Bændablaðið - 23.05.2013, Page 2

Bændablaðið | Fimmtudagur 23. maí 20132
Fréttir
Helmingur Íslendinga vill leggja
mikla áherslu á að vernda
íslenskan landbúnað, m.a. með
innflutningstollum og 58,6% vilja
að bannað sé að flytja inn hrátt,
ófrosið kjöt, til landsins. Íbúar
á landsbyggðinni eru almennt
meðmæltari innflutningsbanni
á hráu, ófrosnu kjöti en fólk á
höfuðborgarsvæðinu. Þetta kemur
fram í nýrri Capacent-könnun sem
gerð var fyrir Bændasamtökin
seinni hluta aprílmánaðar.
Þegar rýnt er nánar í niðurstöðurnar
kemur í ljós að konur eru meðmæltari
því að bannað sé að flytja inn hrátt
kjöt en karlar. 68% kvenna
segja það skipta miklu
máli á meðan 51%
karla vilja banna
innflutning. Eftir
því sem menntun
eykst hefur fólk
minni áhyggjur
af innflutningi á
kjöti. Þannig telja
46% að spurðra
með háskólapróf
að það skipti
máli að banna
innflutning á erlendu
hráu kjöti en 67%
þeirra sem eru einungis
með grunnskólapróf.
Marktækur munur er á
afstöðu fólks á landsbyggðinni
og á höfuð borgar svæðinu. 73%
landsbyggðarfólks vill banna
innflutning á hráu ófrosnu kjöti en
einungis 47% Reykvíkinga.
Helmingur landsmanna
meðmæltur tollvernd
Spurt var um viðhorf til verndar á
íslenskum landbúnaði, m.a. með
innflutningstollum. Niðurstöður eru
afgerandi og sýna mikinn stuðning við
að verja innlendan landbúnað. 49,5%
aðspurðra vilja leggja mikla áherslu á
vernd, m.a. með innflutningstollum,
en 30,1% telur að litla áherslu eigi að
leggja á að vernda landbúnað eins og
gert er. Fimmtungur svarenda svarar
hvorki né. Athygli vekur að yngsta
kynslóðin, á aldursbilinu 18-24 ára,
er töluvert meðmæltari tollum en fólk
á aldrinum 35-44 ára. 54% yngsta
hópsins leggur mikla áherslu
á að vernda landbúnað á
meðan 42% þeirra sem eru
á aldursbilinu 35-44 ára
svara því sama. Mestur
er stuðningurinn við
verndun landbúnaðar,
eða 59%, í aldurs-
hópunum 55 ára
og eldri.
Landbúnaðurinn
með sterka stöðu í
hugum fólks
Í viðhorfskönnuninni
var spurt um fleiri þætti
sem tengjast landbúnaði.
Svarendur eru almennt
sammála um að landbúnað
eigi að stunda á Íslandi til framtíðar
en 92,3% segja að það skipti miklu
máli. Þá er stór hluti á því að miklu
máli skipti að Íslendingar séu ekki
öðrum háðir um landbúnaðarafurðir,
eða 75%. Einungis 10% segja að það
skipti litlu máli.
Úrtak könnunarinnar var 1.400
manns af landinu öllu, 18 ára og eldri.
Svarhlutfall var 67,3%.
/TB
Ný viðhorfskönnun Capacent Gallup:
Mikill meirihluti vill banna innflutning
á hráu, ófrosnu kjöti
Einkenni íslensku
landnámshænunnar
Lýsing á einkennum íslensku
landnáms hænunnar var samþykkt á
aðalfundi Eigenda- og ræktendafélags
landnámshænsna (ERL). Lýsingin er
eftirfarandi:
Útlitseinkenni
1. Fremur lítill haus miðað við
búkstærð og goggur stuttur,
breiður og boginn fremst. Misstórir
fjaðratoppar á haus algengir.
2. Kambar af ýmsum gerður, ein-
faldur; annað hvort beinn eða
lafandi, rósa kambur, blöðru-
kambur, kórónukambur og krónu-
kambur.
3. Eyru hvít eða fölgul.
4. Separ langir á hönum en misstórir
á hænum.
5. Augu gulgræn eða gulbrún/orange.
6. Háls fremur stuttur og sver.
7. Búkur þéttvaxinn, stutt bak sem
mjókkar aftur og breið, hvelfd
bringa. Þyngd: hænur 1.4-1.6 kg
og hanar 2.1-2.4 kg hjá fullvöxnum
fuglum.
8. Fiðurhamur þéttur og sléttur.
9. Vængir breiðir og stuttir, mjókka
aftur með búknum.
10. Stél hátt sett, mjög hreyfanlegt.
Hanar með nokkrar langar og
bognar stélfjaðrir.
11. Litafjölbreytni mjög mikil, allir
litir leyfðir.
12. Leggir langir og í mörgum litum.
13. Hænur venjulega með litla spora,
en hanar með langa og uppsveigða
spora.
14. Klær fjórar, afturkló eilítið
innanfótar.
