Sveitarstjórnarmál - 01.10.2004, Blaðsíða 31

Haraldur Benediktsson flytur erindi sitt á ráðstefnunni í Giym.
Haraldur ræddi einnig um lög sem sett hafa verið að frum-
kvæði bænda til tryggingar sjálfbærni ýmissa auðlinda og nefndi
hann lax- og silungsveiði sérstaklega sem dæmi. „Það var gæfu-
spor að setja lög um veiðifélög og afhenda þannig samfélögum
bænda og jarðeigendum forræði yfir laxveiðunum. Það hefur
vafalaust orðið til þess að styrkja sjálfbærni þeirra og árangurinn
af þessu er sá að veiðiár eru víðast hvar í framför. í nýútkominni
skýrslu, sem Hagfræðistofnun Háskóla íslands vann fyrir Lands-
samband veiðifélaga, kemur í Ijós að bein, óbein og afleidd áhrif
af stangveiði erlendra og innlendra veiðimanna eru áætluð 7,8 til
9,1 milljarður króna."
Grisjun skóga er framtíðarverkefni
Haraldur nefndi nokkur dæmi um starf að umhverfismálum, þar á
meðal samstarf Bændasamtakanna við Úrvinnslusjóð um söfnun
og meðferð á heyplasti. Hann benti á að Búnaðarþing hafi
ályktað um eyðingu á lífrænum úrgangi, til dæmis í tengsium við
loðdýraræktina. Hann nefndi skógræktina sérstaklega sem eitt
átaksverkefna bænda og stjórnvalda og sagði að nú væri búið að
planta skógi í þúsundir hektara lands. „Á síðasta aðalfundi land-
samtaka skógarbænda urðu miklar umræður um grisjun skóga og
nýtingu þess efnis sem þar fellur til. Verkefni landbúnaðarins eru
að breytast og eitt stærsta mál framtíðarinnar er að grisja þá
skóga sem búið er að planta," sagði Haraldur.
Engin þjóð sjálfbær án lifandi landsbyggðar
Haraldur gerði útflutning á lambakjöti einnig að umtalsefni.
Hann sagði að markaðsstefnan miðaðist við að selja aðeins
„organic" eða umhverfisvænar vörur, sem sé markaðsstefna
Whole Foods-verslananna, sem Áform er í samskiptum við, en
ekki opinber stefna bændasamtakanna. Hann sagði frá ferð sinni
vestur um haf nýverið þar sem hann kvaðst hafa fengið að kynn-
ast viðhorfum viðskiptavina Whole Foods-verslananna, sem ann-
ast sölu lambakjötsins. Glöggt hafi komið fram að þeir vilji geta
treyst því að varan sé framleidd f sátt við meðferð á dýrum og
náttúru.
Haraldur lauk máli sínum með því að leggja áherslu á að hlut-
verk landbúnaðarins væri öðrum þræði að tryggja byggð í land-
inu. Engin þjóð væri sjálfbær án lifandi landsbyggðar og áð eyð-
ing byggða fæli í sér sóun, ekki aðeins á fasteignum heldur
einnig á huglægum verðmætum - verðmætum sem byggð væru á
reynslu kynsóðanna í umgengni við landið.
Við hjá De.is ehf höfum réttu vef-
lausnina fyrir þig.
De.is ehf, húsi verslunarinnar
Kringlunni 7, 103 Reykjavík og
Munkaþverárstræti 21, 600 Akureyri
Sími: 586 8600, netf: de@de.is
0
TOLVUMIÐLUN
SFS
www.tm.is
31