Læknablaðið - 01.08.1970, Blaðsíða 23

LÆKNABLAÐIÐ
115
íáforku er stillt í hóf (undir 250 til 300, Joules) og þess gætt, að
sjúklingar séu ekki ofmettaðir af digitalis.
Ekki er talið ráðlegt að endurtaka raflost oftar en þrem til
fjórum sinnum í senn. Engu að siður eru dæmi til, að sjúklingur
hafi fengið 140 hjartaraflost á 69 klst. án þess að verða meint af,
en ekki var farið yfir 220 watt/sek. í losti (Kong, Proudfit15).
Eftirmeðferð
Talið hefur verið, að draga megi úr hættu á endurtekinni
fibrillatio atriorum eftir raflostmeðferð með því að gefa kínídín.
Gefin eru 200 mg fjórum sinnum á dag. Mælt er með að nota
ldnídín í fjóra til sex mánuði, en hafa ber í huga, að hættan á
endurtekinni arhythmiu er mest fyrstu fjórar vikurnar eftir að-
gerðina. 1 seinni tið hefur gildi shkrar meðferðar með kínidíni
verið dregin i efa (McDonald,4 Sandö7), jafnvel þótt notaðir hafi
verið stærri skammtar, t. d. 400 mg þrisvar á dag. Jafnframt er
talið, að kinídín í þessum skömmtum hafi nokkra hættu í för
með sér, þar eð lyfið getur valdið fibrillatio ventriculorum og
asystoli.
Ef ldnídín er notað á annað borð, er rétt að leggja áherzlu á
meðferðina fyrstu mánuðina. En svo virðist sem erfitt sé að fá
sjúklingana til að taka lyfið reglulega til lengdar. Önnur lyf, svo
sem procainamid (pronestyl), propranolol (inderal), liafa einnig
verið reynd í þessu skyni, en ekki með sannfærandi árangri.
Hjartaraflost við aðrar hjartsláttartruflanir
en fibrillatio atriorum
Að framan hefur hjartaraflostmeðferð við f.a. aðallega verið
gerð að umræðuefni, en aðferðin er gagnleg við aðrar tachy-
arhytmiur frá framhólfum, svo sem fluctuatio atriorum (flutter)
og tachycardia supraventricularis.
Fluctuatio atriorum svarar mjög vel raflostmeðferð, og er
aðferðm áhrifameiri og áhættuminni en lyfjameðferð. Er því rétt
að nota hana ávallt, þar sem aðstæður eru fyrir hendi. Venjulega
duga litlir skammtar af raforku, 50 til 100 watt/sek.5
Reynslan sýnir (McDonald4), að fleiri sjúklingar með fluctu-
atio haldast í sinusrhythma eftir raflostmeðferð en sjúklingar með
f.a.
Tachycai-dia supraventricularis (t.s.): Rétt er að meðhöndla
t.s. af ókunnum orsökum og einnig af völdum digitaliseitrunar
með raflosti, ef lyfjameðferð eða vagus-erting ber ekki árangur.