Læknablaðið - 01.10.1973, Síða 55

IÆKNABLAÐIÐ
213
RÖNTGENTÆKNAR —
HJÚKRUNARNÁM LJÓSMÆÐRA
Lög um tæknimenntaðar heiIbrigðisstéttir
voru gefin út 16. apríl 1971 og eru nr. 64.
Ýmsir hópar tæknimenntaðra manna eru
nú starfandi innan heilbrigðisþjónustunnar
og fer þeim fjölgandi. Menntun þeirra og
starfssvið er mismunandi.
Með tilkomu þessara nýju laga skapaðist
nauðsynlegur grundvöllur til að stofna nýja
skóla og námsbrautir fyrir heilbrigðistækna
og til að veita þeim viðurkenningu til starfa
í formi löggildingar að námi loknu.
Gert er ráð fyrir, að reglugerð verði sett
fyrir hverja stétt heilbrigðistækna, þar sem
fjallað verður um menntunarskilyrði þeirra
og þau nánar mörkuð.
Ein af þeim nýstéttum, er undir þessi lög
heyra, eru röntgentæknar.
Röntgentæknaskólinn
Reglugerð fyrir röntgentæknaskóla var
gefin út af ráðuneytinu 28. október 1971 og
er nr. 209. Þar kveður á um markmið og
stjórn röntgentæknaskóla, inntökuskilyrði,
námstíma, námsefni og rekstur skólans. Hér
verður drepið á nokkur atriði úr reglugerð-
inni.
Sjúkrahúsum, er hafa sérstakar röntgen-
greiningardeildir með a. m. k. 15000 rann-
sóknum á ári, er heimilt að starfrækja
röntgentæknaskóla. Þeim er og heimilt að
starfrækja sameiginlega skóla, þar sem bók-
nám fer fram, en verknám á röntgendeildum
viðkomandi sjúkrahúsa.
Hlutverk skólans er að tæknimennta að-
stoðarfólk við röntgengreiningu, er geti að-
stoðað röntgenlækna, og framkvæmt sjálf-
stætt sumar tegundir röntgenrannsókna eft-
ir fyrirmælum. Það á að geta metið ástand
sjúklinga að nokkru og aðstoðað þá eftir
þörfum og samkvæmt fyrirmælum.
Umsækjandi í skólann skal vera fullra 17
ára, hafa lokið gagnfræðaprófi eða lands-
prófi miðskóla og framvísa heilbrigðisvott-
orði og sakavottorði. Umsækjandi, er hefur
lengri skólagöngu, skal að öðru jöfnu ganga
fyrir um skólavist.
Námstími er 2 ár og 6 mánuðir og er nám-
inu skipt í 3 stig: Undirbúningsstig, bók- og
verknámsstig og starfsþjálfunarstig.
Nemandi fær engin laun fyrstu 6 rnánuð-
ina, þá fær hann 50% byrjunarlauna röntgen-
tæknis í 1 ár og síðan 75% sömu launa í
annað ár.
Kostnaði við rekstur röntgentæknaskóla
er skipt þannig: Ríkissjóður greiðir laun
kennara og kostnað vegna prófa. Allur annar
kostnaður, svo sem laun nemenda, kennslu-
efni og kennsluaðstaða, er greiddur af við-
komandi sjúkrahúsi.
Röntgentæknaskólinn tók til starfa 15.
febrúar 1972. Skólastjóri er Ásmundur
Brekkan, yfirlæknir á röntgendeild Borgar-
spítalans. í fyrstu var skólinn rekinn af
Landspítalanum og Borgarspítalanum, en á
s.l. sumri bættist Landakotsspítali við.
I stjórn skólans er fulltrúi skipaður af
heilbrigðismálaráðherra, fulltrúar tilnefndir
af sjúkrahúsunum og einn tilnefndur af nem-
endum skólans.
Fyrstu nemendurnir voru 12 alls, og munu
þeir Ijúka námi um miðjan ágúst 1974. Einn
nemandi hefur þegar lokið námi, var byrj-
aður áður en skólinn tók til starfa. í ágúst
s.l. innrituðust 17 nýir nemendur í skólann,
svo að þar eru nú við nám 28 nemendur alls.
Fyrstu 6 mánuðina leggja nemendur stund
á svipað bóknám og nemendur í sjúkrahjálp
og verknám þeirra fer að mestu fram á
sjúkradeildum, slysa- og skurðdeildum. Á