Dagblaðið Vísir - DV - 11.07.2007, Blaðsíða 4

miðvikudagur 11. júlí 20074 Fréttir DV
InnlendarFréttIr
ritstjorn@dv.is
Keyrði út af á
ruslahaugunum
Ungur piltur, nýkominn með
bílpróf, keyrði út af við rusla-
haugana á Akureyri seinnipartinn
í gær. Pilturinn rak höfuðið illa í
og gat vart talað eftir slysið. Hann
var fluttur með sjúkrabíl til skoð-
unar á sjúkrahúsið á Akureyri.
Bíllinn var nánast óskemmdur en
hann fór út af á malarvegi á rusla-
haugunum fyrir ofan bæinn.
Þrjár sóttu um
Þrjár konur sóttu um
Sauðárkróksprestakall sem
nýlega var auglýst til umsókn-
ar. Frestur til þess að sækja
um rann út 5. júlí síðastliðinn
og verður embættið veitt frá
fyrsta ágúst.
Þær sem sóttu um eru
þær Hildur Inga Rúnarsdótt-
ir guðfræðingur, Sigríður
Gunnarsdóttir prestur og Sól-
veig Jónsdóttir guðfræðing-
ur. Kirkjumálaráðherra veitir
embættið að fenginni umsögn
valnefndar. Í valnefnd sitja níu
fulltrúar prestakallsins auk
prófasts og vígslubiskups á
Hólum. LÖGREGLAN KÝLDI
KARTÖFLUBÓNDA
„Þegar ég raknaði úr rotinu var lög-
reglumaður með fingur á hálsinum á
mér til þess að athuga hvort ég væri
lifandi,“ segir Karl Rúnar Ólafsson,
bóndi á Lyngási 4 í Þykkvabænum.
Hann ætlar að krefja ríkið um skaða-
bætur eftir að lögregla beitti hann
ofbeldi við handtöku. „Sennilega
héldu þeir að þeir hefðu barið mig
til ólífis.“
Karl var ákærður fyrir brot gegn
valdstjórninni með því að hindra
lögreglumenn í störfum sínum. Lög-
reglumaður segir Karl hafa ýtt við sér
þegar hann ætlaði að fara inn fyrir
hlið á jörð Karls. Átök brutust út með
þeim afleiðingum að fimm lögreglu-
menn tóku Karl Rúnar tökum. Hann
missti meðvitund og lamaðist tíma-
bundið. Vitni eru að því að lögreglu-
mennirnir hafi glímt við Karl eftir
að hann missti meðvitund. Karl var
sýknaður af ákærunni fyrir Hæsta-
rétti, þann 16. maí síðastliðinn.
Eltu rangan bíl
„Lögreglan segir að sonur minn
hafi verið staðinn að hraðakstri og
hann hafi flúið inn á kartöfluakur
hjá mér. Það var sýnt fram á það með
myndbandi fyrir dómi að þeir voru
að elta rangan bíl,“ segir Karl.
Atvikið átti sér stað þann 27. sept-
ember 2005. Lögreglumaður fór inn
á kartöfluakurinn og reyndi að ná
tali af syni Karls sem þá var að vinna
á dráttarvél. Hann neitaði að koma
út og kallaði lögreglumaðurinn þá
eftir liðsauka. Varðstjóri á Hvolsvelli
kom þá til aðstoðar. Varðstjórinn
segir fyrir dómi að Karl Rúnar hafi
meinað sér aðgangs að akrinum. Þá
voru fleiri vinnumenn komnir á ak-
urinn og ákvað varðstjórinn að kalla
til liðsauka frá Selfossi.
Með ónýtan fingur
Lögreglan taldi Karl Rúnar ógna
sér og ákvað að handtaka hann. Karl
streittist á móti og hafði glíman þær
afleiðingar að þumalfingur vinstri
handar er ónýtur og liðamótin kölk-
uð saman. Hann glímir nú við tauga-
skemmdir fram í fingur beggja handa,
ásamt því sem hann þarf að fara í
fimm aðgerðir þar sem blóðklump-
ar verða fjarlægðir úr vefjum í öxlum.
„Þumalputtinn hreinlega lafði,“ segir
Karl. Hann var settur í lögreglubíl og
færður á lögreglustöðina. Sonur hans
var jafnframt handtekinn og fór lög-
reglan fram á það við soninn að hann
gengist við hraðakstrinum sem hann
var sakaður um. „Eftir að myndband
af eftirförinni var kynnt fyrir sýslu-
manni barst syni mínum loksins af-
sökun,“ segir Karl.
Lögreglumönnum ber ekki
saman
„Framburður lögreglumannanna
er misvísandi um atvik eftir að ákærði
kom að dráttarvélinni og einn þeirra
þriggja dró framburð sinn til baka
við yfirheyrslu fyrir dómi án þess að
gefa skýringu á því hverju það sætti,“
segir í sýknudómi Hæstaréttar.
