Bændablaðið - 24.04.2013, Qupperneq 58

58 Bændablaðið | Miðvikudagur 24. apríl 2013
Ábúendur á Miðhúsum í Biskups-
tungum eru þau Geirþrúður
Sighvatsdóttir og Hallgrímur
Guðfinnsson ásamt börnunum
sínum, menntskælingunum Ægi
Frey og Margréti Björgu.
Þegar foreldrar Geirþrúðar, þau
Sighvatur Arnórsson og Margrét
Grünhagen, keyptu Miðhús árið
1952 hafði jörðin verið í eyði í 7 ár
og var ekkert hús uppistandandi á
jörðinni. Þau leigðu því jörðina Ból
í Biskupstungum fyrsta árið, meðan
byggt var fjárhús og íbúðarhús á
Miðhúsum. Fluttu svo í hálfbyggt
húsið haustið 1953. Ævistarf þeirra
var uppbygging jarðarinnar, en auk
fjárhúss fyrir 250 fjár og hlöðu var
byggt fjós fyrir um 50 nautgripi og
hesthús sem rúmar um 20 hross og
hlöður við. Eftir lát Margrétar 1988
flutti dóttir þeirra Geirþrúður, sem er
lyfjafræðingur, ásamt sjómanninum
Hallgrími, manni sínum, í Miðhús
árið 1989. Var hún í félagsbúi með
Sighvati til 2005 að kúabúið var
leigt tímabundið. Árið 2008 tóku
þau Hallgrímur við sauðfjárbúinu
og stækkuðu það upp í 300 kindur
árið 2010, en kúabúskap var hætt.
Búskapur hefur því verið fjöl-
breyttur á Miðhúsum síðustu árin,
kýr, kindur, hestar, lyfjafræði og
smábátaútgerð.
Býli? Miðhús í Biskupstungum.
Staðsett í sveit? Miðhús eru í
þeirri veður sælu sveit sem heitir
Biskups tungur og tilheyrir stjórn-
sýslueiningunni Bláskóga byggð
nú um stundir – og er á leið inni
milli Laugarvatns og Geysis.
Ábúendur? Geirþrúður
Sighvatsdóttir og Hallgrímur
Guðfinnsson og börn.
Fjölskyldustærð (og gæludýra)?
Börnin eru menntskælingarnir Ægir
Freyr og Margrét Björg.
Stærð jarðar? Um 800 ha.
Tegund búskapar? Sauðfjárrækt
eins og er. Frá 1952 til 2008 var
stundaður blandaður búskapur,
mjólkurkýr urðu flestar 26, en
auk þess voru um 25 geldneyti og
100-250 kindur á jörðinni og 10-20
hross.
Fjöldi búfjár? Um 300 vetrarfóðr-
aðar kindur, um 20 hross á öllum
aldri og einn hundur.
Hvernig gengur hefðbundinn
vinnudagur fyrir sig á bænum?
Húsmóðirin fer í vinnu sína sem
lyfjafræðingur í Lyfju-útibúi í
Laugarási, húsbóndinn gefur kind-
unum og hrossum, fer í útreiðar-
túr eða þjálfar sig og hrossin fyrir
Reiðmannsnámskeiðið sem hann og
dóttirin eru á, eða dyttar að bátum
sínum sem bíða aðhlynningar í
hlöðu og skemmu auk annarra bú-
og viðhaldsstarfa.
Skemmtilegustu/leiðinlegustu
bústörfin? Hestamennska, fjárrag
og smalamennskur eru skemmti-
legar og almennt er öll vinna
skemmtileg sem skilar árangri. Nú
vinnur liðléttingurinn leiðinlegu
störfin eins og skítmokstur og aðra
erfiðisvinnu.
Hvernig sjáið þið búskapinn fyrir
ykkur á jörðinni eftir fimm ár?
Þá verðum við hjónin að nálgast
eftirlaunaaldur. Vonandi verður
áframhaldandi búskapur í einhverri
mynd á jörðinni.
Hvaða skoðun hafið þið á félags-
málum bænda? Störf að félags-
málum bænda eru nauðsynleg en
vanþakklát. Teljum Bændasamtökin
hafa staðið sig vel við að gæta hags-
muna bænda.
Hvernig mun íslenskum land-
búnaði vegna í fram tíðinni? Vel.
