Bændablaðið - 24.04.2013, Page 33

33Bændablaðið | Miðvikudagur 24. apríl 2013
1. Hver er afstaða framboðsins til tolla
og innflutningsgjalda á innfluttar land-
búnaðarvörur sem eru í samkeppni við
innlenda búvöru?
Það á að viðhalda þeim til þess að vernda
innlendan landbúnað.
2. Hver er afstaða framboðsins gagn-
vart hugsanlegum innflutningi á lifandi
dýrum og/eða hráum, ómeðhöndluðum
dýraafurðum?
Afstaða okkar er ítrasta varúð og við erum
því mjög á móti því að taka sénsinn á að
skæðir sjúkdómar berist hingað. Ef upp
koma álitamál sem við höfum ekki næga
þekkingu á, til dæmis spurningin um hvort
sérstök dýravegabréf geti stundum komið
í stað sóttkvíar, hlýðum við ráðum sér-
fræðinga, t.d. dýralækna.
3. Telur framboðið nauðsynlegt að
tryggja fæðu- og matvælaöryggi lands-
ins? Ef svo, með hvaða hætti verður það
best gert?
Fyrst og fremst með því að styðja og
vernda landbúnaðinn, ekki bara fyrir
samkeppni frá útlöndum heldur líka fyrir
ásælni fjármála afla. Félagsvætt fjármála-
kerfi, sem væri ekki rekið í gróðaskyni
heldur sem félagslega rekin þjónusta fyrir
fólk og fyrirtæki, mundi veita bændum
aðgang að lánsfé á hagstæðustu kjörum
sem hægt væri, úr samfélagslegum eigin-
fjársjóðum sem krefðust ekki vaxta af
lánunum.
4. Hvaða leið vill framboðið fara varðandi
aðildarviðræður Íslands við Evrópu-
sambandið? Er framboðið fylgjandi eða
andvígt aðild að sambandinu?
Framboð okkar er fortakslaust andsnúið
aðild að ESB, sér þar af leiðandi engan
tilgang með frekari samningaviðræðum
og mundi því slíta þeim við fyrsta
tækifæri. Við sjáum Evrópusambandið
sem hagsmuna bandalag samevrópsks
stór auðvalds, sem mundi ekki bara
fella niður tolla og hleypa erlendum
fjárfestingum óhindrað inn í landið,
heldur og steypa efnahaginn hérna
ennþá fastari í markaðshyggju og þar
með torvelda félagsvæðinguna sem við
teljum lykilinn að uppbyggingu réttláts
og farsæls efnahagskerfis.
1. Hver er afstaða framboðsins til
tolla og innflutningsgjalda á innfluttar
landbúnaðar vörur sem eru í samkeppni
við innlenda búvöru?
Samfylkingin styður stoðkerfi íslensks
landbúnaðar eins og það er nú. Enda hafði
fjármálaráðherra Samfylkingarinnar
forgöngu að því að framlengja
búvöru samningana og þing flokkur
Samfylkingar innar studdi á fjárlögum
líkt og áður um 9 milljarða framlög til
framleiðslutengds stuðnings búgreina.
Komi til þess, t.d. við aðild að ESB
að innflutningstollar lækki, leggjum við
mikla áherslu á að mæta því með auknum
beinum stuðningi, bæði tengdum við
ræktað land og beina framleiðslu.
2. Hver er afstaða framboðsins gagn-
vart hugsanlegum innflutningi á lifandi
dýrum og/eða hráum, ómeðhöndluðum
dýraafurðum?
Samfylkingin styður eindregið áfram-
haldandi bann við innflutningi á lifandi
dýrum. Í áliti meirihluta utanríkismála-
nefndar frá 16. júlí 2009, sem fylgdi
þingsályktun Alþingis um aðildarum-
sóknina að ESB, kemur skýrt fram að
viðhalda beri þeim undanþágum og sér-
lausnum sem Ísland hefur í dag á grund-
velli EES-samningsins. Sérstaklega er
fjallað um lifandi dýr í því samhengi.
Í samningsafstöðunni er með
skýrum hætti farið fram á að banni við
innflutningi lifandi dýra verði viðhaldið
á grundvelli þess hversu fáir sjúkdómar
finnast í búfé á Íslandi og þess hve
viðkvæmir íslenskir búfjárstofnar eru
gagnvart sjúkdómum.
3. Telur framboðið nauðsynlegt að tryggja
fæðu- og matvælaöryggi landsins? Ef svo,
með hvaða hætti verður það best gert?
Já, svo sannarlega, meðal annars með því
að tryggja þjóðinni stöðugan gjaldmiðil,
afnám verðtryggingar og lágum vöxtum,
þannig er rekstrargrundvöllur land-
búnaðar tryggður og kaup á aðföngum
viðráðanleg. Einnig styður Samfylkingin
eindregið áfram haldandi beinan stuðning
við landbúnaðar framleiðslu og vill útvíkka
þann stuðning þannig að hann nái til fleiri
búgreina.
