Dagblaðið Vísir - DV - 16.05.2007, Blaðsíða 8

miðvikudagur 16. maí 20078 Fréttir DV
„Við gerum það sem þarf,“ segir
Paul Watson, formaður og stofnandi
umhverfissamtakanna Sea Shep-
herd, um komu sína hingað til lands
um miðjan júní. Í gær lagði fleyið
Farley Mowat upp frá Melbourne
í Ástralíu. Áhöfnin er skipuð sjálf-
boðaliðum sem allir leggjast ein-
dregið gegn hvalveiðum Íslendinga.
Paul er ekki á skipinu sem stendur
en segist sameinast áhöfninni þegar
nær dregur.
Skipstjórinn Alex Cornelissen
hefur stýrt fleiri mótmælaferðum
skipsins, svo sem til Suður-Afríku og
Japan.
Hættuleg ferð fyrir höndum
Umhverfisverndarsinnar sökktu
tveimur hvalveiðiskipum þegar þeir
komu hingað árið 1986, ásamt því að
vinna skemmdarverk á Hvalvinnslu-
húsinu í Hvalfirði. Á vefsíðu Sea
Shepherd er því haldið fram að það
sé vegna þessara tilteknu aðgerða
sem Íslendingar hafi ekki veitt hvali
í tvo áratugi. Sú ákvörðun Íslendinga
að hefja aftur hvalveiðar í vísinda-
skyni hefur víða vakið hörð viðbrögð
og hvetur Watson almenna borg-
ara til að láta í sér heyra. Á vefsíðu
Sea Shepherd segir: „Það verður að
stoppa þessa glæpamenn! Við eig-
um langa, erfiða og hættulega ferð
fyrir höndum en við höfum ekki um
annað að velja en að leggja í leiðang-
ur til að verja hvalina sem Íslending-
ar ætla að drepa.“
Hættið að veiða hvali
Þegar blaðamaður ræddi við
Watson í gær virtist baráttuhugur í
honum: „Íslendingar eru að brjóta
lög með þessu athæfi sínu. Það er
móðgun við aðrar þjóðir að virða al-
þjóðasamþykktir að vettugi en fyrst
og fremst er auðvitað verið að brjóta
á hvölunum.“ Þau skilaboð sem hann
vildi koma til ríkisstjórnarinnar eru:
„Hættið að veiða hvali!“
Á sínum tíma lýsti Watson yfir
ábyrgð á skemmdarverkunum 1986.
Tjónið á Hvalvinnslustöðinni nam
tugum milljóna króna. Meðal annars
var brotist inn í rannsóknarstofu og
verksmiðjuhús, auk þess sem ljósa-
búnaður og frystitæki voru eyðilögð.
Stjórntölvur voru skemmdar að því
er virtist með bareflum og skilvindur
rifnar úr veggjunum. Engin vakt var
við Hvalstöðina og því uppgötvuð-
ust skemmdirnar ekki fyrr en næsta
morgun.
Fyrir ellefu árum kom Watson
stuttlega til landsins en var þá fang-
elsaður vegna fyrrnefndra aðgerða.
Stjórnvöld hafa lýst því yfir að hann
sé ekki velkominn aftur til landsins.
Dugar olían alla leið?
Kristján Hreinsson, formað-
ur Hvals hf., vildi lítið tjá sig þegar
hann var spurður út í viðbrögð sín
við komu Watson: „Flækingar geta
flækst um heiminn. Ég get ekkert
gert í því,“ segir hann. Kristján, sem
einnig var formaður Hvals hf. þeg-
ar skemmdarverkin voru unnin á
níunda áratugnum, segist efast um
að Watson komist inn í landið og að
ekki sé tímabært að hafa áhyggjur:
„Þau eiga auðvitað eftir að sigla frá
Ástralíu. Það verður gaman að vita
hvort þau eiga fyrir olíunni alla leið-
ina,“ segir Kristján og vísar til þess að
Watson stakk af frá ógreiddum olíu-
reikningum hér á landi eftir að hafa
greitt fyrir olíuna með innistæðu-
lausri ávísun.
Árni Finnsson, formaður Nátt-
úruverndarsamtaka Íslands, tekur í
sama streng og Kristján og efast um
að Watson láti sjá sig. „Fundur Al-
þjóðahvalveiðiráðsins verður settur
28. maí og stendur í fjóra daga. Mér
þykir líklegt að Watson sé að reyna
að auka athygli á málstað sínum í
tengslum við þennan fund.“
Árni bendir á að Watson hafi áður
lýst því yfir að hann ætli að koma til
Íslands en ekki staðið við orð sín.
Sem fyrrverandi starfsmaður Green-
peace segir Árni að sér sé vel kunn-
ugt um hvernig aðgerðir Sea Shep-
herd árið 1986 hafi skemmt fyrir
öðrum umhverfisverndarsamtök-
um, og jafnvel umræðunni um þessi
mál í heild sinni. „Watson er yfirlýst-
ur hryðjuverkamaður af íslenskum
stjórnvöldum og hann er langt frá
því að hafa gert málstaðnum gagn.
Þó þykir mér líklegt að hvalveiði-
stefna landsins verði endurskoðuð á
næstunni en það tengist Watson og
félögum hans ekki á neinn hátt.“
Óvíst með aðgerðir
Fréttaflutningur af mótmælun-
um var ekki sá sami hér og víða er-
lendis. Á Íslandi voru aðgerðirn-
ar fordæmdar og mál manna að
skemmdarfýsn ein hafi stýrt verkum
mótmælendanna. Erlendis bar þó
á því að þeir væru lofaðir. Gera má
ráð fyrir að hið sama verði upp á ten-
ingnum nú þar sem hvalveiðar Ís-
lendinga hafa verið mikið í sviðsljós-
inu um allan heim. Ekki aðeins hafa
umhverfisverndarsinnar gagnrýnt
þær heldur hafa heilu ríkisstjórnirn-
ar lýst yfir andúð sinni.
Friðrik Björgvinsson yfirlögreglu-
þjónn sagðist fyrst vera að frétta það
frá blaðamanni þegar hann hafði
samband að Watson myndi sjálfur
koma til landsins. „Við verðum að sjá
til hvað við gerum þegar nær dregur.
Enn sem komið er hefur ekkert verið
ákveðið og alveg óvíst hvort ástæða
verður til að grípa til aðgerða.“ Frið-
rik segist hafa vitað að aðrir meðlim-
ir samtakanna væru á leiðinni en lík-
lega horfi öðruvísi við ef ljóst er að
Paul verði um borð.
Hvalfriðunarsinnarnir í Sea Shepherd eru á leið til Íslands til að
berjast gegn hvalveiðum. Paul Watson, sem lýsti yfir ábyrgð á
því að sökkva hvalveiðiskipum í Reykjavíkurhöfn 1986, slæst í
hópinn áður en skipinu verður siglt inn í íslenska lögsögu. Eng-
in viðbrögð hafa verið skipulögð við komu hans.
Við gerum það sem þarf
Erla HlynsDÓttir
blaðamaður skrifar: erla@dv.is
„Flækingar geta flækst
um heiminn. Ég get
ekkert gert í því.“
sokknir hvalveiðibátar við
reykjavíkurhöfn Paul Watson og
félagar í Sea Shepherd báru ábyrgð
á því að Hval 6 og Hval 7 var sökkt í
reykjavíkurhöfn árið 1986.
Paul Watson Hvalavinurinn í Sea
Shepherd ætlar að halda mótmæl-
um sínum áfram á íslandi.