Dagblaðið Vísir - DV - 11.07.2007, Blaðsíða 21

Life of Brian er fyndin mynd um
Jesúm. Spaugstofan hefur líka gert
gott grín að kristni eins og menn
muna eftir. Þetta er skemmtilegt. En
þetta hlyti að skoðast í öðru ljósi ef
Ísland væri á sama tíma að styðja við
fjöldamorð á kristnum annars staðar
í heiminum og að það væru mjög al-
mennir fordómar í garð kristinna hér.
Danir hafa frekar grófan og skemmti-
legan húmor sem er tæplega markað-
ur af pólitískri rétthugsun. En þegar
þeir hæðast að múslimum þá sést það
í öðru ljósi. Rasismi í Danmörku hefur
sjaldan verið meiri og hefur fætt af sér
núverandi stuðningsflokk ríkisstjórn-
arinnar, Danska þjóðarflokkinn, sem
er annálaður rasistaflokkur. Sama rík-
isstjórn er einn harðasti bandamað-
ur Bandaríkjahers í morðum þeirra í
Írak. Gyðingabrandarar geta líka ver-
ið fyndnir en varla þegar gæinn sem
segir þá er að gefa Hitlerskveðjuna á
meðan. Þegar Salman Rushdie, sem
er þekktastur fyrir gagnrýni sína á ísl-
am, er heiðraður í Bretlandi er það af
breska ríkinu með sína löngu ógeð-
felldu og blóðugu sögu úr Miðaustur-
löndum, stríð þeirra í Írak og hvernig
þeir „gáfu“ gyðingum Palestínu í nafni
Sameinuðu þjóðanna. Þá sjá múslim-
ar það að sjálfsögðu í öðru ljósi.
Heiðursmorð, búrkur og
umskurður kvenna
Ég virði trú fólks ef hún bitnar
ekki á öðrum. Gallinn er bara að trú-
arbrögð bitna svo oft á öðrum. Þessi
Miðausturlandatrúarbrögð eru sýnu
verst, kristni, gyðingdómur og íslam.
Eingyðistrúarbrögð sem afneita öðru
sem falsguðadýrkun sem verður refs-
að með logum vítis. Hindúar eru síð-
an með eitthvert ógeðslegasta stétta-
skiptingakerfi heims sem er réttlætt út
frá refsingarramma trúarbragðanna.
Þú endurfæðist í neðstu stéttina ef
þú varst vondur í fyrra lífi og menn
koma fram við þig í samræmi við það.
Búddatrú virðist vera einna umburð-
arlyndust sem og fjölgyðistrú Norð-
urlanda, Afríkuþjóða, Indjána og In-
úíta. Svo virðist sem fleiri guðir innan
hverra trúarbragða auki umburðar-
lyndi fyrir enn einum þótt þeir séu
úr öðru trúarkerfi. En af hverju eru
múslimar aðalskotspónninn? Þeg-
ar við hugsum um íslam þá hugsum
við ekki um frjálslyndi Líbanons eða
kvennahreyfingar í arabalöndum
sem tilbiðja Allah áður en þær vaða í
karlremburnar. Við hugsum um heið-
ursmorð, búrkur og umskurð kvenna
sem órjúfanlegan hluta íslams.
Hellandi sjampói í síðusárið
á Jesú
Þegar við hugsum um kristni þá
hugsum við ekki um Her drottins í
Úganda sem beitir fyrir sig barnaher-
mönnum í fjöldamorðum á sakleys-
ingjum. Við hugsum ekki um kristna
bandaríska öfgamenn sem sprengja
upp fóstureyðingarlækna eða Kú klux
klan sem eru með kross í lógóinu af
því þau eru kristin samtök. Vand-
ræðabarn Evrópusambandsins, kaþ-
ólskt Pólland sem bannar Gay Pride
göngur og kennurum að útskýra sam-
kynhneigð fyrir nemendum sínum.
