Dagblaðið Vísir - DV - 11.07.2007, Blaðsíða 22

Menning
miðvikudagur 11. júlí 200722 Menning DV
Augnablik í
eldfjallagarði
Landvernd hefur efnt til ljós-
myndakeppni undir yfirskrift-
inni Augnablik í eldfjallagarði.
Þemu keppninnar eru hverir,
jarðmyndanir og náttúru-
perlur í eldfjallagarðinum frá
Reykjanesi að Þingvallavatni.
Í dómnefnd sitja ljósmynd-
ararnir Ellert Grétarsson og
Oddgeir Karlsson auk fulltrúa
Landverndar sem er Guðrún
Tryggvadóttir myndlistarkona.
Skilafrestur mynda er 10. ágúst.
Nánari upplýsingar um keppn-
ina er að finna á heimasíðu
Landverndar, landvernd.is.
Fiskur til sölu
Bókin Fiskur! er nú til sölu hjá Stjórnunarfélagi Íslands. Í bókinni taka höfundarnir
á helstu vandamálum í stjórnun og starfsmannahaldi, svo sem starfsleiða og
kulnun í starfi og ýta undir bjartsýni og vinnugleði.
Fjórða djasshátíðin að Skógum undir Eyjafjöllum verður haldin á laugardaginn:
Jazz undir fjöllum
Að Skógum undir Eyjafjöllum
hefur undanfarin þrjú sumur ver-
ið haldin djasshátíðin Jazz undir
fjöllum, þar sem fram kemur fjöldi
djasstónlistarmanna. Sigurður
Flosason,
saxófón-
leikari
og listrænn stjórnandi hátíðarinn-
ar, segir hana þarft og skemmti-
legt framtak sem er komið til að
vera. „Þetta er upplagt tækifæri
fyrir borgarbúa og ekki síður þá
sem eiga heima á svæðinu, að eiga
skemmtilegan dag í fallegri nátt-
úru. Við verðum með fjölbreytta
dagskrá sem gengur allan daginn,
en hingað til höfum við verið að
dreifa dagskránni á nokkra daga.
Núna þjöppum við atriðunum
nokkuð þétt á einn dag, laugardag-
inn 14. júlí - byrjum kl. 13 og spilum
fram undir miðnætti“. Sigurður seg-
ir hátíðina hafa farið vaxandi með
hverju árinu. „Aðsóknin hefur verið
aðeins breytileg eftir veðurfari, en
það hefur alltaf verið góður meðbyr
með hátíðinni. Við leggjum okkur
líka fram um að bjóða upp á tiltölu-
lega aðgengilega dagskrá og þetta
er svosem ekki flóknasta og þyngsta
djasstónlist sem samin hefur ver-
ið. En þetta eru alvöru músíkantar
að spila alvörumúsík,“ segir hann.
Alls koma 15 tónlistarmenn fram á
sex tónleikum yfir daginn. Ókeypis
er inn á tónleika milli kl. 13 og 17,
sem haldnir verða í Skógakaffi, þar
sem fram koma Kvartett Andrésar
og Eyjólfs, Tepokinn og Tríó Ívars
Guðmundssonar. Frá kl. 21 og fram
undir miðnætti verða svo tónleik-
ar í Félagsheimilinu Fossbúð, með
Tríói Björns Thoroddsen sem kem-
ur þar fram ásamt Andreu Gylfa-
dóttur og Halldóri Bragasyni.
H
in árlega Reykholts-
hátíð verður haldin í
ellefta sinn í lok júlí-
mánaðar. Að þessu
sinni verða sex tón-
leikar á hátíðinni, en þeir hafa
hingað til verið fernir. Margir helstu
tónlistarmenn landsins hafa komið
fram á hátíðinni frá stofnun henn-
ar 1997 og margir þekktir erlendir
tónlistarmenn hafa sótt hana heim.
Reykholtshátíð er einnig mikilvæg-
ur liður í menningarlífi sögustaðar-
ins Reykholts og dregur að sér vax-
andi fjölda ferðamanna ár hvert.
Alþjóðleg tónlistarhátíð
Að sögn Steinunnar Birnu Ragn-
arsdóttur píanóleikara og stjórn-
anda hátíðarinnar hafa þátttak-
endur aldrei verið fleiri. „Þeir eru
tæplega fimmtíu frá sjö löndum,
þannig að Reykholtshátíð hefur náð
því takmarki sínu að vera alþjóðleg
tónlistarhátíð,“ segir hún. Karlakór
Basil-dómkirkjunnar í Moskvu opn-
ar hátíðina í ár með tvennum tón-
leikum, dagana 26. og 27. júlí. „Það
er virkilega gaman að fá þá á hátíð-
ina, því þetta er besti karlakór sem
völ er á í dag,“ segir Steinunn Birna.
