Sveitarstjórnarmál - 01.10.2004, Blaðsíða 23

Ætlum að gera gott betra
Sigrún Björk Jakobsdóttir bæjarfulltrúi segir að skapast hafi mikill áhugi á Akureyri fyrir því að efla
miðbæinn. Þessi stemmning hafi greinilega komið fram á íbúaþingi á dögunum.
Fjórtán fyrirtæki hafa myndað áhugahóp
um uppbyggingu miðbæjarins á Akureyri.
Hópurinn vinnur nú að stefnumörkun og
alþjóðlegri hugmyndasamkeppni, sem
miðar að því að koma Akureyri í öndvegi
sem höfuðstað Norðurlands. Sigrún Björk
Jakobsdóttir, bæjarfulltrúi og fulltrúi bæj-
arins í áhugahópnum, segir að sérstök
áhersla verði lögð á að tengja saman
skipulag og atvinnumál. Markmiðið með
því sé að móta styrka framtíðarsýn um
miðbæinn sem stutt geti við atvinnulíf og
mannlíf f bæjarfélaginu.
í upphafi hjá Ragga
Upphafsmaður þessa verkefnis er Ragnar
Sverrisson, kaupmaður í JMJ og mikill
áhugamaður um uppbyggingu Akureyrar.
Sigrún segir að hann hafi fyrst kynnt hug-
myndir sínar um þetta efni á aðalfundi
Sparisjóðs Norðlendinga á síðasta ári. Síð-
an hafi hann heimsótt forsvarsmenn og
aðalfundi fleiri fyrirtækja í bænum þar
sem þær hafi hvarvetna hlotið góðar við-
tökur. Þetta sé því mjög samsprottið verk-
efni margra aðila í bæjarfélaginu. Á sama
tíma hafi meirihluti bæjarstjórnarinnar á
Akureyri verið að fara af stað með undir-
búning að íbúaþingi og bæjaryfirvöld því
strax tekið hugmyndunum fagnandi. „Ég
hef sjálf haft mikinn áhuga á þessu máli
og einnig kollegar mínir í bæjarstjórninni.
Við töldum því sjálfsagt og einnig nauð-
synlegt að hvetja þessa grasrótarhreyfingu
til að vinna að málinu og virkja sem flesta
í því efni."
Sigrún Björk Jakobsdóttir bæjarfulltrúi.
Sigrún segir að starfsmenn bæjarins,
m.a. starfsmenn skipulagsdeildar, hafi tek-
ið virkan þátt í verkefninu og margir
starfsmenn komið að undirbúningi opna
þingsins. „Vegna forsögu málsins og þró-
unar hefur verið mjög skemmtilegt að
vinna að því og ég veit að það á ekki síst
sinn þátt í því hve vel þessi dagur heppn-
aðist."
Umræðan deyr ekki út
„Þetta hefur verið unnið á mjög skömm-
um tíma," segir Sigrún þegar hraði verks-
ins berst í tal. „Undirbúningurinn hefur
aðeins staðið yfir í um hálft ár sem telst
mjög skammur tími fyrir meðgöngu verk-
efnis af þessum toga. Nú eru um átta
mánuðir til stefnu þangað til arkitektasam-
keppnin, sem efnt hefur verið til, mun
skila sér í tillögum um miðbæjarskipulag
og uppbyggingu þannig að allt undirbún-
ingsstarfið mun fara fram á innan við einu
ári. Það þýðir að umræðan nær ekki að
deyja út eins og hætta væri á ef þetta tæki
lengri tíma."
Sigrún segir að þótt ekki sé búið að
gera sér fulla grein fyrir þeim kostnaði
sem hugsanlega mun hljótast af þessu þá
sé hægt að hrinda fjölmörgum atriðum og
góðum hugmyndum í framkvæmd án þess
að leggja mikla fjármuni fram.
Yfir 9% á íbúaþingi
Miðbæjarverkefnið „Akureyri í öndvegi"
var kynnt á opnu íbúaþingi á Akureyri
18. september sl. Sigrún segir að Akureyr-
ingar hafi brugðist vel við og metþátttaka
orðið, en um 1.450 manns eða rúm 9%
bæjarbúa mættu til leiks og ekki skorti að
fólk kæmi sjónarmiðum sínum á framfæri.
„Við hefðum aldrei náð þessum árangri og
almennri virkni fólksins með hefðbundn-
um fundarhöldum," segir Sigrún. ,,Þarna
mátti sjá ólíklegasta fólk starfa saman í
vinnuhópum, skoða hugmyndir og velta
málunum fyrir sér á ýmsa kanta."
Sigrún segir eftirtektarvert og einnig
ánægjulegt hvað fólk hafi verið óhrætt við
að láta skoðanir sínar í Ijósi og alls hafi
Ertu að tala um ío eða 1 . - 100.000 áheyrendur? | 1 \ : Hvort sem er þá eigum við 1. (■í' f , hljóðkerfi handa þér!
lÉk. ii ■ HLJÓÐKERFALEIGA // 552 8083
$F$
TÖLVUMIÐLUN
www.tm.is
23