Bændablaðið - 18.07.2013, Blaðsíða 36
36 Bændablaðið | Fimmtudagur 18. júlí 2013
Svavar Halldórsson er sjálfstæð-
ur matarblaðamaður, höfundur
Íslensku hamborgarabókarinnar
og framkvæmdastjóri Íslensks
matar og matarmenningar ehf.
Hvar varstu í sveit og hvenær?
Þótt ég sé fæddur í Vestmannaeyjum
og alinn upp í Hafnarfirði hef ég
alltaf verið viðloðandi sveitina.
Móðursystir mín bjó í Galtartungu
á Fellsströnd og þaðan á ég margar
góðar minningar frá því ég var krakki.
Frá því ég man eftir mér fórum við
fjölskyldan líka í óteljandi sunnu-
dagsbíltúra austur undir Eyjafjöll þar
sem pabbi hafði verið í sveit, bæði
á Steinum og í Efri-Holtum. Sjálfur
var ég ekki gamall þegar ég var
orðinn kaupamaður, fyrst til prufu
hjá frænku á Fellsströndinni og svo
undir fjöllunum, bæði í Varmahlíð
og í Efri-Holtum eins og pabbi og
stóri bróðir.
Eins og gengur var maður látinn
sækja kýrnar fyrir vestan og síðan
undir fjöllunum. Í Varmahlíð lærði
ég að borða lagköku, stinga út úr fjár-
húsum og keyra gamlan Land Rover
og traktora. Í Efri-Holtum voru bæði
kýr og kindur. Þar gekk ég til allra
fjósaverka og náði mikilli lagni
með heyvagn og baggatínu aftan í
gömlum Zetor. Nonni og Silla í Efri-
Holtum eru gott og vandað fólk sem
ég hugsa ávallt hlýlega til.
Undir fjöllunum viðhalda menn
enn þeirri gömlu hefð að veiða
fýl á haustin. Ungi fuglinn flýgur
úr hreiðrinu í hömrunum ofan við
sveitina en sumir ná ekki til sjávar.
Þeir leita oft í skurði eða annað þar
sem er vatn. Þeir eru rotaðir með
kylfu, steiktir og borðaðir. Í eina tíð
söltuðu menn fýlinn ofan í tunnu og
það var oft ágæt búbót yfir veturinn.
Þetta er enn gert sums staðar. Fýllinn
ver sig með því að spýta lýsi á veiði-
manninn, svo það er nokkur kúnst að
ná honum án þess að verða allur útbí-
aður. Þetta lærðist þó fljótt og fyrir
stráka voru þessar veiðar mikið sport.
Á veturna vann ég við löndun og
alls kyns tilfallandi bryggjustörf með
skólanum í Hafnarfirði alveg frá því
ég var fjórtán ára. Ég var því orðinn
vanur og með góð meðmæli á ung-
lingsárunum þegar ég réð mig sem
fullgildan vinnumann að Seglbúðum
í Landbroti.
Í Seglbúðum er mikið og myndar-
legt fjárbú sem Erlendur Björnsson
og Þórunn Júlíusdóttir voru nýlega
tekin við þegar ég var hjá þeim. Þau
stóðu faglega að öllum búrekstr-
inum, enda varð það að vera, því
Jón Helgason, frændi Erlends og
fyrrum bóndi á bænum, var land-
búnaðarráðherra þegar þetta var.
Frá því ég var krakki og langt
fram á unglingsárin var ég því í sveit
öll sumur. Auðvitað saknaði maður
stundum fjölskyldunnar og vinanna
í Hafnarfirði en ég á samt bara góðar
minningar úr sveit. Þar lærði ég að
vinna, umgangast skepnur og bera
virðingu fyrir landinu.
Það er ekkert fallegra en bjart
sumarkvöld í íslenskri sveit. Að ekki
sé nú talað um þegar maður er einn
á hestbaki. Eitt slíkt kvöld, þegar ég
var vinnumaður í Seglbúðum, var
ég ríðandi í hólunum við Grenlæk
í Landbrotinu. Ég áði við litla tjörn
sem liggur í leyni á milli hólanna.
