Fréttatíminn - 03.01.2014, Page 54

Sykurlaus og náttúrulegur staðgengill sykurs!
Helmingi sætari
Hefur ekki áhrif á blóðsykur og insúlín líkamans
Leikkonan Saga Garðarsdóttir var
áberandi á gamlársdag. Hún tók góða
spretti í skaupinu og lét ljós sitt skína í
morgunþætti Gísla Marteins. Þess á milli
messaði hún hressilega yfir formönnum
stjórn-málaflokkanna í Kryddsíldinni á
Stöð 2 þar sem hún bað þá endilega að
reyna að vera betra fólk.
Saga leitaði logandi ljósi að Sigmundi
Davíð Gunnlaugssyni forsætisráðherra
á liðnu ári í Bakþankagreinum sínum í
Fréttablaðinu þar sem hún hefur ekki
farið leynt með að hún telji sig eiga sitt-
hvað vantalað við ráðherrann.
Þau hittust loks í Kryddsíldinni á
gamlársdag en sá fundur var snubbóttur
og þeim gafst ekki ráðrúm til að ræða
málin.
„Hann kom seint út af upptökunni á
áramótaávarpinu sínu þannig að ég hitti
hann ekki fyrir útsendingu, eins og ég
hitti hina formennina,“ segir Saga. „Svo
var ég nú bara að koma mér fyrir í auglýs-
ingahléi áður en við byrjuðum. Þá heyrði
ég að hann var eitthvað að spyrja hina
karlana þarna fyrir aftan mig hvort þetta
væri þessi stelpa sem er alltaf eitthvað...
svo komst hann ekki lengra vegna þess að
ég sneri mér við og sagði mjög hvass að
ég héti Saga! Þá bara þagnaði hann.“
Að útsendingu lokinni var tekin mynd
af Sögu og Sigmundi Davíð saman en
henni gafst ekki ráðrúm til að þjarma
að ráðherranum. „Svo þurfti ég að róta
ruggukindinni minni og hann var að
flýta sér eitthvað annað og þurfti að fara.
Þannig að það varð ekki neitt neitt. Ég
sagði ekki einu sinni að það væri gaman
að finna hann loksins. Enda var hann
búinn að kalla mig þessa stelpu þarna
sem mér fannst ekkert gaman. Það er því
varla hægt að segja að ég hafi náð fundi
hans enda yrði sá fundur einhvers konar
fundur en ekki eitthvað bara svona bak-
sviðs bla á hlaupum.“ -þþ
Kynnti sig með hvössum rómi
 Saga garðarS Fann Sigmund davíð
„Kæri Sigmundur
Davíð. Ég þekki þig ekki
persónulega en tilgangur
þessa bréfs er einmitt að
breyta þeirri leiðu stað-
reynd. Ég kem mér bara
beint að efninu: Viltu
vera opinber pennavinur
minn næstu fjögur árin?“
Svona ávarpaði Saga
Sigmund Davíð í Frétta-
blaðinu í byrjun október.
Hún rakst fyrst á ráð-
herrann á gamlársdag.
Mynd/Hari.
Magnús Azevedo er flugmaður og
svo heppilega vill til að hann flýgur á
Ameríkuleiðum og notar því ferðirnar til
þess að sækja gömul myndasögublöð.
Mynd/Hari.
 magnúS azevedo eltiSt við SjaldgæF myndaSögublöð
m agnús Azevedo hefur safnað myndasögublöðum síðan í æsku og tekur þetta áhuga-
mál alvarlega og leggur sig fram um að
eignast fágæt myndasögublöð sem hafa
sögulegt eða jafnvel tilfinningalegt gildi
fyrir hann. Hann opnaði Facebook-síð-
una Wingman Comics, facebook.com/
wingmancomics, til þess að finna fleiri
Íslendinga sem eru jafn harðir og hann
í söfnuninni en hefur ekki fundið nema
tvo slíka, þótt hann finni fyrir miklum
áhuga á síðunni.
„Tilgangurinn með þessari síðu er nú
ekki að vera í einhverjum viðskiptum,
heldur bara að sinna þessu áhugamáli
mínu,“ segir Magnús. „En ef ég á ein-
hver blöð sem ég er tilbúinn að láta þá er
fólki velkomið að kaupa þau.“
Magnús segist furða sig á því að
markaðurinn fyrir gömul myndasögu-
blöð sé hér lítill sem enginn. „Ástæðan
fyrir því að ég stofnaði síðuna var nú að
mig langaði að kanna hvort það væri ein-
hver áhugi. Nexus-krakkarnir hafa helst
áhuga á nýjum myndasögum en áhug-
inn á gömlum, fágætum blöðum, virðist
vera nánast í núlli.“
Magnús vill ekki gera of mikið úr
safni sínu en segist eiga „nokkur“ blöð
sem gaman sé að eiga og séu nokkur
hundruð dollara virði.
