Sveitarstjórnarmál - 01.10.2004, Blaðsíða 34

Landshlutasamtökin
Samtök sveitarfélaga á Austurlandi
Framtíð flugvallar og
öflug ferðaþjónusta
Á sama tíma og mikilli uppbyggingu á Austurlandi er fagnað hvatti aðalfundur Samtaka sveitarfélaga
á Austurlandi (SSA) til enn frekari uppbyggingar - einkum í fiskeldi og ferðaþjónustu.
Aðalfundur SSA, sem haldinn var á Egils-
stöðum 16. og 17. september sl., fagnaði
þeirri miklu uppbyggingu, sem nú á sér
stað á Austurlandi. I ályktun fundarins
segir að mikilvægt sé að tryggja að at-
vinnuuppbyggingin verði í sem mestri sátt
við það samfélag sem fyrir er í landshlut-
anum og því beri að fagna að fjármagn
hafi fengist og að vinna sé hafin við vökt-
unarverkefni rannsóknaáætlunar Þróunar-
stofu Austurlands og Byggðarannsókna-
stofnunar Islands um áhrif stóriðjufram-
kvæmda í landshlutanum.
Öflug framtíðaratvinnugrein
Aðalfundurinn lýsir ánægju með þann ár-
angur sem náðst hefur á eldi á laxi í sjó-
kvíum sem og í öðru fiskeldi. í ályktun
fundarins segir að allt bendi til þess að
fiskeldi verði öflug framtíðaratvinnugrein á
Austurlandi, verði vel á málum haldið.
SSA hvetur fiskeldisfyrirtækin til að standa
sem best að eldisstarfseminni og að sér-
stök áhersla verði lögð á að allur eldis-
búnaður verði vandaður og traustur.
Einnig er hvatt til aukinna rannsókna á
sviði fiskeldis.
Framhald á jarðhitaleit
Aðalfundur SSA fagnar því að framhald
verði á jarðhitaleit á köldum svæðum og
minnir á að tryggja verði Orkusjóði og
sveitarfélögum, sem þess óska, frekara
fjármagn til verkefnisins þannig að þeim
verði gert kleift að nýta álitleg jarðhita-
svæði. Aðalfundurinn leggur einnig þunga
áherslu á að fylgst verði náið með þróun
orkuverðs í umhverfi nýrra raforkulaga og
að sérstaklega verði fylgst með lands-
byggðinni í þeim efnum þannig að nýtt
skipulag orkumála leiði ekki til hærra
orkuverðs.
Meira fé í ferðaþjónustuna
í ályktun um ferðamál fagnar aðalfundur
SSA fjárveitingum til upplýsingamiðstöðva
ferðamála á Egilsstöðum og Seyðisfirði en
harmar skert framlag til upplýsingamið-
stöðvarinnar á Höfn. Fundurinn bendir á
að sveitarfélög á Austurlandi leggi nú
mikla fjármuni í uppbyggingu ferðaþjón-
ustu sem nýtist ekki aðeins á Austurlandi
heldur ferðaþjónustu landsins í heild. í
Ijósi stóraukinna umsvifa og nýrra tæki-
færa í ferðaþjónustu á Austurlandi beinir
fundurinn þeim tilmælum til ríkisvaldsins
að veita meira fjármagn til markaðsmála
og annarrar þróunar ferðaþjónustunnar í
fjórðungnum.
Nauðsyn góðra
almenningssamgangna
f langri ályktun um samgöngumál á Aust-
urlandi, þar sem víða er komið við, er sér-
stök áhersla lögð á mótun framtíðarstefnu
fyrir EgiIsstaðaflugvölI, hugað verði að
vegakerfinu í Ijósi stóraukinna landflutn-
inga og einnig að skipulagi og uppbygg-
ingu almenningssamgangna. Bent er á að
góðar almenningssamgöngur séu eitt af
grundvallarskilyrðum fyrir búsetu og
einnig öflugri ferðaþjónustu á lands-
byggðinni.
Tekjustofnar verði leiðréttir
Aðalfundur SSA á Egilsstöðum telur miður
hve hægt gengur að skýra línur í verka-
skiptingu ríkis og sveitarfélaga. Brýnt sé
að fækka samstarfsverkefnum og búa
þannig um hnúta, að saman fari fram-
kvæmd og fjárahagsleg ábyrgð við úrlausn
þeirra. Samhliða þeirri vinnu verði gerðar
viðhlítandi leiðréttingar á tekjustofnum
sveitarfélaga. Aðalfundurinn leggur
áherslu á að eflingu sveitarstjórnarstigsins
verði hraðað og hvetur til að sem fyrst
hefjist markvissar viðræður til að ná megi
settum markmiðum.
<%>
34