Matvælaframleiðsla verður stöðugt
mikilvægari í heiminum og það
er mikilvægt fyrir sjálfstæða þjóð
að geta brauðfætt sig hvað sem á
dynur í heimsmálunum. Við búum
í hreinu og strjálbýlu landi og
höfum alla möguleika á að nýta
landið til vistvænnar matvæla-
framleiðslu.
Hvar teljið þið helstu tækifærin
í útflutningi íslenskra búvara?
Innanlandsmarkaður verður
alltaf mikilvægastur, fólksfjöldi
í landinu á bara eftir að aukast og
þá eykst framleiðslan. Eins og er,
er framleiðsla landbúnaðarvara
of lítil til að það svari kostnaði að
kynna þær erlendis, því um leið
og kynningin gengur vel selst
varan upp og vantar og þar með
er allt kynningarstarf unnið fyrir
gýg. Miðum því framleiðsluna við
innanlandsmarkað og njótum okkar
góðu landbúnaðarvara hér heima.
Flytjum út það sem út af flýtur en
streðum ekki við að framleiða upp í
dyntótta markaði erlendis!
Hvað er alltaf til í ísskápnum?
Mjólk (blá), smjör, skyr og
AB-mjólk.
Hver er vinsælasti maturinn á
heimilinu? Lambakjöt, nauta/kýr-
kjöt, ferskur fiskur og reykt, súrt,
kæst og sigið að þjóðlegum sið.
Eftirminnilegasta atvikið við
bústörfin? Fyrsta fjallferðin fyrir
rúmum 40 árum hjá Geirþrúði og
5 árum hjá Hallgrími. Vikuferð á
hestum inn að Hveravöllum á Kili.
Gunnar Helgi Guðjónsson sigr-
aði í vetur í fyrsta MasterChef-
sjónvarpsþættinum sem gerður
hefur verið hérlendis. Hann hefur
lengi vel verið áhugakokkur en
fyrir utan áhugamálið er hann
myndlistarmaður og kaffibar-
þjónn. Hann var vel til í að gefa
lesendum Bændablaðsins upp tvær
girnilegar og góðar uppskriftir að
Tiramisu-eftirrétti og Ricotta-osti.
Tiramisu
› 6 eggjarauður
› 1 vanillustöng
› 200 g hrásykur
› 500 g mascarpone-ostur, við stofuhita
› 200 ml þeyttur rjómi
› Ladyfingers eða svampbotn
› 300 ml sterkt kaffi, kælt
› 100 g dökkt gæðasúkkulaði, saxað
› kakóduft, ósætt til að sigta yfir í lokin
Aðferð:
Eggjarauður og sykur þeytt saman
þar til létt og ljóst. Mascarpone og
vanillufræin hrærð saman. Best að
nota sleikju til þess. Blandið saman
með sleikju og bætið rjómanum við.
Ladyfingers og/eða svampbotn
er sett neðst í form eða skál og
helmingnum af kaffinu hellt yfir.
Saxaða súkkulaðinu er sáldrað yfir,
kremið sett ofan á og svo endurtekið.
Það verða að vera tvö lög. Geymið
í kæli í 3-4 tíma eða yfir nótt. Síðan
er dökku kakói sáldrað yfir í gegnum
sigti áður en borið er fram.
Ricotta-ostur
Góður sem fylling í ravioli með
söxuðu spínati og skalottlauk eða
sem álegg í staðinn fyrir kotasælu.
› 2 lítrar lífræn mjólk
› 1 bolli rjómi
› 3 msk. edik
› ½ msk. salt
Aðferð:
Hitið mjólkina og rjómann að 85°,
takið af hitanum. Bætið ediki út
í og hrærið í 30 sekúndur. Bætið
saltinu út í og hrærið í 30 sek-
úndur. Geymið í eina klukkustund
við stofuhita. Sigtið í gegnum ost-
stykki sem er sett í sigti og undið
smá og geymið í 30 mínútur til að
ná afgangnum af mysunni úr. Úr
þessu verða um það bil 600 grömm
af osti. Geymist vel í fjóra daga í
kæli. Það má gjarnan nota sítrónu-
safa í staðinn fyrir edik. /ehg
Líf og lyst
BÆRINN OKKAR
MATARKRÓKURINN
Áhugamálið fleytti honum til sigurs
Miðhús
Fjölskyldan stödd fyrir utan ML á
Laugarvatni: Ægir Freyr, Geirþrúður,
Margrét Björg og Hallgrímur.
Fagurhyrndir hrútar.
Tiramisu.