Sveitarstjórnarmál - 01.10.1959, Qupperneq 38

36
SVEITARSTJÓRNARMÁL
Stjórn sambandsins lióf þegar að lands-
þinginu loknu undirbúning að fram-
kvæmdum, fyrst og fremst með skýrslu-
söfnun um launakjör starfsfólks kaupstað-
anna og viðræðum við stjórn Bandalags
starfsmanna ríkis og bæja. Var unnið að
þessu máli aðallega 1957 og fyrrihluta árs
1958 og frumvarp að samræmdri reglu-
gerð afgreitt frá fulltrúaráðsfundi sam-
bandsins 1958 með svohljóðandi samþykkt:
„Fulltrúaráðsfundurinn fagnar því, að
drög að samræmdri launasamþykkt fyrir
fasta starfsmenn kaupstaðanna, sem gerð
hefur verið í samráði við fulltrúa frá B.
S. R. B., liggur nú fyrir.
Telur fundurinn rétt, að þessi drög að
launasamþykkt verði send bæjarstjórnum
til hliðsjónar við ákvörðun launakjara
bæjarstarfsmanna."
í nefndum þeim, sem um málið fjöll-
uðu, voru af hálfu B. S. R. B. Sveinbjörn
Oddsson, form. Starfsmannafélags Akra-
ness, Júlíus Björnsson, varaform. Starfs-
mannaíélags Reykjavíkur, og Guðjón B.
Baldvinsson, ritari B. S. R. B., en af hálfu
sambandsins Jónas Guðmundsson, Tómas
Jónsson og Stefán Gunnlaugsson.
Skrifstofa sambandsins annaðist að sjálf-
sögðu að mestu alla framkvæmd verksins.
Þess ber að gæta, að hér er aðeins um að
ræða byrjun á miklu starfi og merkilegu.
Ætlast er til, að launasamþykkt þessi verði
fyrst um sinn aðeins höfð til hliðsjónar
við ráðningar starfsfólks, en að framvegis
haldist sú regla, sem nú gildir, að hver
kaupstaður hafi sína sérstöku launasam-
þykkt og ráði starfsfólk sitt samkvæmt
þeirri samþykkt. Hins vegar getur þessi
Jaunasamþykkt sambandsins orðið til þess
að meira samræmi verði í launasamþykkt-
um kaupstaðanna er þær verða sendur-
samdar og breytt til samræmis við þessi
samþykktardrög og þannig næðist óbeint
sú samræming, sem nauðsynlegt er að kom-
ist á um launakjör sambærilegra starfs-
manna hinna ýmsu staða.
Hér má einnig geta þess, að skrifstofa
sambandsins hefur aflað upplýsinga um
launakjör allra oddvita í landinu, eins og
þau voru á árinu 1956, og var sú skýrsla
lögð fyrir fulltrúaráðsfund 1958. Á þeim
fundi náðist ekki samstaða um ákveðnar
tillögur til breytinga á launakjörum odd-
vita, en þar var samþykkt eftirfarandi til-
laga um mál þetta:
„Fulltrúaráðsfundurinn bendir á hið
mikla ósamræmi, sem er á launakjörum
oddvita og telur að stefna beri að því, að
oddvitar fái minnst 4% innheimtulaun af
útsvörum og öðrum sambærilegum tekjum
sveitarfélaganna.“
Samþykkt þessi var birt í Sveitarstjórnar-
málum, en þar sem kosningar til sveitar-
stjórna fóru fram á árinu 1958, þótti rétt
að láta málið bíða landsþingsins 1959, og
er þess að vænta að það komi nú fyrir
þetta þing.
Svipað og hér er sagt um launakjör odd-
vila, er að segja um tilraunir til lagfæring-
ar og samræmingar á launum sveitarstjóra.
Á fulltrúaráðsfundinum 1958, var um það
mál samþykkt eftirfarandi:
„Fulltrúaráðsfundurinn telur æskilegt,
að myndaðar verði reglur um starfskjör og
laun sveitarstjóra til leiðbeiningar fyrir
freppsnefndir. Beinir fundurinn því til
stjórnarinnar, að hún láti afla upplýsinga
um ráðningarkjör núverandi sveitarstjóra
og geri tillögur til samræmingar á kjörum
þeirra.“
Mál þetta mun einnig koma fyrir lands-
þingið nú og verða rætt þar. Verður þá
gerð nánari grein fyrir aðgerðum stjórnar
sambandsins og þeim tillögum, sem fram
hafa komið.