Sveitarstjórnarmál - 01.10.2004, Blaðsíða 5
Forystugrein
Verkfall grunnskólakennara
Þegar þetta er skrifað hefur verkfall grunn-
skólakennara staðið í rúmar fimm vikur.
Sveitarstjórnarmenn í landinu hafa þungar
áhyggjur af þeirri stöðu enda er hún í raun
óþolandi fyrir nemendur, heimili og þjóðfé-
lagið f heild sinni. Eins og aðrir starfsmenn
sveitarfélaga vinna grunnskólakennarar
arðbær störf en arður af störfum þeirra glat-
ast þann tíma sem verkfall stendur. Þjóðar-
heildin og sveitarfélögin tapa á verkfallinu
en mestur er skaði nemendanna.
Launanefnd sveitarfélaga fer með samn-
ingsumboð fyrir öll sveitarfélög í landinu.
Það er sú skipan sem sveitarstjórnarmenn
hafa komið sér saman um og forystumenn
KÍ lögðu áherslu á við yfirfærslu grunn-
skólaverkefna frá ríki til sveitarfélaga á ár-
inu 1996. Launanefnd sveitarfélaga var
kosin á landsþingi sambandsins árið 2002
en þar áttu seturétt fulltrúar allra sveitarfé-
laga. í aðdraganda kjarasamningaviðræðna
við KÍ og í þeim viðræðum sem síðan hafa
staðið hefur samninganefnd LN haft náið
samráð við sveitarstjórnarmenn með funda-
haldi víða um land og gagnkvæmri upplýs-
ingamiðlun. Það er rangt að sveitarstjórnar-
menn séu að skýla sér á bak við launa-
nefndina og samninganefnd hennar. Hún
nýtur óskoraðs trausts þeirra eins og ítrekað
hefur komið fram á fundum nefndarinnar
með sveitarstjórnarmönnum og á fundum
stjórnar sambandsins.
Kjarasamningar við kennara eru að því
leyti öðruvísi en kjarasamningar sveitarfé-
laga við aðrar starfsstéttir að þar er kennsla
og önnur störf niðurnjörfuð í mínútur og
klukkustundir svo og verkstjórnarréttur
skólastjóra yfir vinnu kennara. f síðasta
samningi voru stigin skref í framþróun hvað
það varðar en í yfirstandandi kjaraviðræð-
um hefur forysta KÍ lagt mikla áherslu á að
gerðar verði breytingar til fortíðarfyrir-
komulags. Þar af leiðir, að mati sveitar-
stjórnarmanna, að skólastarfinu verður
áfram að stórum hluta stýrt eftir kjarasamn-
ingi í stað stjórnanda á vinnustað, sem
heftir eðlilega framþróun grunnskólans.
í drögum að innanhússtillögu ríkissátta-
semjara í síðustu viku var gert ráð fyrir
minni kennsluskyldu og mikilli hækkun
kennaralauna. Þrátt fyrir afturhvarf í vinnu-
tímaskilgreiningu og mikla launahækkun
var samninganefnd LN tilbúin til að láta þá
niðurstöðu yfir sig ganga til að unnt væri
að aflýsa verkfallinu. Með því hefur samn-
inganefnd LN teygt sig á ystu nöf til að
mæta kröfum Kl og í raun mun lengra en
ýmsir sveitarstjórnarmenn hafa talið raun-
hæft með tilliti til möguleika á þróun
skólastarfs í framtíðinni, kostnaðarhækk-
ana, væntanlegra samninga við aðrar starfs-
stéttir og þeirra samninga sem þegar hafa
verið gerðir á almennum vinnumarkaði.
Höfnun forystu KÍ á þeirri niðurstöðu voru
mikil vonbrigði.
Forysta KÍ telur að sveitarfélögin geti
fengið launahækkanir til kennara greiddar
úr ríkissjóði og þá væntanlega einnig í
framtíðinni launahækkanir þeirra rúmlega
13.000 annarra starfsmanna sem sveitarfé-
lögin hafa í þjónustu sinni. Á árinu 1996
var gerður samningur um auknar tekjur til
sveitarfélaga til að mæta þeim verkefnum
sem þau yfirtóku. Fjárhagsstaða sveitarfé-
laganna og fjármálaleg samskipti ríkis og
sveitarfélaga eru sífellttil umfjöllunar og
rangt að tengja þá umræðu gerð kjara-
samnings við eina starfsstétt. Árið 2001
var einnig gert samkomulag um hækkun á
tekjustofnunum sveitarfélaga, sem árlega
nemur um 5,2 milljörðum króna á núver-
andi verðlagi. Auk þess komu á árunum
1999-2003 tímabundin framlög í Jöfnunar-
sjóð sveitarfélaga sem samtals nema 2,8
milljörðum króna á núverandi verðlagi.
Þeir fjármunir komu grunnskólastarfinu að
sjálfsögðu til góða eins og öðrum verkefn-
um sveitarfélaga.
Yfirtaka og ábyrgð sveitarfélaganna á
öllum grunnskólanum á árinu 1996 hefur
leitt til mikilla framfara og bættrar þjón-
ustu. Fyrir hverja þrjá nemendur sem fjölg-
að hefur í skólunum frá 1998 hefur starfs-
mönnum fjölgað um tvo. Kennarar áttu líka
í verkfallsátökum við ríkið sem viðsemj-
anda á árinu 1995 og þá stóð verkfall í
tæpar sex vikur. Launakjör kennara voru
tvívegis stórbætt eftir að þeir urðu starfs-
menn sveitarfélaganna og verulega umfram
aðrar starfsstéttir þeirra. Flestir eru væntan-
lega sammála um nauðsyn þess að taka
kjarasamningaferli grunnskólakennara og
LN til gagngerrar endurskoðunar með það
að markmiði að takmarka líkur á verkföll-
um í framtíðinni.
Þórður Skúlason
framkvæmdastjóri
SVEITARSTJÓRNARMÁL
Útgefandi: Auglýsingar:
Samband íslenskra sveitarfélaga P. J. Markaðs- og auglýsingaþjónusta
Borgartúni 30, 5. hæð • 105 Reykjavík • Sími: 515 4900 Símar: 566 8262 & 861 8262 • pj@pj.is
samband@samband.is • www.samband.is Umbrot og prentun:
Ritstjórar: Ásprent Stíll hf. • Glerárgötu 28 • 600 Akureyri
Magnús Karel Hannesson (ábm.) ■ magnus@samband.is Sími 4 600 700 • asprent@asprent.is
Bragi V. Bergmann • bragi@fremri.is Dreifing:
Ritstjórn: íslandspóstur
Fremri kynningarþjónusta ■ Furuvöllum 13 • 600 Akureyri Forsíðan: Súlur eru eitt þekktasta kennileiti Eyjafjarðar og „uppáhaldsfjall" margra Akureyringa en í blaðinu nú er einmitt fjallao sérstaklega um
Sími 461 3666 • fremri@fremri.is Akureyrarkaupstað. - Ljósm.: Þorgeir Baldursson.
Blaðamenn:
Þórður Ingimarsson • thord@itn.is Tímaritið Sveitarstjórnarmál kemur út 10 sinnum á ári
Áskriftarsíminn er 461 3666 8. tbl. var prcntab 2. nóvember 2004
<é> 5