Bændablaðið - 23.05.2013, Qupperneq 22

22 Bændablaðið | Fimmtudagur 23. maí 2013
Það verður ekki vöntun á ferskum
fiski eða kjöti í Borgarnesi á
næstunni eftir að sælkeraverslunin
Ship O Hoj var opnuð þar 11.
apríl síðastliðinn. Í versluninni er
boðið upp á nýjan fisk daglega og
ferskar kjötvörur í miklu úrvali.
Borgnesingar og nærsveitafólk hafa
tekið nýrri verslun fagnandi enda
nokkuð um liðið síðan síðast var
rekin fiskbúð í bænum. Þá er ljóst
að ferðafólk og sumarhúsa eigendur
í Borgarfirði geta nú treyst á að fá
lostæti á grillið í sumar.
Það eru hjónin Guðveig
Eyglóardóttir og Vigfús Friðriksson
sem reka Ship O Hoj en aðaleigendur
verslunarinnar eru Guðrún Hildur
Jóhannsdóttir og Gunnar Örlygsson
maður hennar. Þær Guðveig
og Guðrún eru æskuvinkonur
úr Borgarnesi en Guðveig er af
svonefndri Egilsætt, miklu ættarveldi
í bænum. Vigfús er bóndasonur austan
úr Fljótsdal, frá Valþjófsstöðum, en
þau hjón ráku þar sauðfjárbú um
skeið. Þau eru bæði hokin af reynslu
í matvæla- og veitingageiranum en
Guðveig rak meðal annars hinn
rómaða veitingastað Halastjörnuna
í Öxnadal um tíma og hefur lengst af
sínum starfsaldri starfað við matseld
og ferðaþjónustu. Vigfús vann um
skeið í kjötborði Melabúðarinnar
í Reykjavík og hefur síðustu ár
unnið við kjöt- og mjólkurvinnslu
á Akureyri þar sem þau hjón voru
búsett undanfarin ár.
Aðsókn í hádegismat
Auk þess að bjóða upp á allra
handa ferskan fisk og kjöt ásamt
tilbúnum réttum bjóða þau hjón
upp á hádegisverð alla daga.
Blaðamaður Bændablaðsins kom
einmitt við í versluninni á dögunum
og snæddi þar marineraða keilu sem
bragðaðist afar vel. Talverður erill
var í hádegismatnum og höfðu gestir
það að orði að til mikils sóma væri
að geta komið og sest niður í hollari
mat en boðið væri upp á víða á
skyndibitastöðum bæjarins. Að sögn
Guðveigar hefur verið mikil aðsókn í
hádegisverðinn allt frá opnun.
Guðveig segir að móttökurnar
eftir opnun hafi verið gríðarlega
góðar. „Okkur hefur verið tekið
alveg ákaflega vel af heimafólki
sem hvetur okkur auðvitað til allra
dáða. Hér hefur fjöldi fólks komið
og þakkað okkur fyrir framtakið og
augljóst að fólki hefur verið farið
að lengja eftir að geta keypt ferskan
fisk í Borgarnesi.“ Guðveig bendir
jafnframt á að alltaf sé hægt að hafa
samband við verslunina og biðja um
sérpantanir sem þau reyni að bjarga
ef mögulega er hægt.
Bjóða bæði nýstárlegt og
hefðbundið
Vigfús tekur undir þetta og segir
að það sé sérstaklega skemmtilegt
að geta boðið fólki upp á fisk sem
ekki er algengur á borðum fólks.
„Það er skemmtilegt hvað fólk
er nýjungagjarnt og tilbúið að
prófa ýmislegt. Það er samt ekki
síður mikilvægt að bjóða upp á
hefðbundinn fisk í venjulegan
hversdagsmat. Sem dæmi um það
er sú vara sem við höfum selt mest
af frá opnun nætursaltaðar gellur.“
Þau Guðveig og Vigfús stefna
að því að hafa sem mest til sölu af
vörum úr héraði en einnig beint frá
bændum um allt land. „Það er að
hafa við okkur samband fólk víða
að sem hefur áhuga á að selja sína
vöru í Ship O Hoj. Við erum að fá
villtan silung í sölu, kálfakjöt frá
Stakkhamri og ýmislegt annað er á
döfinni. Við stefnum líka að því að
hafa mikið úrval af kjöti og fiski á
grillið í sumar,“ segir Vigfús og lofar
áframhaldandi nýjungum. /fr
Gott sultuúrval er í ljómalind.