15. Leggir berir.
Atferliseinkenni
1. Mannelsk, forvitin og sjálfbjarga.
Heldur góðu jafnvægi.
2. Hænurnar hafa sterka móðurhvöt
og vilja gjarna liggja á.
3. Hver einstaklingur hefur sinn
persónuleika.
4. Frjósemi góð hjá báðum kynjum.
Bændasamtökin hafa gefið út
kynningarefni um íslenskan land-
búnað þar sem vakin er athygli á
þeim málum sem efst eru á baugi
í atvinnugreininni.
Tilgangurinn er að koma á fram-
færi upplýsingum um ýmsar lykiltölur
landbúnaðarins og fjalla um þau mál
sem brenna á bændum. Bæklingurinn
er átta síður að lengd en efni hans er
líka aðgengilegt á netinu á vefsíðu
Bændasamtakanna, bondi.is
Svona er íslenskur
landbúnaður 2013
Áhrifafólk úr hópi Eigenda- og ræktendafélags landnámshænsna hefur áhyggjur af stofninum:
Telja landnámshænsnastofninn
á Íslandi í verulegri hættu
– segja sölu á blönduðum afbrigðum með genum asískra Brahma-hænsa ósiðlegan gjörning
Mikill ótti er nú meðal
þeirra sem vilja vernda stofn
landnámshænsna um að verið sé
að stefna stofninum í tvísýnu með
blöndun við Brahma-hænsni af
asískum uppruna. Hröð útbreiðsla
er í Evrópu á slíkum hænsnum
sem eru með fiðraða fætur, en
genið sem stýrir því er ríkjandi í
stofninum. Einnig er farið að bera
verulega á útbreiðslu á slíkum
hænsum hér á landi.
Eins og greint var frá í
Bændablaðinu nýlega skilaði nefnd
sem skipuð var á aðalfundi Eigenda-
og ræktendafélags landnámshænsna
(ERL) 2011 tillögu að lýsingu á
landnámshænunni. Aðalfundur
félagsins 2012 samþykkti lýsinguna
og var henni dreift til fjölmiðla og hún
birt á Facebook-síðum og vefsíðum
og í gegnum tölvupósta flestra stærri
ræktenda landnámshænsna.
Áhrifafólk úr hópi Eigenda- og
ræktendafélags landnámshænsna
hefur sent frá sér yfirlýsingu vegna
þessa.
Þar er bent á að lýsingin á
landnámshænsnunum sem samþykkt
var á aðlafundi félagsins hafi ekki
birst á opinberri síðu ERL. Því sé
hætta á að hún hafi ekki borist í
hendur öllum ræktendum, né heldur
öllum þeim sem hafa áhuga á að
eignast landnámshænur. Yfirlýsingin
er svohljóðandi:
Varnaðarorð til ræktenda og
ungakaupenda
„Svo virðist sem einhverjir aðilar
bjóði enn til sölu fugla sem ekki
falla undir viðurkennda lýsingu á
einkennum landnámshænsna, m.a.
með fiðraða leggi, en selji þá engu
að síður sem landnámshænur sem
verður að teljast ósiðlegur gjörning-
ur sem stríðir gegn ræktunarmark-
miðum stofnsins.
Enn hefur ekki verið komið á
fót lista yfir þá ræktendur sem selja
landnámshænur er falla undir lýsingu
á stofninum og finnst okkur undir-
rituðum eigendum og ræktendum því
ástæða til að benda þeim sem ætla
að fá sér landnámshænur að kynna
sér lýsinguna og kanna stofninn hjá
seljendum svo þeir kaupi ekki kött-
inn í sekknum.
Ræktun landnámshænunnar
stendur nú á viðkvæmum tímamótum
og þess vegna er mjög brýnt að vanda
til verka svo þessi aldni stofn haldi
upphaflegum eiginleikum sínum.
Það er von ábyrgra ræktenda land-
námshænsna að þeir sem vilja stuðla
að varðveislu stofnsins kynni sér
þetta í tæka tíð.“
Undir þetta skrifa;
Jóhanna G. Harðardóttir,
Hlésey
Valgerður Auðunsdóttir,
Húsatóftum
Ólafur R. Dýrmundsson,
Reykjavík
Ása Lísbet Björgvinsdóttir,
Eyrarbakka
Gyða Atladóttir,
Reykjavík
Magnús Ingimarsson,
Hvanneyri
Kolbrún Júlíusdóttir,
Kolsholti
Ingi Vignir Gunnlaugsson,
Ólafsfirði
Hugi Ármannsson
Stóra-Núpi
Vala Withrow,
U.S.A. /HKr.
Íslenskar landnámshænur. Mynd / HKr.
Evrópu frá Belgíu og Frakklandi.
Hversu miklu eða litlu máli
finnst þér skipta að bannað sé
að flytja hrátt, ófrosið, kjöt til
landsins?
Hversu mikla eða litla áherslu á að
leggja á það að vernda ís lenskan
land búnað, meðal annars með
i n n f l u t n i n g s -
tollum?