Dagblaðið Vísir - DV - 02.07.2007, Side 32

Karen Þorvaldsdóttir, 12 ára stúlka
úr Kópavogi, var á ferðalagi með fjöl-
skyldu sinni þegar hún fann kríuegg.
Hún tók eggið með sér heim, hélt á
því hita og ekki leið á löngu þar til lítill
ungi skreið úr egginu.
Fjölskylda Karenar var í veiðiferð í
Fljótunum þegar Karen fann lítið egg.
Hún segist hafa geymt eggið í hettu á
loðpeysu sinni þar til heim var kom-
ið. „Þegar við komum heim fóðraði ég
ísbox með bómull og setti eggið þar.
Ég geymdi boxið á upphituðu gólfi og
reyndi þannig að líkja eftir þeim að-
stæðum þegar krían liggur á.“
Eftir ellefu daga kom sprunga í
skurnina. „Um hádegið var síðan kom-
inn ungi,“ sagði Karen. Hún hringdi í
Húsdýragarðinn til að fá upplýsingar
um hvernig ætti að hugsa um kríuunga
sem væri nýskriðinn úr egginu. Þar var
henni bent á fuglafræðing sem sagði
henni allt um kríuna, hegðun hennar
og þarfir. „Kríuungar borða hornsíli
þannig að ég fór og veiddi nokkur síli
í tjörninni í Seljahverfi.“
Karen nefndi ungann Simba.
„Hann heitir í höfuðið á ljónsungan-
um í Ljónakonungnum. Ég horfði oft á
þá mynd þegar ég var yngri en geri það
ekki lengur.“
Simbi kom sér fljótt upp úr ísbox-
inu og greip Karen þá til þess ráðs að
setja hann í bala. „Hann var mjög dug-
legur að ganga og við leyfðum honum
að fara út í garð.“
Þegar líða tók að kvöldi var Simbi
búinn að borða vel og virtist orðinn
kraftmikill. „Þá fórum við með hann
upp að Vífilsstaðavatni. Þar fundum
við kríuhreiður með tveimur ungum
og settum Simba á milli þeirra. Pabbi
var með spýtu sem hann hélt hátt uppi
og kríumamman kom ekkert neðar en
það. Hún hafði samt greinilega áhyggj-
ur af ungunum sínum. Sem betur fer
leyfði hún Simba að vera hjá þeim og
ég er viss um að hún á eftir að hugsa
vel um hann.“
„Ég get ekki sagt frá þessum með-
mælabréfum fyrr en ég veit hvernig
horfir með það að fá Nancy heim,“
sagði Geir Ólafsson tónlistarmaður í
viðtali á föstudaginn, en hann reynir
þessa stundina að fá hina goðsagna-
kenndu söngkonu Nancy Sinatra til
þess að spila hér á landi. Aftur á móti
hefur DV undir höndum bréf sem er
skrifað í nafni Geirs H. Haarde for-
sætisráðherra. Þegar haft var sam-
band við forsætiráðuneytið þá höfn-
uðu bæði ritari Geirs H. Haarde og
lögfræðingur ráðuneytisins að hafa
skrifað bréfið. Því er ljóst að bréfið er
falsað í hans nafni. Geir er staddur í
Kaliforníu en á að koma heim í dag.
Meintur aðdáandi
Bréfið er ritað á ensku. Það
er í raun meðmælabréf fyrir
Gísla Guðmundsson fyrrverandi
stjórnarformann flugstöðvar Leifs
Eiríkssonar. Þar er Geir H. Haarde
sagður mæra Gísla og segir hann
vera traustan viðskiptamann. Að
auki að hann hafi verið leiðandi í
bílainnflutningi síðastliðin 40 ár. Svo
kemur fram að Geir H. Haarde óski
þess að viðtakandi bréfsins hjálpi
Gísla og samstarfsmanni hans, Geir
Ólafssyni. Í lokin kemur eftirskrift
þar sem forsætisráðherrann segist
vera mikill aðdándi Nancy Sinatra
og að hann yrði verulega þakklátur
komi hún til landsins.
Bréfið falsað
Þegar haft var samband við
skrifstofu forsætisráðherra vildi ritari
forsætisráðherrans ekki kannast
við bréfið og sagði í tölvupósti að
hann hefði ekki sent umrætt bréf.
Þá var haft samband við lögfræðing
ráðuneytisins sem kannaðist ekki
heldur við það. Því þykir ljóst að
bréfið er falsað í nafni ráðherrans.
Ekki liggur fyrir að Geir Ólafsson hafi
framvísað bréfinu út í Kaliforníu en
sjálfur sagði hann í viðtali að hann
hefði meðmælabréf undir höndum
frá háttsettum einstaklingum. Hann
vildi ekki gefa upp hverjir þessir
einstaklingar væru.
Vildi fleiri bréf
Haft var samband við skrifstofu
forseta Íslands, en þar fengust þau
svör, að ekkert bréf hefði verið sent
þaðan. Í ljós kom þó að Geir Ólafsson
hafði óskað eftir því að forsetinn
skrifaði slíkt bréf. Þau svör fengust
þá að forsetinn gæti ekki orðið við
bón Geirs en forsetinn vildi þó koma
kveðju sinni áleiðis til Nancy og að
hann vilji bjóða henni í heimsókn
á Bessastaði komi hún til landsins.
Engar vísbendingar eru um að Geir
eða föruneyti hafi falsað bréf frá for-
setanum.
Ekki ólöglegt
Þegar DV ráðfærði sig við lögfræð-
inga um bréfið kom í ljós að það er
ekki ólöglegt að falsa slíkt með þess-
um hætti. En ef bréfið er falsað með
það að markmiði að fá fé út úr viðtak-
anda þá er hægt að kæra slíka fölsun.