FR
U
M
-
w
w
w
.f
ru
m
.is
FR
U
M
-
w
w
w
.f
ru
m
.is
FYRIRLIGGJANDI Á LAGER:
Diskasláttuvélar .......................... Verð frá kr. 759.000+vsk
Heyþyrlur .................................... Verð frá kr. 728.000+vsk
Stjörnumúgavélar ...................... Verð frá kr. 515.000+vsk
– Kuhn/gæði í gegn –
Eigum CLAAS heyvinnutæki á lager
Kynnið ykkur málið hjá sölumönnum okkar.
CLAAS þegar gæði og framúrskarandi hönnun eru sett ofar öðru!
Gylfaflöt 32 112 Reykjavík Sími 580 8200 www.velfang.is Óseyri 2 600 Akureyri
VERKIN TALA
Gylfaflöt 32 112 Reykjavík Sími 580 8200 www.velfang.is Óseyri 2 600 Akureyri
VERKIN TALA
Eigum óráðstafað
örfáum Kverneland
Accord 2ja poka
áburðardreifurum
á hagstæðu verði.
Mv. gengi € 159 kr.
Við viljum minna á viðgerðarþjónustuna okkar á Akureyri. Þar höfum við á að
skipa miklum reynslubolta í véla- og tækjaviðgerðum, Hermanni Hafþórssyni.
Hermann er með starfsaðstöðu á Óseyri 2, en hann er líka færanlegur og vílar ekki
fyrir sig að skreppa í Húnavatnssýsluna eða austur á firði ef ef svo ber undir.
Hafið samband við Hermann í síma 8 400 826
Einnig er hægt að bóka hann í síma 580 8200
Sælkeraverslunin Ship O Hoj
opnuð í Borgarnesi
Guðveig Lind Eyglóardóttir mundar
Sveitamarkaðurinn Ljómalind
– tólf konur af Vesturlandi taka höndum saman
Síðastliðinn föstudag var
sveitamarkaðurinn Ljómalind
opnaður í Borgarnesi, en félags-
skapur matar- og handverksfólks á
Vesturlandi stendur að framtakinu.
Fyrir síðustu jól starfrækti þessi
félagsskapur sams konar markað í
Borgarnesi og vegna velgengni hans
var ákveðið að taka nú upp þráðinn
með aðeins breyttu sniði.
Að sögn Hönnu Kjartansdóttur, frá
Mýranauti sem selur ungnautakjöt á
markaðnum, halda fimm konur áfram
af þeim tíu sem voru með fyrir jól
– og svo bætast aðrar sjö við. „Við
fengum tilboð um gott húsnæði á
góðum kjörum og svo fengum við
styrk frá Vaxtasamningi Vesturlands.
Vöruframboð verður mjög fjölbreytt;
bæði af matvöru og handverki.“
Hópurinn samanstendur af
eftirtöldum konum og eru vörur
þeirra hafðar í sviga: Anna Dröfn
Kvíaholti (brjóstsykur), Anna Lísa
Sleggjulæk (þæfðar prjónavörur),
Agnes Hundastapa (sultur),
Hanna Sigga Leirulæk (Mýranaut,
Ungnautakjöt), Stella Dögg Jaðri
(sumarblóm, tækifæriskort), Kristjana
Sólbyrgi (grænmeti, kryddjurtir),
Rósa Hlín Borgarnesi (smyrsl,
hekluð teppi og skartgripir) Sigga
Hrund Borgarnesi (prjónaðir klútar,
kertakrukkur, vasar), Steinunn
Borgarnesi (lopapeysur, sokkar
og vetlingar), Dóra Líndal Vestri-
Leirárgörðum (þæfðar töskur, ýmsar
prjónavörur), Helga Erpsstöðum (ís,
skyr, rjómi, skyrkonfekt og ostar) og
Sigrún Ferjubakka (peysur og vesti
úr kanínuull og ull).
Hanna segir að þetta sé þó ekki
tæmandi listi um vöruúrval. Einnig
munu þær bjóða upp á þann mögu-
leika að taka vörur í umboðssölu. Nú
þegar séu þær komnar með ullarslár
og púða úr leðri og roði.
Ljómalind er til húsa að Sólbakka
2 og hefur húsnæðið verið innréttað í
stíl við starfsemina; veggirnir klæddir
viði úr Skorradal og borðplöturnar
prýða úrklippur úr Bændablaðinu
og Skessuhorni. Markaðurinn verður
opinn um helgar í maí en svo alla
daga eftir 1. júní. /smh