„Þeir eru mjög spenntir yfir því að
vera á leiðinni til Íslands, en kórinn
er þétt bókaður og nær því lítið að
skoða sig um.“ Af öðrum atriðum
nefnir hún St. Christopher-hljóm-
sveitina frá Vilnius í Litháen sem
heldur tvenna tónleika um helg-
ina og svo tónleika Hönnu Dóru
Sturludóttur sópransöngkonu sem
kemur fram með eiginmanni sín-
um Lothar Odinus tenór, við undir-
leik Steinunnar Birnu sjálfrar. Loka-
tónleikarnir verða svo með frönsku
hljómsveitinni Hummel Ensamble,
sem byrjar tónleikaferð sína um
Norðurlöndin í Reykholti.
Alltaf gott veður
Steinunn Birna segir fyrri hátíð-
ir hafa gengið vel. „Það hefur alltaf
verið góð aðsókn og alltaf gott veð-
ur - ég á von á því að það verði eins
í ár, enda ekki tilefni til að breyta
þeirri hefð núna,“ segir hún og
hlær. „Það hefur líka alltaf mynd-
ast svo fín stemning, því fólk kann
vel að meta það að komast aðeins
út úr borginni og ég held að það
njóti þess betur að hlusta á tónleika
í þessu umhverfi. Ég hef orðið vör
við þetta sama erlendis - þar sem ég
er sjálf að spila á hátíðum, að fólk er
miklu opnara, það hlustar öðruvísi
og kemst í meira stuð.“
Skemmtileg samvinna
Félagið Samhljómur stendur
fyrir hátíðinni og er einskonar bak-
hjarl hennar. „Það eru ekki heima-
menn sem standa að hátíðinni;
sveitarfélag, sóknarnefnd eða slíkt,
heldur á hún sig sjálf þessi hátíð,“
segir Steinunn Birna. Hún spilar
sjálf á hátíðinni; með Hönnu Dóru
og Lothar Odinus, sem fyrr seg-
ir og leikur einnig einleik með St.
Christophe-hljómsveitinni. „Það
myndast oft skemmtileg samvinna
á hátíðinni sem getur leitt til þess
að fólk sem hittist hér fer að vinna
meira saman á öðrum vettvangi,“
segir Steinunn Birna að lokum.
Dagskrá og frekar upplýsingar
má finna á reykholtshatid.is.
Reykholtshátíð verður haldin dagana 26.-31. júlí. Steinunn Birna
Karlsdóttir, stjórnandi hátíðarinnar segir hefð fyrir góðu veðri dagana sem hátíðin er
haldin og sér enga ástæðu til að breyta út af þeirri góðu hefð.
Leiðsögn um
Grasagarðinn
Leiðsögn verður um stein-
hæðina í Grasagarði Reykjavík-
ur annað kvöld kl. 20. Stein-
hæðin var tekin í notkun árið
1997 og vaxa í henni að jafnaði
um 400 tegundir erlendra há-
fjallajurta. Plöntunum er komið
fyrir eftir heimshlutum og má
líta augum plöntur sem eiga
heimkynni sín í Himalajafjöll-
um, Alpafjöllum, Pýreneafjöll-
um og Klettafjöllum svo eitt-
hvað sé nefnt. Leiðsögn annast
Jóhanna Þormar garðyrkju-
fræðingur sem hefur umsjón
með steinhæðinni. Mæting er
í lystihúsinu og eru allir vel-
komnir.
Djassdúó í
Deiglunni
Djassdúóið The Story of
Modern Farming verður á
Heitum fimmtudegi í Deigl-
unni á Akureyri annað kvöld.
Dúóið skipa Jessica Sligter frá
Hollandi, sem syngur og leikur
á hljómborð, og Louisa Jensen
frá Danmörku sem leikur á
altsaxófón. Þær stöllur segjast
framreiða fjölbreytta djassrétti í
sínu eldhúsi og hafa fengið mjög
góðar undirtektir þar sem þær
hafa komið fram, að því er segir
í tilkynningu. Báðar eru há-
menntaðir djassleikarar og vann
Jessica meðal annars Jakobs
Pim-verðlaunin fyrir djasssöng
sinn í Utrecht í Hollandi. Að-
göngumiðinn kostar 1.000 kr. og
hefjast tónleikarnir kl. 21.30.
tónlistarhátíð
Hátíð sem
á sig sjálf
Steinunn Birna Ragnarsdóttir „Fólk
kann vel að meta það að komast aðeins
út úr borginni og ég held að það njóti
þess betur að hlusta á tónleika í þessu
umhverfi.“
Besti karlakór sem völ er á í dag
karlakór Basil-dómkirkjunnar í moskvu
opnar hátíðina með tvennum tónleikum.
djasshátíð