4. Hvaða leið vill framboðið fara varðandi
aðildarviðræður Íslands við Evrópu-
sambandið? Er framboðið fylgjandi eða
andvígt aðild að sambandinu?
Samfylkingin vill ljúka aðildarviðræðunum
við ESB og láta almenning taka ákvörðun um
aðild út frá honum í þjóðaratkvæðagreiðslu.
Gerist Ísland aðili að ESB og taki upp evru
þegar það er tímabærter það að því gefnu
að þjóðarhagsmunir okkar verði tryggðir
í aðildarviðræðunum. Samfylkingin vill
flýta viðræðum við Evrópusambandið og
leggja aðildarsamning í dóm þjóðarinnar
eigi síðar en árið 2015.
Ef Íslendingar samþykktu að ganga í
ESB væri strax hægt að leggja meiri kraft
í afnám gjaldeyrishafta. Þá væri hægt að
komast strax í ERM-II-samstarfið á árinu
2016 og þar með gera krónuna stöðugri til
hagsbóta fyrir heimili og fyrirtæki.
Samfylkingin
1. Hver er afstaða framboðsins til tolla
og innflutningsgjalda á innfluttar
landbúnaðar vörur sem eru í samkeppni
við innlenda búvöru?
Framsóknarflokkurinn styður að lagðir séu
á tollar og innflutningsgjöld á búvörur sem
eru sambærilegar þeim sem framleiddar eru
hér á landi, til að verja lítinn heimamarkað
gegn undirboðum á erlendum vörum sem
gætu gert út af við íslenskan landbúnað
enda er tollvernd notuð í flestum löndum
til þess að vernda innlenda matvælafram-
leiðslu svo tryggja megi fæðuöryggi. Skoða
þarf sérstaklega útfærslu á tollunum m.t.t.
innlendrar verðbólgu og þróunar síðustu ár.
2. Hver er afstaða framboðsins gagn-
vart hugsanlegum innflutningi á lifandi
dýrum og/eða hráum, ómeðhöndluðum
dýraafurðum?
Framsóknarflokkurinn leggst alfarið
gegn innflutningi á lifandi dýrum og/eða
hráum ómeðhöndluðum dýraafurðum.
Við þurfum að verja innlenda búfjárstofna
fyrir smitsjúkdómum – þar höfum við m.a.
undirgengist alþjóðlegar skuldbindingar
þar að lútandi. Sú staðreynd að mjög fáir
sjúkdómar eru þekktir í dýrum á Ísland
sýnir hversu vel hefur til tekist og eru bestu
rökin fyrir áframhaldandi banni við slíkum
innfutningi.
3. Telur framboðið nauðsynlegt að tryggja
fæðu- og matvælaöryggi landsins? Ef
svo, með hvaða hætti verður það best
gert?
Við Framsóknarmenn teljum að auka
þurfi innlenda matvælaframleiðslu m.a.
til að tryggja fæðuöryggi landsmanna. Í
dag framleiðum við um 50% af þeim mat
innanlands sem við neytum.. Samkvæmt
þjóðaröryggisstöðlum er það of lágt
hlutfall. Þá er mikilvægt að viðhalda
matvæla öryggi - sem er gott og staðfestist
m.a. í því að á Íslandi er tíðni matarsýkinga
með því lægsta sem gerist í heimi.
Með því að auka innlenda framleiðslu
og standa hörð á banni við innflutningi á
hráum ómeðhöndluðum dýraafurðum sláum
við fjórar flugur í einu höggi. Tryggjum
áfamhaldandi gott matvæla öryggi, bætum
fæðuöryggi landsins, aukum framleiðni og
atvinnu í matvælaframleiðslu og spörum
dýrmætan gjaldeyri. Fæðuöryggi verður
best tryggt með því að skapa landbúnaði
og öðrum matvælaframleiðendum þau
starfsskilyrði að þær greinar geti vaxið og
dafnað, til dæmis sem samningum milli
ríkisvaldsins og bænda.
4. Hvaða leið vill framboðið fara
varðandi aðildarviðræður Íslands við
Evrópusambandið? Er framboðið fylgj-
andi eða andvígt aðild að sambandinu?
Flokksþing Framsóknarflokksins
samþykkti að ekki yrði haldið áfram
viðræðum við Evrópusambandið nema að
undangenginni þjóðaratkvæðagreiðslu.
Framsóknarflokkurinn telur hag lands og
þjóðar best borgið utan Evrópusambandsins
og er því á móti aðild líkt og mikill
meirihluti þjóðarinar.
Framsóknarflokkurinn
1. Hver er afstaða framboðsins til tolla
og innflutningsgjalda á innfluttar land-
búnaðarvörur sem eru í samkeppni við
innlenda búvöru?
