Læknablaðið - 01.04.1968, Blaðsíða 82

96
LÆKNABLAÐIÐ
ári. Þá hefur verið ráðinn bókavörður við bókasafn Landspítalans, og
vinnur hann nú að skipulagningu þes.s.
Þá er „ambulatoriið“ við Landspítalann tilbúið til notkunar, og
hefur raunar verið það í sex mánuði. Ástæðurnar fyrir því, að það
hefur ekki verið tekið í notkun, eru þær, að ekki hefur náðst samkomu-
lag um greiðslu fyrir þá læknisþjónustu, sem það á að veita, milli
stjórnarnefndar ríkisspítalanna annars vegar og Tryggingarstofnunar
ríkisins og Sjúkrasamlags Reykjavíkur hins vegar.
Stjórnarnefnd ríkisspítalanna skrifaði stjórn L. R. bréf, dags. 13.
nóv. 1967, þar sem spurzt var fyrir um það, hvort stjórn Læknafélags
Reykjavíkur hefði nokkuð við það að athuga, að „ambulatoriið“ tæki
til starfa. Stjórn Læknafélagsins svaraði því bréfi á þá lund, að hún
hefði að sjálfsögðu ekkert við það að athuga, ef sú læknishjálp, sem
þar yrði veitt, væri eingöngu bundin við eftirlit með þeim sjúklingum,
sem vistazt hefðu á sjúkrahúsinu, og greiðslur þær, sem kæmu fyrir
þau störf, sem þar yrðu unnin, yrðu ekki undir greiðslum þeim, sem
Læknafélag Reykjavíkur hefur samið um við Sjúkrasamlag Reykja-
víkur og Tryggingarstofnun ríkisins um sambærileg störf.
Ekki hefur heyrzt neitt um, að væntanleg væri ráðning sérmennt-
aðs spítalastjóra að Landspítalanum. Stofnað mun hafa verið læknaráð
við Borgarspítalann, en ekki hefur heyrzt, að von væri á læknaráði
við Landakotsspítalann. Stjórn L. R. hlýtur að fylgjast með því, hvort
og á hvern hátt stofnun slíkra læknaráða kemst í framkvæmd, þar
sem það er eitt af þeim atriðum, sem lögð er mikil áherzla á í tillögum
nefndarinnar um endurskipulag spítalalæknisþjónustunnar.
Eitt þeirra verkefna fram undan, ,sem þolir ekki bið, er gagnger
endurskoðun á gjaldskrá L. R. Svo sem fram kemur í skýrslu gjald-
skrárnefndar, voru gerðar nokkrar breytingar til að gera gjaldskrána
einfaldari í notkun. Gjaldskráin er hins vegar byggð á grundvelli, sem
löngu er orðinn úreltur sökum breyttrar tækni og breyttra aðstæðna.
Því verður að finna raunhæfan grundvöll til að byggja á nýja
gjaldskrá, og enn fremur verður að endurskoða það fyrirkomulag, að
einstök sérgreinafélög setji gjald fyrir .störf félagsmanna sinna án
samráðs og samanburðar við önnur sérgreinafélög. Það misræmi, sem
þannig hefur skapazt, hefur orðið til þess, að reynzt hefur illkleift að
nota gjaldskrána sem grundvöll samninga hin síðari ár.
Þá er einnig athugandi að auka vald gjaldskrárnefndar. Þetta
verk verður eflaust örðugt og vanþakklátt, en lengur verður því ekk’i
skotið á frest.
Lokaorð Hér hefur verið getið þeirra mála, er efst hafa verið á baugi
á liðnu starfsári. Allmargt er þó ótalið, sem verður ekki
rakið hér, enda mundi það lengja skýrsluna óhæfilega mikið.
Árni Björnsson
formaður.
Guðjón Lárusson Magnús Ólafsson
ritari. gjaldkeri.