Karl er staðráðinn í því að sækja
sér skaðabætur vegna handtökunn-
ar. „Það blasir við að ég verð öryrki
að hluta, með aðra höndina nánast
ónothæfa.“ Hann segist hafa verið
beittur einelti í sinni sveit, bæði af
lögreglu og öðrum bændum. „Nú er
búið að sýkna mig og nú get ég tal-
að tæpitungulaust. Ég er enginn of-
stopamaður en læknir hefur sagt mér
að ég sé hrjáður af áfallastreitu eftir
þessar hremmingar. Ég æsist alltaf
upp þegar farið er yfir þetta mál.“
Sigtryggur Ari jóhAnnSSon
blaðamaður skrifar: sigtryggur@dv.is
Lögreglan á Hvolsvelli handtók
Karl Pétur ólafsson kartöflu-
bónda með hörku þannig að
hann hlaut af því örorku. Karl
var ákærður fyrir að hindra
lögreglumenn í störfum sínum.
Hæstiréttur sýknaði Karl. Hann
hefur ákveðið að höfða skaða-
bótamál á hendur ríkinu.
Kartöflubóndinn Karl var ákærður
fyrir brot gegn valdstjórninni. við
handtökuna hlaut hann margs konar
áverka og meðal annars er vinstri
þumallinn ónýtur. Hann hefur nú
verið sýknaður af ákærunni og ætlar
að krefjast skaðabóta.
Þumallinn lafði karl missti meðvitund og lamaðist tímabundið
þegar lögreglan tók hann tökum. Þegar hann komst til meðvitundar
lafði vinstri þumallinn laus. liðbönd eru ónýt og liðurinn kalkaður.
„Sennilega héldu þeir
að þeir hefðu barið
mig til ólífis.“
35 íbúðir seljast
daglega
Rúmlega þúsund kaupsamn-
ingar voru gerðir á höfuðborg-
arsvæðinu í síðasta mánuði um
eigendaskipti á fasteignum. Þetta
samsvarar því að um 35 íbúðir hafi
selst hvern einasta dag mánað-
arins.
Í júní voru 6,6 prósent fleiri
þinglýstir kaupsamningar um
fasteignir við sýslumannsemb-
ættin á höfuðborgarsvæðinu en í
maí. Heildarvelta nam 28,7 millj-
örðum króna og meðalupphæð
á hvern kaupsamning var 27,8
milljónir króna. Þegar júní 2007 er
borinn saman við júní 2006 fjölgar
kaupsamningum um 71,9 prósent
og velta eykst um 87 prósent.
Fjöldi þinglýstra kaupsamn-
inga um fasteignir á Akureyri í júní
2007 var 72. Á sama tíma
var 64 kaupsamningum þinglýst
á Árborgarsvæðinu og 39 kaup-
samningum þinglýst á Akranesi.
Afþreyingarmiðstöð í mótun á lóð Gufunesbæjar:
Strandblak í Grafarvogi
Búið er að koma upp strandblak-
velli á lóðinni við félagsmiðstöð-
ina Gufunesbæ í Grafarvogi. Völlur-
inn verður opinn fyrir alla þá sem
áhuga hafa á því að leika blak í mjúk-
um sandinum. Stefnt er að því að á
næstunni verði bætt við enn frekari
afþreyingarmöguleikum á svæðinu í
samstarfi við umhverfissvið Reykja-
víkurborgar.
Hulda Valdimarsdóttir, deildar-
stjóri Gufunesbæjar, er ánægð með
hvernig til tókst með lagningu vallar-
ins. Hún segir sérfræðinga hafa séð
til þess að hann væri fyrsta flokks.
„Við erum mjög ánægð með nýja
völlinn enda var virkilega vandað til
verksins. Auðvitað eigum við von á
því að völlurinn verði vinsæll og hug-
myndin er að hann verði opinn öll-
um,“ segir Hulda.
Starfsmenn Gufunesbæjar hafa yf-
irumsjón með blakvellinum og hægt
verður að panta völlinn ef áhuga-
samir vilja skipuleggja mót á vellin-
um. Ekki er búið að koma fyrir netum
ennþá en úr því verður bætt fljótlega.
Hulda segir notkunarmöguleika vall-
arins fjölbreytta. „Hægt er að spila á
völlinn á breiddina líka og hægt að
nota hann undir strandfótbolta líka.
Við erum líka búin að betrumbæta
aðstöðuna fyrir brettafólkið. Síðan er
búið að skipuleggja fleiri hugmynd-
ir á svæðinu, von er á aðstöðu fyrir
paintball, adrenalínþrautabraut og
ýmislegt annað spennandi er fram
undan,“ segir Hulda. trausti@dv.is
opinn öllum Strandblakvöllur
gufunesbæjar er vandaður. von er á
fleiri afþreyingarmöguleikum á svæðið.
Jeppadekk
Alorka • Vagnhöfða 6 • Sími 577 3080
Heilsársdekk
31" kr. 12.900
(31x10.50R15)
33" kr. 15.900
(33x12.50R15)
Úrval annarra stærða upp í 38".
Felgustærð 15", 16" 17" og 18".
Sendum frítt um land allt!
Við mælum með míkróskurði
P
IPA
R
• S
ÍA
• 70
622
Nánar á jeppadekk.is