Þegar ég var rétt stiginn af baki blasti
við mér hvæsandi minkur í grasinu.
Hesturinn fældist og prjónaði og ég
missti tauminn. Mín fyrstu viðbrögð
voru að stíga ofan á minkinn. Mér
tókst svo einhvern veginn að grípa
hann og drekkja honum í tjörninni.
Hann barðist um og ég var allur klór-
aður og bitinn eftir kvikindið. Hann
drapst fyrir rest og ég fór með hann
heim að bæ, eftir að hafa náð hest-
inum. Erlendur bóndi skar skottið af
minknum og skilaði því inn. Ég man
ennþá að ég fékk fimm hundruð kall
fyrir. Mér fannst ég hafa unnið fyrir
þeim aurum.
Við Þóra konan mín höfum í
gegnum árin alltaf brunað út úr
bænum þegar við komumst í sumar-
frí, með krakka og tjald. Við snúum
yfirleitt ekki aftur fyrr en í lengstu
lög, enda gott að losna úr fjölmiðla-
vafstri og fréttastússi í nokkrar vikur.
Ég finn það alltaf þegar ég kemst
út úr bænum að rétt eins og ég er
sveitinni, þá er hún í mér. Ég bý
enn að öllu því góða sem ég lærði
sem krakki og unglingur í sveit og
er ekki í nokkrum einasta vafa að
sveitadvölin – fólkið, vinnan og nátt-
úran – hefur gert mig að betri manni.
Ég var sendur í sveit
Heiti hátíðar Hvenær
Vesturland
Kjós Kátt í kjós. 20. júlí
Reykholt Reykholtshátíð. 26. júlí
Grundarfjörður Á góðri stundu. 26.-28. júlí
Breiðablik Snæfellsnesi Sveitamarkaður 20.-21. júlí
Vestfirðir
Ísafjörður, Bolungarvík,
Dýrafjörður
Hlaupahátíð í Ísafjarðarbæ.
Íþróttahátíð fyrir alla fjöl-
skylduna. Nánar á www.
hlaupahatid.is.
19.-21. júlí
Reykhólahreppur
Reykhóladagar. Árleg
bæjarhátíð þar sem hægt
er að sjá fjöldan allan af
gömlum traktorum sem hafa
verið gerðir upp í sveitinni
og gömlum uppgerðum
breiðfirskum bátum. Frekari
upplýsingar að finna á www.
reykholar.is.
25.-28. júlí
Norðurland vestra
Blönduós
Húnavaka. Bæjarhátíð á
Blönduósi.
19.-21. júlí
Húnaþing vestra
Eldur í Húnaþingi – héraðs-
hátíð. Einn af hápunktum
hátíðarinnar er útitónleikar í
Borgarvirki, en margt annað
er í boði fyrir alla fjölskylduna.
Nánar á www.eldurhuna-
thing.com.
24.-27. júlí
Húnaþing vestra
Grettishátíð á Laugarbakka
í Miðfirði, Grettisbóli.
Fróðleg dagskrá fyrir börn
í anda Grettis sögu sterka,
kraftakeppni karla og kvenna,
sveitamarkaður. Sjá nánar á
www.grettistak.is.
28. júlí
Norðurland eystra
Akureyri Hjóladagar. 18.-21. júlí
Akureyri Miðaldadagar að Gásum 19. - 21. júlí
Húsavík
Mærudagar á Húsavík
www.husavik.is.
25.-28. júlí
Siglufjörður Síldarævintýri á Siglufirði. 1. - 5. ágúst
Austurland
Seyðisfjörður
LungA. Listahátíð unga-
fólksins.
14. júlí -
21. júlí
Austurland
Smiðjuhátíð
Tækniminjasafnsins.
26.-28. júlí
Suðurland
Hveragerði
Hengils - Ultra Maraþon, 50
og 81 km, utanvegahlaup í
umsjón Skokkhóps Hamars.
Skráning á www.hlaup.is.
27. júlí
Heimild: ja.is
Rétt er að taka fram að
listinn er ekki tæmandi.
Hann er m.a. unninn upp
úr gögnum frá ja.is.!
Svavar Halldórsson