Nýtt S.O.S. - 01.08.1960, Síða 12
Svo hélt hann áfram: „Eg ætla nú bara að segja það, að þetta er þá
ekki í fyrsta sinn, sem Vestris fer yfir hleðslumarkið og verður ekki í
síðasta skiptið. Dugnaður yðar hefur bjargað málunum við, hafi verið
farið ógætilega. Og útgerðarfélagið metur það við yður, svo mikið veit
ég, Carey skipstjóri. Getur maður misvirt það við útgerðina á þessum
erfiðu tímum, þó hún hafi einmitt sérstakar mætur á þeim skipstjórum,
sem aldrei valda henni erfiðleikum með óþarfa afskiptasemi. Með góðum
vilja gengur allt vel.“
„Falleg orð, en ef það gengur nú einhverntíma illa — —“ sagði skip-
stjórinn og var þungur á brúnina.
Umsjónarmaðurinn yppti öxlum, reis á fætur og greip kápuna sína.
„Nú verð ég að fara í land, skipstjóri. Eg er sannfærður um, að þér
munið líka eftir þessa ferð koma aftur á okkar gamla og góða Vestris
heilu og höldnu. Góða ferð, skipstjóri, og sjáumst aftur!“
Þeir tókust í hendur og umsjónarmaðurinn gekk af fundi skipstjórans.
Carey skipstjóri stóð í dyrunum stundarkorn og horfði á eftir gestin-
um. Djúpar hrukkur voru á enni hans. Þá fór hann í olíukápu og setti
upp skipstjórahúfuna.
„í guðs nafni þá,“ tuldraði hann fyrir munni sér og fór inn í brúna.
LOFTSKEYTAMENNIRNIR SEGJA FRÁ STARFI SÍNU.
Macdonald loftskeytamaður rölti um farþegasalina með Verchere starfs-
bróður sínum. Allsstaðar var mikið að snúast, allt á ferð og flugi.
í barnum voru lausir stólar og Macdonald bauð „Baby“ einn lítinn.
Þarna voru fyrir nokkrar tilhaldsdrósir, að halda einskonar kveðjuhátíð.
„Nei, sjáið þið bara,“ kallaði ein glöðum rómi, er báðir loftskeyta-
mennirnir birtust í barnum. „Þarna koma einhverjir stjórnarherrar þessa
ágæta skips! Líklega sjálfur skipstjórinn í eigin háu persónu og er svo
vingjarnlegur að heilsa upp á farþegana, og þetta er víst stýrimaðurinn
hans eða hvað það nú heitir.“
„Verð því miður að valda yður vonbrigðum, ungfrú,“ mælti Macdon-
ald og hló góðlátlega og greip annað glasið, sem barþjónninn lét á
borðið og gat ekki varizt glotti. „Skipstjóratigninni hef ég nú ekki náð
ennþá!“
„En þá er tími til kominn, að þér reynið það, annars náið þér aldrei
i*
Nýtt S O S