Magnús bjó í Svíþjóð framan af ævinni
og byrjaði þar að safna blöðum og þá
var ekki síst sænsk þýðing á Phantomen
sem heillaði. Sá kappi átti einnig fjölda
aðdáenda hér á landi en hann gekk
árum saman sem myndasaga í Vikunni
og Tímanum sáluga. Hét Skuggi í Vik-
unni og Dreki í framsóknarmálgagninu.
„Maður þekkti líka vel inn á Könguló-
armanninn, Captain America og þessa
gaura.“ Magnús segir það sem hann
safnaði í æsku hafa glatast þegar hann
flutti hingað frá Svíþjóð 25 ára gamall
og í seinni tíð hefur hann einbeitt sér að
því að eignast sjaldséða dýrgripi og þar
vega þungt blöð þar sem þekktar hetjur
komu fram í fyrsta sinn.
„Ég á til dæmis Hulk númer 180
en þar dúkkar Wolverine upp í fyrsta
skipti,“ segir Magnús sem á einnig
söguleg blöð með Captain America sem
hann hefur lengi haft í hávegum.
Magnús segist ekki hafa rekist á
nema einn til tvo safnara af sinni kyn-
slóð sem séu í þessu af fullri alvöru.
„Það er ótrúlegt að á heilu landi, þótt
lítið sé, fyrirfinnist eiginlega enginn
sem vill ræða gömul myndasögublöð.
Kaninn var hér svo lengi að þegar ég
flutti hingað var ég viss um að það væri
nóg af þessu hérna.“
Magnús segir eitt það skemmtilegasta
við myndasögudelluna að hún eldist
ekki af fólki. „Mér finnst þetta halda
barninu í manni lifandi og þegar maður
flettir þessum blöðum þá hellist nos-
talgían yfir mann. Enda voru þessi blöð
eina leiðin til þess að upplifa eitthvað
„fantastic“, ólíkt krökkum í dag sem eru
bara mataðir með tæknivæddu afþrey-
ingarefni.“
Þórarinn Þórarinsson
toti@frettatiminn.is
Ofurhetjurnar varðveita
barnið í hjartanu
Flugstjórinn
Magnús Azevedo
tekur söfnun
myndasögu-
blaða mjög
alvarlega og etur
kappi við aðra
myndasögu-
nörda á upp-
boðsvefjum þar
sem hann reynir
að tryggja sér
gamla dýrgripi.
Hann stofnaði
Facebook-síðuna
Wingman Comics
til þess að
reyna að hafa
uppi á öðrum
Íslendingum
sem lúra á dýr-
gripum í þessari
deild og furðar
sig á hversu
fáir hér á landi
safni fágætum
myndasögum.
Maður þekkti líka vel
inn á Köngulóarmann-
inn, Captain America
og þessa gaura.
Matreiðslubók
Mörtu smörtu
Marta María Jónasdóttir, drottningin yfir Smart-
landi mbl.is, er kona ekki einhöm. Hún er annálaður
fagurkeri þegar kemur að innanhússhönnun og
fatastíl og ekki þykir hún síðri sælkeri. Matgæðing-
ar geta því farið að sleikja út um og láta sig hlakka
til þar sem síðar á árinu kemur út hjá Forlaginu
matreiðslubók þar sem Marta María ætlar að leyfa
fólki að njóta reynslu sinnar og hugmyndaauðgi
við eldavélina. Marta María mun ekki síður leggja
mikið upp úr myndum og útliti bókarinnar en
uppskriftunum þannig að ljóst er að skæður
listakokkur er að bætast í stóran hóp þeirra
sem bítast um hylli lesenda matreiðslubóka.
Lífseig hross
Kvikmynd Benedikts Erlings-
sonar Hross í oss er enn
í sýningum þótt fjórir
mánuðir séu liðnir frá frum-
sýningu. Myndin er nú sýnd í
Bíó Paradís en það þykir saga
til næsta bæjar að myndir gangi
svo lengi í bíó, ekki síst þegar um
íslenska mynd er að ræða.
Upphefð hrossanna hefur ekki síst komið að utan
en myndin hefur hlotið tíu verðlaun á sjö hátíðum
og fengið fína dóma í erlendum miðlum. Þessi
áhugi að utan hefur smitast heim og laðað fjölda
fólks í bíó.
Sérstakur maður ársins
Fjölmiðlar kepptust við að útnefna mann ársins
þannig að vegsemd þessi er nú orðið á margra
færi. Hin sprettharða Aníta Hinriksdóttir varð
fyrir valinu hjá hlustendum Rásar 2, dómnefnd
þjóðmálaþáttarins Sprengisands á Bylgjunni
valdi Sigmund Davíð Gunnlaugsson forsætis-
ráðherra, en á Útvarpi Sögu var sérstaki
saksóknarinn Ólafur Þór Hauksson valinn
maður ársins. Lítið bar á saksóknaranum
fram eftir árinu en dómar í Al-Thani-málinu
svokallaða kættu mjög hlustendur Sögu
sem töldu við hæfi að þakka saksóknaranum
með þessu móti.
54 dægurmál Helgin 3.-5. janúar 2014