Læknablaðið - 15.12.1998, Page 93

LÆKNABLAÐIÐ 1998; 84
991
fyrir hendi er viðunandi starf-
semilýsing, lýsing á öryggis-
ráðstöfunum og áreiðanlegur
eftirlitsaðili. Það er mikilvægt
að stjórn LI taki þessar ábend-
ingar alvarlega og komi sér
niður á það hvernig hún ætlar
að meta þau atriði á sem best-
an hátt þannig að hún leggist
ekki gegn mikilvægu fram-
faraskrefi í heilbrigðisþjón-
ustu á Islandi án þess að láta
af faglegum kröfum er varðar
persónuvernd og réttindi
þeirra sem hafa leitað ásjár
heilbrigðiskerfisins.
Dr. Hákon Guðbjartsson hefur
aðstoðað mig við tæknileg
atriði er snerta dulkóðun
og aðgangshindranir og
Jóhann Hjartarson lög-
fræðingur veitt aðstoð við
lagaleg atriði.
Yfirlýsins frá formanni
Læknafélags íslands
Lögö fram á framhaldsaðalfundi LÍ 2. nóvember 1998
Vegna þeirra umræðna á
liðnum dögum um segulbands-
upptökur frá fundi með Ross
Anderson í húsakynnum
Læknafélags Islands mánu-
daginn 12. október síðastlið-
inn vill undirritaður taka fram
eftirfarandi:
Til fundarins var boðið sér-
fræðingum á sviði gagna-
grunna og öðrum sviðum er
snerta lagasetningu af því tagi
sem nú er til umfjöllunar á Al-
þingi, ásamt fulltrúum Is-
lenskrar erfðagreiningar. Á
fundinn var boðið um 100
manns en um 30 aðilar voru á
fundinum og engin sérstök
ástæða til að ætla fyrir undir-
ritaðan að litið yrði á fundinn
sem lokaðan fund, enda um-
ræðuefnið í brennidepli þjóð-
málanna um þessar mundir.
Fundarefnið var flókið og
erfitt viðfangs frá tæknilegu
sjónarhorni auk þess sem um-
ræðan skyldi fara fram á ann-
arri tungu en íslensku vegna
hins erlenda sérfræðings. Af
þeim ástæðum kaus undirrit-
aður að festa fundinn á segul-
band til þess að tryggja rétta
úrvinnslu og að ekki færu á
milli mála skoðanir Ross And-
ersons og rök hans fyrir þeim,
ef Læknafélag íslands vildi
nota þær við álitsgerðir sínar.
Fundurinn var því tekinn upp
með tækjabúnaði sem fyrir
hendi var í sal Læknafélagsins
og eingöngu til þeirra nota
sem að framan eru tilgreind.
Það hvarflaði ekki að undir-
rituðum að upptakan myndi
nokkurn mann skaða eða að
litið yrði á hana sem leyniupp-
töku gerða af illum hug til að
reyna að gera málsvara Is-
lenskrar erfðagreiningar ótrú-
verðuga eða aðra þá sem á
fundinum voru. Það mun líka
flestum kappsmál sem svona
fundi sækja að rétt sé eftir
þeim haft fremur en rangt.
Upptakan hefur ekki verið
könnuð, enda ekkert tilefni
gefist til þess enn og ekki einu
sinni Ijóst hvort hún sé tækni-
lega boðleg sem gagn um
fundinn.
Nú hefur verið látið í veðri
vaka að hugur sá, sem að baki
upptökunni bjó, hafi verið
blendinn svo ekki sé fastar að
orði kveðið. Sumir fundar-
manna hafa greinilega tekið
nærri sér að ummæli þeirra
voru tekin upp á band og þeir
ekki látnir vita af upptökunni í
fundarbyrjun.
Þeir hinir sömu eru hér með
beðnir afsökunar á því og á
þessari aðferð lil fundarritun-
ar sem viðhöfð var.
Mun þeirrar sjálfsögðu
reglu verða gætt í framtíðinni,
þegar svona stendur á, að við-
stöddum mun verða gert
kunnugt um þessa aðferð, ef
hún verður notuð, enda engu
að leyna í þessum efnum.
Til að taka af öll tvímæli
um tilgang þann sem að baki
bjó, hefur lögmönnum Is-
lenskrar erfðagreiningar verið
formlega boðið afrit af spól-
um þessum.
Krafa um að umræddri upp-
töku verði eytt í vitna viður-
vist hlýtur að byggjast á mis-
skilningi um eðli innihaldsins
og vera óskynsamleg úr því
sem komið er bæði í ljósi
hagsmuna íslenskrar erfða-
greiningar og Læknafélags
Islands.
Það er von undirritaðs að
það sem að framan er sagt
megi verða til að upplýsa
þetta mál þannig að aðilar geti
tekið upp uppbyggilegri við-
ræðu en hér hefur átt sér stað.
Guðmundur Björnsson