Fréttatíminn - 08.04.2011, Blaðsíða 14

Elín Björg Jónsdóttir,
formaður BSRB:
Minni hagsmunum fórnað
fyrir meiri
„BSRB hefur ekki tekið formlega afstöðu til
málsins og mun ekki gera. Ég get því aðeins
svarað sem einstaklingur, en ekki formaður
BSRB,“ segir Elín Björg Jónsdóttir, formaður
BSRB. „Persónulega mun ég greiða samn-
ingnum atkvæði mitt, einfaldlega þar sem ég tel að þar
sé minni hagsmunum fórnað fyrir meiri. Áhættan af
höfnun er mikil og óvissan sem hún skapar er óásættan-
leg. Ég tel því hagsmunum Íslendinga best borgið með
að ljúka málinu og samþykkja samninginn nú.“
Margrét Kristmannsdóttir,
formaður SVÞ:
Við verðum að komast
áfram
„Ég segi já,“ segir Margrét Kristmannsdóttir,
formaður Samtaka verslunar og þjónustu,
„vegna þess að:
1) Núverandi staða er óviðunandi og ef
við fellum samninginn verður staðan í besta
falli óbreytt. Það tel ég óásættanlegt – við verðum að
komast áfram.
2) Áhættusækni olli hruninu og þær kynslóðir sem nú
ráða, hafa tekið nógu áhættu fyrir börnin okkar. Þjóðin
ræður við þennan samning – en ræður ekki við stöðuna
ef dómstólaleiðin tapast og sú niðurstaða mun lenda
að stærstum hluta á börnunum okkar. Icesave snýst
um miklu alvarlegri hlut en lögfræði – hún snýst um
framtíðina.“
Guðmundur Gunnarsson,
formaður Rafiðnaðarsambandsins:
Ísland er í ruslflokki lána-
mála
„Ég segi já vegna þess að yfirgnæfandi
meirihluti Alþingis samþykkti samninginn,“
segir Guðmundur Guðmundsson, formaður
Rafiðnaðarsambandsins. „ESA segir að jafn-
ræðisregla EES hafi verið brotin, sem gerir
samningsstöðu Íslands vonlausa. Ísland er í ruslflokki
lánamála, Reykjanesbær var að fá lán með 7% vöxtum.
Hátæknifyrirtæki eru að flytja stöðvar sínar til útlanda
svo að þau hafi aðgang að erlendum lánum á viðráðan-
legum vöxtum. Áhættusækni núverandi kynslóðar leiddi
yfir okkur hrunið, við höfum ekki heimild til að vísa enn
meiri áhættu til barna okkar og barnabarna.“
Gylfi Arnbjörnsson,
forseti ASÍ:
Getum lagt grunn að nauð-
synlegri uppbyggingu
„Þjóðin þarf að velja milli tveggja erfiðra kosta.
Ég ætla að segja já á laugardaginn, því að ef við
segjum nei viðheldur það þeirri miklu óvissu sem
þjóðin er í,“ segir Gylfi Arnbjörnsson, forseti ASÍ.
„Með því að samþykkja samninginn um Icesave
getum við lagt grunn að nauðsynlegri uppbyggingu
efnahags- og atvinnulífs sem leitt getur til fjölgunar
starfa, aukins kaupmáttar og jöfnunar kjara almenn-
ings.“
Arthur Bogason,
formaður Landssambands smábátaeig-
enda:
Forsendur skortir til að
gangast í ábyrgð
„Ég hef ekki afstöðu Landssambands smábáta-
eigenda (LS) í málinu. Aðalfundir LS á árunum
2009 og 2010 höfnuðu hins vegar inngöngu í
Evrópusambandið. Ég verð því að kynna mína
persónulegu skoðun,“ segir Arthur Bogason, formaður
Landssambands smábátaeigenda.
„Ég lít svo á að hafi ég sett stafina mína undir skulda-
viðurkenningu (t.d. víxil) geti komið til þess að greiðslan
falli á mig. Í Icesave-málinu var ég aldrei, á nokkru stigi
málsins, spurður eða beðinn um slíkan gjörning. Mig
skortir því allar forsendur fyrir því að gangast í ábyrgð í
málinu. Ég hafna samningnum.“
Kristinn Örn Jóhannesson, formaður VR:
Sanngjörn „hraðasekt“
fyrir ofsaakstur fjármála-
kerfisins
„Icesave-samningurinn er sanngjörn „hraðasekt“
fyrir ofsaakstur fjármálakerfisins,“ segir Kristinn
Örn Jóhannesson, formaður VR. „Fyrir utan
sanngirnissjónarmið og jafnræði gagnvart
innistæðueigendum landanna þriggja, þá felst minni
og fyrirsjáanlegri áhætta í samningnum en dómsmáli.
