Fréttatíminn - 15.02.2013, Síða 54

54 bíó Helgin 15.-17. febrúar 2013
Og nú
er röðin
komin
að því að
redda syn-
inum, Jack
McClane,
sem hefur
rótað sér í
vandræði í
Moskvu.
 Die HarD Willis tekur fimmtu lotuna
J ohn McTiernan (Predator, The Hunt for Red October, Last Action Hero) leik-stýrði Bruce Willis í Die Hard. Willis
þótti í þá daga ekkert sérstaklega líklegur til
þess að eiga erindi í harðhausadeildina með
Arnold Schwarzenegger, Sylvester Stallone
og álíka vöðvatröllum þannig að Twentieth
Century Fox lagði í kynningarherferð sinni
fyrir myndina aðaláherslu á að Die Hard væri
hörku spennumynd og gerði lítið af því að
flagga aðalleikaranum. Die Hard sló síðan
rækilega í gegn og Willis fékk full réttindi til
þess að spila í harðjaxladeild Hollywood þar
sem hann hefur verið í fremstu röð síðan.
Die Hard er spennumynd sem eldist ákaf-
lega vel og er enn sem komið er lang besta
myndin í Die Hard-bálkinum sem telur nú
fimm myndir og ef eitthvað er að marka Willis
er þegar byrjað að huga að sjöttu myndinni.
Í Die Hard lék Willis vandræðagemlinginn
og New York-lögguna John McClaine. Eigin-
kona hans er flutt til Los Angeles þar sem
hún er hátt sett hjá japönsku stórfyrirtæki.
Hjónabandið er því á tæpasta vaði en McClane
gerir sér ferð til Los Angeles til þess að vera
með fjölskyldunni yfir jólin. Hann mætir beint
í jólagleði fyrirtækisins í háhýsi í borginni
og er berfættur og á hvítum hlýrabol þegar
hryðjuverkamenn ryðjast með vélbyssugelti
í gleðskapinn, taka partíið í gíslingu og ætla
sér að ræna hlutabréfum sem geymd eru í
hvelfingu í byggingunni.
Alan Rickman og rússneski balletdansarinn
Alexander Godunov fara á kostum í hlutverk-
um aðal terroristanna sem eru með skothelda
áætlun sem gerði þó ekki ráð fyrir berfættri
löggu sem gengur laus í húsinu og setur allt á
annan endann. Kúrekinn frá New York jafnar
síðan um skúrkanna einn síns liðs á meðan
FBI og lögreglan þvælast fyrir framan háhýs-
ið. McClaine bjargar frúnni og ástin kviknar á
ný og þau aka saman inn í nóttina á limósínu.
Vinsældum Die Hard var fylgt eftir með Die
Hard 2 þar sem McClaine-hjónin lentu aftur í
hremmingum um jól. Holly er á leið með flugi
til Washington og John bíður hennar á Dulles-
flugvellinum þegar málaliðar yfirtaka flug-
stjórnina, gera miklar kröfur og dunda sér við
að láta farþegaþotur hrapa þar til orðið verður
að kröfum þeirra. McClaine hrekkur þá aftur
í jólagírinn, gengur milli bols og höfuðs á ill-
þýðinu og bjargar ástinni sinni á ný.
Die Hard: With a Vengeance árið 1995 er
Holly fjarri góðu gamni enda hjónabandið
komið í vaskinn. McClaine er einn heitan
sumardag dreginn grúttimbraður til starfa
þar sem sprengjuglaðir terroristar herja á
New York og er þar mættur Jeremy Irons í
hlutverki litla bróður vonda karlsins sem Alan
Rickman lék í Die Hard. Samuel L. Jackson er
Willis til halds og trausts í þessari umferð.
Willis lét síðan aftur til sín taka í Live Free
or Die Hard árið 2007. Þá rændu vondir menn
dóttur hans, Lucy Gennaro McClane, og pabbi
gamli, orðinn alsköllóttur, kom stelpunni sinni
til bjargar eins og honum einum er lagið. Og
nú er röðin komin að því að redda syninum,
Jack McClane, sem hefur rótað sér í vandræði
í Moskvu þannig að feðgarnir þurfa að þessu
sinni að kljást við rússneska hrotta sem er
lítið mál þar sem eplið féll ekki langt frá epla-
trénu og sonurinn gefur þeim gamla lítið eftir.