Krossferðirnar og gríðarleg hnign-
un sem fylgdi kristnum brottrekstri
á múslimum frá Suður-Evrópu mið-
alda. Páfanum sem er snargeðveikur
og kirkjan hans sem hylmir yfir með
barnaníðingum úr prestastétt. Eða
ófáum bandarískum ráðamannin-
um sem tekur Biblíuskýringar fram
yfir vísindi þegar sköpun heimsins
er rædd. Nei við hugsum um huggu-
lega og umburðarlynda þjóðkirkju-
kristni Norðurlandanna. Fólk má
alveg vita að hún er ekki svona nota-
leg af því hún ákvað að verða það
sjálf. Norðurlöndin ákváðu að feta
stíg menntunar, lýðræðis, jöfnuðar
og upplýsingar. Kirkjan flaut með til
þess að mást ekki út á tímum fram-
sýni og frjálslyndis. Ef það er fullt af
góðu upplýstu fólki sem trúir neyð-
ast trúarskarfarnir til að þróast með
þar sem lýðræði er. Það er endalaust
af góðum múslimum, kristnum, gyð-
ingum og svo framvegis sem láta ást
á fólki koma fyrst. Svo menn geta virt
eða vanvirt trúarbrögð en einelti er
ástæðulaust, þau eru öll álíka hlægi-
leg. Maður getur gert grín að Jesú í
sturtunni fyrir að vera umskorinn,
hent í hann svampi og hellt sjampói í
síðusárið á honum, togað í skeggið á
Móses meðan einhver þeytir skelfisk
út í hummusinn hans, teiknað gler-
augu og skegg á Múhameð meðan
maður laumar svínakótilettu í nest-
isboxið hans. Eða þá að menn virði
trúarbrögðin til jafns. En ef þú vel-
ur það fyrra þá þýðir ekkert að væla
þegar grínið kemur að trúarbrögð-
unum þínum.
DV Umræða miðvikudagur 11. júlí 2007 21
Mávager mávarnir hafa ekki notið mikilla vinsælda í borginni að undanförnu, allra síst hjá borgaryfirvöldum sem vinna nú að því að fækka þeim. Þeir
eru þó fjölmargir í reykjavíkurborg. Þangað hafa þeir flogið í leit að æti. DV-MYND STEFÁNmyndin
P
lús
eð
a m
ínu
s
Plúsinn að þessu sinni fær
kvikmyndaleikstjórinn Baltasar
Kormákur. Kvikmyndin Mýrin
hlaut fyrstu verðlaun og stóð
uppi sem sigurvegari á Karovy Vary
kvikmyndahátíðinni í Tékklandi um
helgina, en hátíðin er í hæsta
gæðaflokki á alþjóðlegum mæli-
kvarða.
Spurningin
„Ég er sjó-maður,“ segir Benedikt
Erlingsson, leikari með meiru og
sigurvegari grímuhátíðarinnar í ár, þar
sem hann var valinn besti leikarinn,
leikstjórinn og leikskáldið.
Tveir nafnar hans, Benedikt lafleur og
Benedikt Hjartarson, hafa reynt að
synda yfir Ermarsund.
Ferð þú ekki
næst í sJóinn?
Sandkassinn
Menn tala uM að svokölluð
gúrkutíð sé í hámæli innan fjöl-
miðla í dag.
Einhvern tím-
ann í fyrndinni
sagði reyndari
blaðamaður
við mig: „Það er
ekkert sem heitir
gúrkutíð, aðeins
léleg blaða-
mennska.“
Nóg er að gerast í samfélaginu.
Á sama tíma og landsbyggðina
hryllir við ákvörðun sjávarútvegs-
ráðherra að fara eftir tilmælum
Hafró, æðir brjálaður predikari
um verslanamiðstöðvar Íslands
og særir illa anda kapítalismans á
brott. Að auki las ég stórfrétt um
daginn að Lindsay Lohan og Paris
Hilton væru orðnar vinkonur aftur.
