veit ekkert hvað þeir hugðust gera
mér og ég er mjög fegin að hafa ekki þurft
að komast að því.“
Eva Dögg segir afar mikilvægt að koma
því á framfæri að fólkið í Indlandi sé upp
til hópa mjög gott og flestir séu meðvitaðir
um vandamálið og hafi löngun til þess að
breyta ástandinu. Það sé hins vegar erfitt
þar sem rótgróið er í menningu landsins að
konur séu skör lægra í virðingarstiganum.
„Ég er hrædd,
virkilega“
Indversk stúlka, sem fengið hefur nafnið Damini í opinberri umræðu, háði
hetjulega baráttu fyrir lífi sínu eftir að hafa orðið fyrir miklum skaða af
mannavöldum. Á hana réðust sex menn og nauðguðu með hryllilegum
afleiðingum. Hún lést þann 29. desember eftir þrettán daga legu á spítala.
Á Indlandi ríkir mikil reiði vegna málsins sem þykir mjög ógeðfellt. Yfirvöld
eru talin hafa brugðist og á Indlandi hafa staðið yfir fjölmenn mótmæli vikum
saman. Íslensk kona, búsett í Nýju Delí, segist hrædd við að ferðast ein síns liðs,
en sjálf varð hún fyrir árás þriggja manna í almenningsgarði um hábjartan dag.
Slegið hefur í
brýnu á milli
lögreglu og
mótmælenda,
en yfirvöld
hafa verið
gagnrýnd fyrir
sinnuleysi í mál-
efnum kvenna.
Embættismenn
hafa neitað
að taka skýra
afstöðu vegna
hópnauðgunar-
innar.
Mikill fjöldi fólks
er samankom-
inn á götum
Nýju Delí og
hefur verið þar
í tæpar þrjár
vikur, eða frá
því að upp
komst um ódæð-
ið gegn Damini.
Götum var
lokað og sam-
gönguleiðum.
Einnig var sett á
útivistarbann.
Eva Dögg Atladóttir er
ung íslensk kona búsett
í Nýju Delí á Indlandi.
Hún segir réttindi kvenna
bágborin og vonast eftir
þrýstingi frá alþjóða-
samfélaginu í kjölfar
hryllilegs dauðdaga
ungrar konu sem var
nauðgað af hópi karla.
Framhald á næstu opnu
24 viðtal Helgin 4.-6. janúar 2013