Meiri óvissa yfir lengri tíma yrði samfélagi okkar dýrari,
hamlar atvinnuuppbyggingu og auknum hagvexti sem
er forsenda kjarabóta. Þó svo að dómsmál ynnist þá
yrði sú niðurstaða ávallt dýrari en samningurinn, svo
ekki sé talað um ef það tapaðist. Kalt hagsmunamat og
réttlætiskennd leiðir einfaldlega til þess að ég segi já.“
Eiríkur Jónsson,
formaður Kennarasambands Íslands:
Nóg komið af atvinnuleysi
og stöðnun
„Ég segi já vegna þess að ég er búinn að fá nóg
af því atvinnuleysi og stöðnun sem andstaðan við
Icesave-samninga hefur leitt af sér,“ segir Eiríkur
Jónsson, formaður Kennarasambands Íslands.
„Gagnkvæmt traust, eðlileg samskipti við aðrar
þjóðir og aðgengi að erlendu fjármagni eru lykillinn að
því að við getum náð niður atvinnuleysi meðal lands-
manna. Ef allir fá vinnu er ekkert að óttast. Þessu má
öllu ná með því að segja já.“
Adolf Guðmundsson,
stjórnarformaður LÍÚ:
Málið aldrei rætt í stjórn
sambandsins
„Ég hef ekki tekið afstöðu sjálfur. Icesave-málið
hefur aldrei verið rætt í stjórn LÍÚ,“ segir Adolf
Guðmundsson, formaður stjórnar Landssam-
bands íslenskra útvegsmanna. „Það er því
engin opinber afstaða sambandsins. Við viljum
vera hlutlausir og láta hvern og einn félagsmann taka
afstöðu sjálfan. Þetta er hápólitískt mál og því lang
eðlilegast að hver og einn taki afstöðu til þess.“
Halldór Halldórsson, formaður stjórnar
Sambands íslenskra sveitarfélaga:
Á móti því að gera skuldir
einkafyrirtækis að skuld-
um þjóðar
„Þetta eru leynilegar kosningar þar sem hver og
einn kýs í samræmi við sinn hug og sannfæringu.
Það gildir um alla, líka þá sem eru í forsvari
fyrir samtök af ýmsum toga,“ segir Halldór
Halldórsson, formaður stjórnar Sambands íslenskra
sveitarfélaga.
„Mér þykir líklegt að fleiri en mér líði þannig að það
togist á já og nei vegna þessa máls. Já vegna óttans við
að annars verði skaðinn meiri en hann er nú þegar, nei
vegna þess að krafan hefur ekki lagastoð, hún byggist á
einhliða ákvörðun breskra og hollenskra stjórnvalda og
nei vegna þess að við eigum ekki að láta óttann stjórna
okkur.
Ég er á móti því að gera skuldir einkafyrirtækis að
skuldum þjóðar sem er þar að auki alltof skuldug fyrir.“
Sanngjörn
„hraðasekt“
eða krafa án
lagastoðar
Gengið verður til kosningar um Icesave-samninginn
á morgun, laugardag, eftir að forseti Íslands synjaði
lögum frá Alþingi samþykktar. Kjörnir fulltrúar sam-
taka launafólks og forystumenn í atvinnu- og viðskipta-
lífi eru ekki allir sammála um já eða nei þótt fleiri telji
já þjóðinni frekar til framdráttar. Ljósmyndir/Hari
G engið verður til kosningar um Icesave-samning á morgun, laugardag, í annað sinn á rúmu ári. Þegar gengið var til slíkrar
kosningar í fyrra var samningurinn felldur
með afgerandi hætti. Alþingi samþykkti
nýjan samning með rúmlega tveimur þriðju
hlutum atkvæða en Ólafur Ragnar Gríms-
son, forseti Íslands, synjaði Icesave-lög-
unum samþykktar í annað sinn og vísaði
þeim þar með í þjóðaratkvæðagreiðslu á ný.
Skoðanakannanir sýna að skiptar skoðanir
eru um samninginn. Samtök „Já-sinna“, þ.e.
Áfram-hópurinn, og „Nei-sinna“, þ.e. Ad-
vice-hópurinn, hafa auglýst stíft að undan-
förnu þar sem í senn er beitt rökum og höfð-
að til tilfinninga. Fjöldi greina hefur verið
skrifaður í blöð með og á móti samþykkt
og netið hefur logað þar sem sitt sýnist
hverjum. Fjölmiðlar hafa kynnt málið, þ.e.
hvað það þýðir að segja já og hvað það þýðir
að segja nei. Óhætt er þó að segja að nokkur
óvissa fylgi hvorum kostinum sem er.
Fréttatíminn leitaði til kjörinna forystu-
manna samtaka launafólks, forráðamanna í
viðskipta- og atvinnulífi, auk forystumanns
listamanna, þar sem spurt var hvaða afstöðu
þeir tækju í Icesave-kosningunni á morgun.
Jafnframt voru þeir beðnir að rökstyðja af-
stöðu sína í stuttu máli. Flestir hafa mótað
sína afstöðu, annað hvort með eða á móti, en
taka það fram að um persónulega afstöðu sé
að ræða en ekki mótaða afstöðu þeirra sam-
taka sem viðkomandi forystumenn standa
fyrir.
Svör forystumannanna fara hér á eftir:
Framhald á næstu opnu.
14 þjóðaratkvæðagreiðsla Helgin 8.-10. apríl 2011