Vinstri græn hafa alla tíð hvatt til upplýstrar
og sanngjarnrar umræðu um matarverð
á Íslandi. Líkt og aðrar þjóðir í okkar
heimshluta hafa Íslendingar kosið að veita
matvælaframleiðslu sinni nokkra vernd og
eru fyrir því bæði efnahagslegar forsendur
og öryggissjónarmið. Hagsmunum
Íslendinga til lengri tíma er ekki borgið
með því að leyfa niðurgreiddum erlendum
landbúnaðarvörum að kollkeyra íslenska
framleiðslu.
2. Hver er afstaða framboðsins gagnvart
hugsanlegum innflutningi á lifandi
dýrum og/eða hráum, ómeðhöndluðum
dýraafurðum?
Vinstri græn hafa varað sérstaklega við
innflutningum á lifandi dýrum og hráum,
ómeðhöndluðum dýraafurðum. Það er
á ábyrgð Íslendinga að standa vörð um
líffræðilegan fjölbreytileika með því
að tryggja að gamalgrónir, staðbundnir
dýrastofnar spillist ekki. Innflutningur á
hráu kjöti getur reynst hættuspil og boðið
heim sjúkdómum með ófyrirsjáanlegum
afleiðingum fyrir íslenskan landbúnað.
3. Telur framboðið nauðsynlegt að tryggja
fæðu- og matvælaöryggi landsins? Ef svo,
með hvaða hætti verður það best gert?
Í heimi þar sem matvælaskortur
og hækkandi matarverð er vaxandi
vandamál er brýnt að huga að fæðu- og
matvælaöryggi. Það gerum við best með
því að halda úti kraftmiklum landbúnaði
sem framleitt getur sem stærstan hluta
fæðunnar í landinu. Hér er einnig um
mikilvægt umhverfismál að ræða og í
samræmi við hugmyndafræði sjálfbærrar
þróunar sem býður að matvæli séu sem
mest ræktuð á heimaslóðum.
Hvaða leið vill framboðið fara varðandi
aðildarviðræður Íslands við Evrópu-
sambandið? Er framboðið fylgjandi eða
andvígt aðild að sambandinu?
Vinstri græn eru andvíg aðild Íslands að
ESB. Þó telur hreyfingin rétt að ljúka
yfirstandandi aðildarviðræðum innan
tiltekins tímaramma og bera niðurstöðuna
undir dóm þjóðarinnar, til að fá niðurstöðu
í þetta gamla deilumál.
Vinstrihreyfingin –
grænt framboð
1. Hver er afstaða framboðsins til tolla
og innflutningsgjalda á innfluttar land-
búnaðarvörur sem eru í samkeppni við
innlenda búvöru?
Landsbyggðarflokkurinn styður öflugan
íslenskan landbúnað og vill skoða leiðir
til að efla hann og auka frelsi í greininni.
Styðja þarf betur hugmyndir um sjálfbærni
svæða, heimaframleiðslu og sölu, t.d.
„Beint frá býli“, og almennt allar góðar
hugmyndir sem skapa líf í sveitum landsins.
Landsbyggðarflokkurinn er eindregið
hlynntur tollum og innflutningsgjöldum
á innfluttar landbúnaðarvörur sem eru í
samkeppni við þær íslensku, það er ljóst
að þær influttu eru mikið niðurgreiddar
því landbúnaður á Norðurlöndunum
nýtur mikilla ríkisstyrkja og styrkir til
landbúnaðar er langstærsti útgjaldaliður
Evrópusambandsins. Skoða mætti hvort
ekki sé ástæða til að afnema virðisaukaskatt
af íslenskum landbúnaðarvörum til að
koma til móts við íslenska neytendur.
2. Hver er afstaða framboðsins gagnvart
hugsanlegum innflutningi á lifandi
dýrum og/eða hráum, ómeðhöndluðum
dýraafurðum?
Landsbyggðarflokkurinn er andvígur inn-
flutningi á á lifandi dýrum og/eða hráum
ómeðhöndluðum dýraafurðum, ekki
síst til að tryggja þann hreinleika sem
íslenskar landbúnaðarafurðir eru þekktar
fyrir. Teljum einnig brýnt að varðveita
íslenska búfjárstofna og sérkenni þeirra.
3. Telur framboðið nauðsynlegt að
tryggja fæðu- og matvælaöryggi
landsins? Ef svo, með hvaða hætti verður
það best gert?
Nauðsynlegt er að tryggja fæðu- og mat-
vælaöryggi landsins og er það best gert
með að styðja vel við íslenskan landbún-
að, auðvelda nýliðun í greininni og huga
að hvernig nýta megi sem best íslenska
orku í þágu landbúnaðarins.
4. Hvaða leið vill framboðið fara
varðandi aðildarviðræður Íslands við
Evrópusambandið? Er framboðið fylgj-
andi eða andvígt aðild að sambandinu?
Landsbyggðarflokkurinn styður aukið
lýðræði og vill að íslenska þjóðin taki
afstöðu til stórra mála á borð við aðild að
ESB í þjóðaratkvæðagreiðslum.
Landsbyggðarflokkurinn
Auglýsandi góður, veldu...
Bændablaðið
...ef þú vilt ná sambandi við fólk
Smáauglýsingar 56-30-300