Kjarninn - 10.04.2014, Side 23

19/22
4 skuldaniðurfellingar heimilanna
Framsóknarflokkurinn lofaði heimilunum
í landinu stórfelldum niðurfellingum á
húsnæðislánum ef þau kysu flokkinn til
valda, sem tæplega fjórðungur þjóðar-
innar gerði. Óljóst er hversu miklum
peningum var heitið í þetta verkefni.
Margir kjósendur telja að það hafi verið á
bilinu 200-300 milljarðar króna en þegar
umfang niðurfellinganna var kynnt í
nóvember kom í ljós að þær yrðu „aðeins“
80 milljarðar króna. Auk þess mætti fólk
nota séreignarsparnaðinn sinn í að borga
niður lán í afmarkaðan tíma. Ef 92 prósent
allra sem eiga rétt á að nýta sér þennan
kost gera það kostar það um 150 milljarða
króna. Heildarumfang aðgerðanna liggur
hins vegar ekki fyrir. Frumvörpin hafa
verið vægast sagt umdeild og ríkir lítil
sátt í samfélaginu um aðgerðirnar sem
þau heimila. Í könnun sem MMR gerði í
byrjun apríl kom til að mynda í ljós að 65,5
prósent landsmanna teldu að lækkunin
myndi hafa engin eða neikvæð áhrif á
íslenskt efnahagslíf.