Og þessir feðgar drepast ekki svo glatt eins og
eldri dæmin sanna.
Bruce Willis var enn með hár árið 1988 og hafði þá aflað sér töluverðra vinsælda í hlutverki hins
léttgeggjaða einkaspæjara David Addison í sjónvarpsþáttunum Moonlighting. Hann þótti hins
vegar ekki líklegur til stórræðanna sem harðhaus en sannaði sig heldur betur sem slíkur í Die
Hard, frábærri spennumynd þar sem hann sallaði niður hryðjuverkamenn berfættur í hlýrabol.
Myndin stimplaði Willis inn sem stjörnu og hann hefur reglulega brugðið sér í hlutverk löggunnar
John McClaine og lætur nú til sín taka í fimmta sinn.
Þórarinn
Þórarinsson
toti@frettatiminn.is
Ófeigum verður ekki í hel komið
Bruce Willis og Jai Courtney í hlutverkum McClaine-feðganna en sonurinn reynist harður í horn að taka eins og hann á kyn til.
 frumsýnD Warm BoDies
Ástin á tímum uppvakninganna
Uppvakningar njóta mikilla vinsælda þessi misserin þrátt fyrir að
vera einhver blæbrigðalausustu skrímsli samanlagðra hryllingsbók-
menntanna. Heiladauðar og grjótheimskar holdætur sem eigra stefnu-
laust um í leit að næsta bita.
Warm Bodies tekur snjallan snúning á fyrirbærið og segir sögu upp-
vakningsins R. Hann er kenndur við bókstafinn þar sem nafn hans
hófst á R-i þegar hann var mennskur. R man ekki hvað varð til þess að
hann umbreyttist úr mennskum unglingi í ófétið sem hann er. Honum
leiðist tilvera uppvakningsins skelfilega og vill helst fá að drepast.
Allt þetta breytist þegar hann rekst á mennska stúlku í fæðuleit
sinni. Í stað þess að kasta sér á hana og tæta í sig finnur hann eitthvað
bærast innra með sér sem hafði legið í dvala frá því hann varð zombía.
Í stað þess að ráðast á dömuna kemur hann henni til varnar og þar
með hefst býsna sérkennileg ástarsaga uppvaknings og lifandi stúlku.
Aðrir miðlar. Imdb: 7.4, Rotten Tomatoes: 79%, Metacritic: 58%
Teiknimyndin Cinderella 3D kemur að gamla ævintýrinu um Öskubusku úr óvæntri átt
en sagan gerist að þessu sinni í villta vestrinu. Þar stritar kúrekastelpa nótt sem nýtan
dag í rykugum landamærabæ fyrir vonda stjúpu sína og illgjarna stjúpsystur.
Stúlkan kemst þó á konunglegan dansleik og þegar sjóræningja górillur ræna prinsi
og hertogaynju leggur hún í
ærslafulla leit að prinsinum um
leið og hún ætlar sér að endur-
heimta tönn sem hún missti í
látunum á dansleiknum, fanga
þannig hjarta prinsins og verða
alvöru prinsessa.
Myndin er talsett á íslensku þar
sem Álfrún Helga Örnólfsdóttir,
Sigurður Sigurjónsson, Orri Huginn
Ágústsson, Guðfinna Rúnarsdóttir
og Steinn Ármann Magnússon ljá
persónum raddir sínar.Uppvakningurinn með ástinni sinni.
Öskubuska í villta vestrinu
Öðruvísi Öskubuska leitar að tönn
sem hún missti á dansleik.
MEÐ STUÐNINGI REYKJAVÍKURBORGAR OG KVIKMYNDAMIÐSTÖÐVAR ÍSLANDS  MIÐASALA: 412 7711
KOMDU Í KLÚBBINN!
bioparadis.is/klubburinn
SKÓLANEMAR: 25% afsláttur
gegn framvísun skírteinis!
NÝTT Í BÍÓ PARADÍS
SJÁ SÝNINGARTÍMA Á BIOPARADIS.IS OG MIDI.IS
SVARTIR SUNNUDAGAR:
Kl. 20 sunnudag.
Aðeins þessi eina sýning.
ÞRJÚBÍÓ
SUNNUDAG | 950 KR. INN
MEÐLIMUR Í