Sveitarstjórnarmál - 06.12.2011, Blaðsíða 26

Velferðarmál
Vinnufundur um gerð þjónustuáætlana
Meðfylgjandi myndir tók Ingibjörg Hinríksdóttir á vinnufundinum. Á einni þeirra má sjá Gyðu Hjartardóttur
félagsþjónustufulltrúa Sambands íslenskra sveitarfélaga, við fundarstjórn.
Samband íslenskra sveitarfélaga, velferðar-
ráðuneytið og Greiningar- og ráðgjafarstöð
ríkisins efndu til sérstaks vinnufundar eða
vinnudags um gerð einstaklingsbundinna
þjónustuáætlana fyrir starfsfólk sveitarfélaga
26. október sl. Vinnudagurinn var einkum
ætlaður starfsfólki sem kemur að málefnum
fatlaðs fólks. Að sögn Gyðu Hjartardóttur,
félagsþjónustufulltrúa Sambands íslenskra
sveitarfélaga, var mjög vel mætt á fundinn
en alls komu um 150 manns hvaðanæva að
af landinu. Vinnufundurinn þótti heppnast
ákaflega vel og var almenn ánægja með
þessa nýjung.
Gyða sagði tildrög vinnufundarins þau að
ný reglugerð um þjónustu við fatlað fólk á
heimili sínu nr. 1054/2010 hafi litið dagsins
Ijós samhliða yfirfærslu málefna fatlaðs fólks
til sveitarfélaganna. Meginmarkmið reglu-
gerðarinnar sé að fatlað fólk fái félagslega
þjónustu og sérstakan stuðning til þess að
geta búið þannig að sem best henti hverjum
og einum.
í reglugerðinni kemur fram að tekið skuli
mið af óskum, aðstæðum og þörf fyrir þjón-
ustu þeirra sem hennar njóta. „Fylgt skal í því
efni þeirri meginreglu að fólk eigi val um
hvernig það býr, enda sé það í samræmi við
það sem almennt tíðkast. Lögð er áhersla á
það að þjónustan sé einstaklingsbundin,
heildstæð og sveigjanleg. Auk þess sem
hún skal veitt með það að markmiði að efla
vald fólks yfir aðstæðum sínum og lífi, styrkja
sjálfsmynd fólks, sjálfstraust, félagslega
stöðu, sjálfsvirðingu og lífsgæði," segir Gyða.
Hún segir einnig að í búsetureglugerðinni
sé í þessu samhengi einnig fjallað um ein-
staklingsbundna þjónustuáætlun fyrir fatlað
fólk sem oft og tíðum hefur þörf fyrir við-
varandi og fjölbreytilegan stuðning og sam-
kvæmt henni skal gerð slíkrar áætlunar á
ábyrgð þeirra sem sjá um framkvæmd þjón-
ustunnar í samvinnu við einstaklinginn sem
um ræðir.
Fyrirlestrar og hópvinna
Stefán Hreiðarsson yfirlæknir á Greiningar-
og ráðgjafastöð ríkisins hóf vinnufundinn
með erindi sem bar yfirskriftina: Mat á stuðn-
ingsþörf fatlaðra - breyttar áherslur. Síðan
fjallaði Tryggvi Sigurðsson, yfirsálfræðingur
Greiningar- og ráðgjafarstöðvar ríkisins, um
fræðilegar forsendur við gerð einstaklings-
bundinna áætlana og tengdi það við niður-
stöður á greiningartækinu „Mat á stuðnings-
þörf: SIS" og Guðný Stefánsdóttir, þroska-
þjálfi hjá Greiningar- og ráðgjafarstöð ríkisins,
fjallaði því næst um framkvæmd og innihald
stuðningsáætlana í daglegu starfi. Jóna Rut
Guðmundsdóttir, verkefnastjóri á Velferðar-
sviði Reykjavíkurborgar, tók við með erindi
sínu „Af vettvangi: Gerð einstaklingsáætlana
i vinnu með geðfötluðum" og að lokum var
þátttakendum skipt í hópa þar sem farið var
nánar yfir gerð og útfærslu stuðningsáætl-
ana. Gyða Hjartardóttir, félagsþjónustufull-
trúi sambandsins, var fundarstjóri.
Erindin sem flutt voru má finna á vef sam-
bandsins www.samband.is.
26