Læknablaðið - 01.04.1968, Blaðsíða 68

86
LÆKNABLAÐIÐ
sjúkrahúsum í Reykjavík, Félagi læknanema og læknafélögunum. Þessi
.samstarfsnefnd hefur skipt með sér verkum, gert áframhaldandi könnun
á bókasafnsaðstöðu ýmissa stofnana og íhugað leiðir til úrbóta. Nefndin
álítur mikla nauðsyn að koma upp nothæfu miðsafni og að heppilegast
sé, að allir notendur sameinist um að styðja slíkt safn, sem verði hluti
úr Háskólabókasafni. Er útlit fyrir, að þær stofnanir, sem nú eiga vísi
að safni, fallist á aðild að slíku miðsafni og styðji það.
Nefndin hefur haft samband við aðila utanlands, sem líklegt þótti
að gætu gefið ráðleggingar og aðstoð við áætlanir um uppbyggingu
safns. Aðstoðarforstjóri National Library of Medicine í Washington,
U. S. A., Mr. Scott Adams, kom til Reykjavíkur í des. ,sl. í stutta
heimsókn og sat tvo fundi með nefndinni og heimsótti ýmsar stofnanir.
Hefur hann þegar gefið nefndinni ýmsar ábendingar og lofað áfram-
haldandi aðstoð. Einnig hefur hr. Folke Ström, háskólabókavörður í
Gautaborg, lofað nefndinni ráðleggingum og gagnrýni.
Nefndin hefur að undanförnu unnið að samningu álitsgerðar og
ákveðinna tillagna um úrlausn bæði til bráðabirgða og til frambúðar.
Er þess að vænta, að sú álitsgerð verði innan tíðar lögð fyrir .samstarfs-
nefndina og hina ýmsu aðila hennar.
Skemmtinefnd í henni eiga sæti þeir Tryggvi Þorsteinsson, Guðjón
Guðnason og Ólafur Jensson.
Árshátíð L. R. árið 1967 var haldin að Hótel Borg hinn 18. 3. 1967,
eða nokkru eftir aðalfund. Að vanda hafði skemmtinefnd hug á að
halda fram heimagerðum skemmtiatriðum. Var Jón Þórarinsson tón-
skáld fenginn til að stjórna kór 10 lækna, og voru æfð mörg lög. Carl
Billich sá um undirleik. Auk þess söng Ólafur Jensson ásamt læknakór
gamankvæði um Domus Medica, sem Ólafur Tryggvason hafði samið.
Allur þessi söngur tókst vel, og var söngvurum og stjórnanda til ,sóma.
Þrátt fyrir tímanlega og rækilega auglýsingu um þessa árshátíð
var þátttaka afar léleg, og varð því fjárhagslegt tap á skemmtun þessari.
Var ekki um annað að gera en biðja L. R. um lán á mismuninum til
næstu árshátíðar.
Eins og að framan greinir, var árshátíð L. R. árið 1967 haldin eftir
aðalfund. Voru því haldnar tvær árshátíðir þetta síðastliðna starfsár.
Árshátíð L. R. fyrir árið 1968 var haldin að Hótel Borg 24. 2. 1968.
Ólafur Mixa tók saman skemmtiþætti og stjórnaði. Auk þess flutti
Arinbjörn Kolbeinsson ræðu fyrir minni kvenna. Þóttu þessi .skemmti-
atriði takast vel. Þátttaka var góð. Matur var gómsætur, og þjónusta
var einstaklega vel undirbúin af hálfu hótelsins. Góður hagnaður varð
af árshátíð þessari, enda var skemmtinefnd það nokkurt kappsmál að
geta endurgreitt L. R. skuldina frá því árinu áður.
Að venju var jólatrésskemmtun L. R. og Lyfjafræðingafélags ís-
lands haldin að Hótel Borg 29. des. 1967. Jólatrésnefnd félagsins skipa
þeir Geir H. Þorsteinsson og Snorri Jónsson. Fór skemmtun þessi vel
fram. Virðist eðlilegt, að í framtíðinni verði jólatrés.skemmtun lækna-
félagsins haldin í Domus Medica, enda mun húsrými þar nægilegt fyrir
slíka samkomu.