Sögulegar sættir.
aðrar Mikilvægar fréttir fyrir
lýðræðið er sjósund Benedikt-
anna. Annar er með skrýtið franskt
eftirnafn og er skáld. Hann ber þó
ekki nafn með rentu, enda tókst
honum ekki að synda frá Englandi
til Frakklands. Sjálfur læt ég mér
nægja að synda hundrað metrana
- en aðeins á góðum degi.
Hinn Benediktinn er Hjaltason.
Kannski gengur honum betur en
skáldinu. Á svona dögum sakna
ég NFS. Hún hefði getað sýnt
sjósundið í beinni. Jafnvel slakað
hákarli út í - bara svona til þess að
skapa samúð með hetjunni.
Það er Meira að segja nýyrði
komið í umræðuna. Það eru
hinar svokölluðu „SMS-hátíðir.“
Þær ganga út á það að unglingar
og ungmenni
senda fjölda-
skeyti sín á milli
um það hvar
næsta partí
verður. Þetta er
að sjálfsögðu
bagalegt fyrir
lögregluna sem
veit ekki í hvorn
fótinn hún á að stíga. Enginn
sendir þeim skeyti.
Morgunblaðið er uppfullt af
þessum hrikalegu hátíðum. Á
forsíðu blaðsins í dag er fyrir-
sögnin: „Hætta ekki að drekka.“
Sumir kunna bara ekki að hætta.
sjálfuM Þykir Mér fréttir götunn-
ar áhugaverðastar. Hitti góðkunn-
ingja um daginn strollandi með
barnavagn niður Laugaveginn.
Hann sýndi mér frumburðinn og
sagði mér að móðurinni heilsað-
ist vel.
Síðar þennan sama dag hitti ég
Breta sem er búsettur hér á landi.
Hann vinnur með einhverfum
börnum og hefur verið hér í all-
nokkur ár. Hann sagði mér að það
eina sem hann kynni ekki við hér
á landi væri lyktin af vatninu. Ég
spurði hvað hann ætti við. Hann
sagði mér að þetta væri ekkert svo
flókið, það er skítafýla af vatninu,
þrátt fyrir að það bragðist vel.
Valur Grettisson spáir í spilin
vanvirðum alla jafnt
Hannes skrifar:
Malbikið göturnar á næturnar
Mikið óskaplega fer það fyrir
brjóstið á mér að ekki sé hægt að mal-
bika á næturnar á stórum umferð-
aræðum. Ég skil mjög vel að íbúar í
hverfum borgarinnar vilji svefnfrið
fyrir malbikunarvélunum á næturn-
ar. Spurningin er hins vegar af hverju
ekki er hægt að gera þetta á þeim tíma
þegar umferðin er í lágmarki. Ég átti
leið um Lönguhlíðina og Miklubraut-
ina á háannatíma. Malbikunarvélarn-
ar tepptu umferðina og maður komst
varla leiðar sinnar. Þetta er alls ekki
í fyrsta skiptið sem ég lendi í þessu
því um daginn var ég að keyra Miklu-
brautina í átt að Kringlunni á þriðju-
degi og klukkan var að nálgast fimm.
Það var eingöngu hægt að keyra á
tveimur akreinum sem hægði mjög
mikið á umferðinni. Hefði ekki ver-
ið hægt að malbika seint um kvöldið
þarna á Miklubrautinni? Þótt verið
sé að bæta samgöngur verður Gatna-
málastjóri að hafa þetta í huga.
LESEndUR
erpur
eyVindarson
tónlistarmaður skrifar
„Ég virði trú fólks ef hún bitnar ekki á öðr-
um. Gallinn er bara að trúarbrögð
bitna svo oft á öðrum.
Þessi Miðausturlandatrúar-
brögð eru sýnu verst, kristni,
gyðingdómur og íslam.“