Fréttatíminn - 08.04.2011, Page 29

VeitingahúsFerðaþjónusta HeildsölurÍþrótta- og félagasamtök Ríki- og sveitarfélögVerslun
H
V
ÍT
A
H
Ú
S
IÐ
/
S
ÍA
–
1
1
–
0
0
8
9
Greiðslulausnir sniðnar að þinni atvinnugrein.
Þau vita hvað viðskiptavinir okkar vilja.
Það skiptir okkur mestu.
Auður B. Guðmundsdóttir, framkvæmdastjóri sölu- og þjónustusviðs VÍS
Hver einasti viðskiptavinur okkar er einstakur og þarfirnar geta verið ólíkar.
Með þetta að leiðarljósi höfum við þróað lausnir – sniðnar að þinni atvinnugrein.
Hafðu samband og í sameiningu finnum við greiðslulausn sem hentar þínum rekstri.
Fyrirtækjalausnir Valitor sími 525 2080 www.valitor.is fyrirt@valitor.is
Þjónusta
maður, Enwright að nafni, komist
í kynni við Framara og komið að
þjálfun liðsins, sér til gamans. Þau
þjálfunarstörf máttu þó í fyrstu
ekki komast í hámæli, enda hafði
íslenska íþróttahreyfingin sett sam-
skiptabann á hernámsliðið og var
reykvísku knattspyrnuliðunum
t.d. bannað að leika æfingaleiki við
hermennina.
Eftir stríðið gerðist Enwright
þessi milligöngumaður um að fá
Frömurum breskan þjálfara. Fyrir
valinu varð skoskur maður, James
McCrae, sem hafði meðal annars
þjálfað egypska landsliðið og félags-
lið í Tyrklandi. Hann gerði Fram-
liðið að Íslandsmeisturum sumrin
1946 og 1947. Þrátt fyrir meistara-
titilinn 1946 voru stjórn og leik-
menn Fram efins um þjálfunarhæfi-
leika Skotans.
McCrae var snjall nuddari og var
sú færni hans talin hafa ráðið meiru
um velgengnina en þjálfunarhæfi-
leikarnir. Létu Framarar sig því
dreyma um að geta haldið McCrae
sem nuddara og sjúkraþjálfara, en
fá jafnframt nýjan þjálfara að utan.
Enwright hefur greinilega verið
vel tengdur, því hann gat flutt þær
fréttir að Tommy Lawton væri til-
kippilegur.
Að þjálfa íslenskt knattspyrnu-
lið var talsvert annað verkefni
á fimmta áratugnum en nú um
stundir. Félögin vildu ólm fá út-
lenda þjálfara sem kæmu rétt fyrir
byrjun Íslandsmótsins og kenndu
mönnum þá nokkrar góðar brellur.
Sjálfsagt þótti að leikmenn gengju
sjálfala á öðrum tímum ársins eða
að aldursforsetinn í hópnum sæi
um að skipta í lið á æfingum.
Kjör enskra atvinnuknattspyrnu-
manna voru á þessum árum ekki
á nokkurn hátt sambærileg við
það sem síðar varð. Leikmennirnir
fengu hins vegar gott sumarfrí,
svo hugmyndin um að nýta það
til að grípa í þjálfun á Íslandi fyrir
smá aukapening var hreint ekki
svo fráleit. Engu að síður virtist til-
hugsunin um að besti knattspyrnu-
maður í heimi hefði í raun og veru
íhugað að halda til Íslands til að
stjórna Frömurum á nýja malarvell-
inum í gömlu grjótnámunni fyrir
neðan Sjómannaskólann, gjörsam-
lega galin. Raunar álíka galin og
fyrirsögn þessarar greinar.
Jafnvel ófyrirleitnasti blaðamað-
ur myndi ekki reyna að ljúga því
í aprílgabbi að Lionel Messi væri
á leiðinni í Safamýrina til að spila
undir stjórn Þorvaldar Örlygssonar.
Fyrir vikið átti ég í miklu sálarstríði
við að ákveða hvort segja skyldi frá
þessu í bókinni. Að lokum ákvað ég
þó að treysta heimildunum og birta
söguna.
Nýjar vísbendingar
Á síðasta ári kom út bókin Get in
there! – Tommy Lawton, my Friend,
my Father, sem varpar nýju ljósi
á þennan tíma í lífi leikmannsins.
Fyrir keppnistímabilið 1947 til 1948
kastaði Tommy Lawton sprengju
inn í heim ensku knattspyrnunnar.
Hann gekk þá til liðs við Notts
County, sem var í þriðju efstu deild.
Samstundis fóru á kreik sögur um
að peningar hefðu ráðið þessari
ráðstöfun.
Um þær mundir var í gildi launa-
þak hjá enskum knattspyrnumönn-
um. Félögum var beinlínis óheimilt
að greiða leikmönnum hærri laun
en sem nam tilteknu margfeldi af
taxtalaunum iðnaðarmanns. Knatt-
spyrnumenn voru svo sem hálaun-
aðir miðað við alþýðu manna, en
varla mikið meira en það. Keppi-
kefli vísitöluleikmannsins var að
eiga nóg eftir að ferli loknum til að
kaupa búðarholu eða pöbb til að
framfleyta sér.
Auðvitað freistuðust félögin til
að svindla á reglunum með auka-
sporslum undir borðið. Það virtist
því rökrétt að skýra þá ákvörðun
28 ára landsliðsmanns að flytja sig
niður um tvær deildir með því að
eigendur Notts County hefðu boðið
óvenjugóðar mútur.
Ævisöguritarar Lawtons halda
því hins vegar fram að ekki hafi ver-
ið um neitt slíkt að ræða. Að þeirra
sögn var Tommy Lawton bærilega
stæður, lítill efnishyggjumaður en
með þeim mun sterkari réttlætis-
kennd. Framherjinn hafði hug á að
ganga til liðs við Arsenal, en yfir-
boðarar hans í Chelsea stóðu harðir
gegn því. Með því að velja Notts Co-
unty, sem um þær mundir var stýrt
af nánum vini Lawtons, hugðist
leikmaðurinn sýna stjórnarmönn-
um Chelsea fingurinn og mótmæla
í leiðinni einstrengingslegri vinnu-
löggjöf í knattspyrnuheiminum.
Með þetta í huga verður áhugi
Tommys Lawton á þjálfarastarfi í
Reykjavík eftirstríðsáranna örlítið
skiljanlegri. Þótt samningar næð-
ust ekki milli Fram og leikmanns-
ins (einkum þar sem sumarfrí hans
og keppnistímabilið hér heima féllu
ekki nægilega vel saman) er ljóst
að markakóngur enska landsliðsins
hefði náð að senda stjórnarherr-
unum á Stamford Bridge skýr skila-
boð með slíkri ráðningu. Af öllum
þeim stórlöxum sem íslenskur
knattspyrnuheimur hefur naum-
lega misst af, er Tommy Lawton án
nokkurs vafa sá stærsti.
Stefán Pálsson
ritstjorn@frettatiminn.is
Tommy Lawton.
sagnfræði 29 Helgin 8.-10. apríl 2011