Einn lögfræðingur sagði bréfið vera
frekar siðlaust heldur en ólöglegt.
Annar bætti við að bréfið væri hrein-
lega kjánalegt. Slíkt fals kæmi ein-
göngu niður á mannorði þess sem
gerir slíkt sagði hann að lokum.
mánudagur 2. júlí 2007 n Dagblaðið vísir stofnað 1910
Fréttaskot
5 1 2 7 0 7 0
DV borgar 2.500 krónur fyrir fréttaskot sem leiðir til frétta.
Fyrir besta fréttaskot vikunnar greiðast 5.000 krónur.
Að auki eru greiddar 10.000 krónur fyrir besta fréttaskot hvers mánaðar.
Þannig er hægt að fá 15.000 krónur fyrir besta fréttaskot mánaðarins.
Fær Geir Haarde þá ekki frítt
inn, eða verður hann með
falsaðan miða...
FALSAÐI BRÉF FRÁ FOR-
SÆTISRÁÐHERRANUM
Geir Ólafsson reynir að fá Nancy Sinatra til landsins með fölsuðu bréfi:
sniglabandið skemmti gestum og gangandi Fjöldi fólks fylgdist með Sniglabandinu leika fyrir gesti Thorvaldssen Bar í
blíðviðrinu í borginni í gær og gátu þeir beðið um óskalög. Það voru fleiri sem nutu tónlistarinnar því henni var útvarpað beint á
Rás 2. DV-MYND GÚNDI
karen Þorvaldsdóttir hugsaði vel um kríuegg sem hún fann:
Kríuunginn Simbi kominn á legg
Bifreið valt
Bílslys varð á gatnamótum
Hringbrautar og Tjarnargötu í
Reykjanesbæ rétt fyrir hádegi í
gær. Þar var bifreið ekið frá Tjarn-
argötu og á bifreið, sem ekið var
suður Hringbraut. Við árekst-
urinn valt bifreiðin, sem ekið
var suður Hringbraut. Lögregla,
sjúkrabifreiðar ásamt tækjabíl
slökkviliðssins fóru á vettvang
. Enginn reyndist alvarlega slas-
aður en farþegi í bifreiðinni sem
valt var fluttur með sjúkrabifreið á
Heilbrigðisstofnun Suðurnesja til
skoðunar. Bifreiðarnar skemmd-
ust mikið og voru fluttar af vett-
vangi með dráttarbifreið.
Nauðlenti á
Keflavíkurflugvelli
Boeing þota þurfti að lenda á
Keflavíkurflugvelli um tvö leytið í gær
vegna vélarvana hreyfils.
Það var um tuttugu mínútur yfir
tvö sem þotan lenti á flugvellinum.
Þá hafði hún misst afl í öðrum hreyfli
en vélin var að koma frá Þýskalandi
og ætlaði til Bandaríkjanna. Um borð
voru 225 farþegar. Ekki var óskað eftir
áfallahjálp fyrir farþegana þar sem
ekkert amaði að þeim samkvæmt lög-
reglunni á Suðurnesjum. Fólkinu var
boðið í skoðunarferð í Bláa Lónið og
önnur vél var send til þess að ferja þá
alla leið vestur um haf.
karen og kríuunginn simbi Simbi
borðaði hornsíli sem Karen veiddi handa
honum og braggaðist vel.
Líkamsárás
á Humarhátíð
Fjöldi fólks lagði leið sína á Hum-
arhátíðina á Höfn í Hornafirði um
helgina. Talið er að um tvö þúsund
manns hafi sótt hátíðina en er það
ívið fleiri en á síðasta ári. Á föstu-
dagskvöldinu var skrúðganga og
gæddi fólk sé á humar sem mat-
reiddur var á fjölbreytilegan hátt.
Á laugardag rákust tveir bílar
harkalega saman í bænum og kast-
aðist annar þeirra upp á gangstétt.
Ekki var slysið eins alvarlegt og á
horfðist. Ein líkamsárás var kærð
til lögreglunnar á Höfn og er hún til
rannsóknar. Á annan tug ökumanna
hefur verið kærður fyrir of hraðan
akstur síðan á föstudag.
Langt yfir
hámarkshraða
Ökumaður bifhjóls reyndi að
stinga af lögregluna á Reykjanesi í
fyrrinótt en hann mældist á 133 kíló-
metra hraða þar sem hámarkshraði
er 50 kílómetrar. Lögregla náði að
stöðva ökumanninn og svipti hann
ökuréttindum, til þess að aka bíl, á
staðnum. Reyndist hann ekki hafa
réttindi til að aka bifhjóli og þarf
hann að greiða háa sekt.
Í fyrradag stöðvaði lögregla öku-
mann bifreiðar á Hafnarveginum í
Reykjanesbæ. Í ljós kom að maður-
inn hafði áður verið sviptur ökurétt-
indum. Einnig voru rangar númera-
plötur á bifreiðinni sem var einnig
óskráð og ótryggð. Innbrot í
sumarbústaði
Brotist var inn í fjóra sumarbú-
staði í Húsafelli og einn bústað í
Svínadal um helgina.
Lögreglan í Borgarnesi segir að í
sumum bústaðanna í Húsafelli hafi
fólk verið sofandi þegar þjófana bar
að garði. Virtust þeir ekki hafa vitað
af fólkinu og hlupu á brott þegar það
vaknaði. Litlu var stolið í bústöðun-
um á Húsafelli.
Í Svínadal var miklum verðmæt-
um stolið úr mannlausum bústað.
Öll málin eru í rannsókn en ekki hef-
ur verið haft uppi á þjófunum.
Valur GrEttisson
blaðamaður skrifar: valur@dv.is