Morgunblaðið - 29.11.2011, Blaðsíða 13
FRÉTTIR 13Innlent
MORGUNBLAÐIÐ ÞRIÐJUDAGUR 29. NÓVEMBER 2011
Nemendur og foreldrar barna í
Vatnsendaskóla í Kópavogi
komu saman um helgina og
skáru út laufabrauð og hlýddu á
jólatónlist. Að margra mati er
ómissandi fyrir jólin að koma
saman og búa til skemmtileg
mynstur í laufabrauðið. Og ekk-
ert vantaði upp á einbeitinguna
hjá krökkunum sem nutu leið-
sagnar foreldra sinna við út-
skurðinn.
Fjölskyldurnar munu svo gæða
sér á brauðinu góða þegar nær
dregur jólum.
Skera út
laufabrauð
Morgunblaðið/Golli
Kosningar um sameiningu sveitar-
félaganna Bæjarhrepps og Húna-
þings vestra fara fram laugardag-
inn 3. desember næstkomandi.
Kjörstaðir verða bæði á Hvamms-
tanga og á Borðeyri.
Sameining sveitarfélaganna
tveggja hefur verið til umfjöllunar
undanfarin misseri. Í Húnaþingi
vestra eru liðlega 1.100 íbúar en
um 100 manns búa í Bæjarhreppi.
Haldnir hafa verið fundir með íbú-
um beggja sveitarfélaganna til að
fjalla um fyrirhugaða sameiningu.
Fyrir liggur skýrsla KPMG þar
sem fjallað er um áhrif sameiningar
og er hana að finna á vef innanrík-
isráðuneytisins.
Kosið um samein-
ingu á laugardag
Morgunblaðið/Helgi Bjarnason
Úr Miðjarðarrétt Kosið verður í Húna-
þingi vestra og Bæjarhreppi á laugardag.
Í áranna rás hafa
fjölmargir flótta-
menn fengið
skjól á Íslandi.
Það fólk eignast
börn sem sum
eru uppkomin.
Hvernig var
flótti foreldr-
anna og koman
til landsins og
hvaða áhrif hafði
hann á næstu kynslóð á eftir?
Um þetta verður rætt á fundi Al-
þjóðamálastofnunar Háskóla Ís-
lands og Forlagsins í tilefni af út-
komu bókarinnar Ríkisfang:
Ekkert eftir Sigríði Víðis Jóns-
dóttur. Fundurinn er á morgun,
miðvikudag, í stofu 101 í Odda og
stendur frá 12.25-13.20.
Anna Kristine Magnúsdóttir-
Mikulcaková er þekkt blaðakona en
færri vita að hún er dóttir flótta-
manns frá fyrrum Tékkóslóvakíu.
Foreldrar Tinnu Davíðsdóttur
lyfjafræðings flúðu hins vegar frá
Víetnam. Þær segja frá flóttanum
og sitja fyrir svörum á fundinum.
Börn flóttamanna
Sigríður Víðis
Jónsdóttir
STUTT
Stúdentaráð Háskóla Íslands hefur
samþykkt nýtt lagasafn fyrir ráðið
sem felur í sér margvíslegar breyt-
ingar á störfum, skipulagi og kosn-
ingum til Stúdentaráðs.
Breytingarnar fela m.a. í sér að
árið 2013 verður kosið til Stúd-
entaráðs innan allra fræðasviða HÍ
í svokölluð sviðsráð, sem saman
mynda Stúdentaráð og verður
stjórn Stúdentaráðs skipuð for-
mönnum sviðsráða auk formanns
og varaformanns Stúdentaráðs.
Auk þess verður einstaklingum og
smærri listum gert kleift að bjóða
fram til Stúdentaráðs og kjós-
endum leyft að kjósa einstaka fram-
bjóðendur óháð listum.
Breytt skipulag
kosninga hjá SHÍ
Ný lög Stúdentaráð hefur samþykkt nýtt
lagasafn sem tekur gildi 2013.