Morgunblaðið - 29.11.2011, Blaðsíða 11
Morgunblaðið/Golli
Tekið á Krakkarnir sýndu fantafína takta og börðust af fræknleik.
Fjólur Þær kunna vel að meta félagsskap hverrar annarrar. Efri röð f.v Auður, Tanja, Birna, Ásdís og Árný. Neðri
röð f.v Berglind, Sonja, Jónína, Herdís, Hófí og Nína. F. framan Aldís og Melkorka. Uppi á markinu er Hanna Bára.
flokki. Í raun var verið að nota ut-
andeildina til að koma meistara-
flokknum hjá HK af stað,“ segir
Aldís sem hætti í handboltanum
þegar hún flutti til Danmerkur árið
2006 og fór í íþróttalýðháskóla. „Eft-
ir að ég kom heim tók við nám við
Háskólann í Reykjavík í íþrótta-
fræði og ég lauk mínu BS-námi. En
mig langaði alltaf aftur í handbolt-
ann, þótt ég væri ekki tilbúin til að
fara í allan pakkann og æfa sex sinn-
um í viku þrjá tíma á dag, loksins
þegar maður átti einhvern frítíma.“
„Power of Facebook“
Í hittifyrra var skráð lið í utan-
deildina hjá HK til að leyfa ung-
lingaflokks- og meistaraflokks-
stelpum að fá frekari þjálfun. „Þegar
leikir hentuðu ekki tímasetningum
þeirra, þá var hringt í nokkrar okkar
sem höfðum verið að æfa áður, og
þannig fór þetta af stað. Í fyrra vor-
um við 4-5 stelpur að æfa og fengum
unglingaflokksstelpur til að spila
með okkur. Það var svo gaman en
við vorum fámennar og því fór ég að
hóa saman fleiri stelpum. Ég sendi á
þær sem ég var með á mínum vina-
lista á Facebook og vissi að höfðu
einhvern tímann æft handbolta, og
þær sendu svo á aðrar sem þær
þekktu, þannig vatt þetta upp á sig.
Þetta var sannkallað „power of
Facebook“ og til urðu Fjólurnar. Við
erum tuttugu og tvær skráðar í hóp-
inn og þótt þær komist ekki allar
alltaf á æfingu, enda eru nokkrar
mæður í hópnum, erum við samt
alltaf nógu margar.“
Fjólublái búningurinn
Aldís byrjaði að þjálfa yngri
flokka þegar hún var 14 ára og í
fyrstu sá hún að mestu um þjálfun
Fjólanna, en nú hafa þær dreift því á
fleiri í hópnum. „Við erum nokkrar
sem höfum skipt með okkur að
skipuleggja æfingarnar, því það er
gott að fá sem flestar hugmyndir að
æfingum. Ég sé um annað utanum-
hald, að greiða gjöldin fyrir leiguna
á salnum, borga mótagjöld, skrá
okkur í leiki, sjá um frestanir á leikj-
um og fleira.“ Fjólublái búningurinn
kom þannig til að þær vildu skapa
sér sérstöðu. „Þar sem við komum
úr öllum áttum og höfum spilað með
ýmsum liðum vildum við skapa heild
með því að vera í okkar eigin bún-
ingi. Við vildum hafa búninginn
óvenjulegan til að þurfa ekki að fara
í vesti ef búningurinn okkar væri of
líkur búningi mótherja á heimavelli.
Það voru miklar pælingar að finna út
úr þessu. Fyrst vorum við að pæla í
að vera í bleikum búningi en það
fékk ekki hljómgrunn og við end-
uðum á fjólubláa litnum. Í framhald-
inu fórum við að kalla okkur Fjól-
urnar og það hefur náð að festa sig í
sessi.“ Þær sem langar að prófa að
æfa með Fjólunum geta sent línu á:
aldis1985@gmail.com.
DAGLEGT LÍF 11
MORGUNBLAÐIÐ ÞRIÐJUDAGUR 29. NÓVEMBER 2011
Á hlaup.is er birtur listi yfir 15 bestu maraþontíma Íslendinga frá upphafi. Hér
má sjá tíu bestu karla og konur:
1. 02:17:12 Kári Steinn Karlssson
Berlín 2011.
2. 02:19:46 Sigurður P.
Sigmundsson Berlín 1985.
3. 02:28:30 Daníel Smári
Guðmundsson Dublin 1993.
4. 02:29:07 Ágúst Þorsteinsson
Manchester 1983.
5. 02:30:44 Steinar Friðgeirsson
Rvk 1986.
6. 02:32:44 Jóhann Ingibergsson
Rvk 1993.
7. 02:32:45 Sighvatur D.
Guðmundsson London 1984.
8. 02:33:55 Björn Margeirsson Rvk
2010.
9. 02:35:01 Jón Stefánsson St. Paul
1991.
10. 02:35:26 Birgir Sævarsson-
Frankfurt 2011.
1. 02:35:15 Martha Ernstsdóttir
Berlín 1999.
2. 02:54:43 Anna Jeeves London
1998.
3. 02:55:36 Bryndís Ernstsdóttir Rvk
2005.
4. 02:57:28 Rannveig Oddsdóttir Rvk
2010.
5. 03:00:43 Helen Ólafsdóttir
Boston 2011.
6. 03:02:36 Verónika Sigríður
Bjarnadóttir Rvk 2011.
7. 03:03:56 Þurý Guðmundsdóttir
Sacramento 2010.
8. 03:06:09 Sigurbjörg Eðvarðs-
dóttir París 2011.
9. 03:09:57 Eva Margrét Einarsdóttir
Kaupmannahöfn 2008.
10. 03:10:45 Margrét Elíasdóttir París
2010.
Tíu bestu karlar og konur frá upphafi
Morgunblaðið/Eggert
Efstur Kári Steinn hefur hlaupið maraþon á besta tíma allra Íslendinga.
Bestu maraþontímar Íslendinga