Morgunblaðið - 28.12.2011, Síða 6
6 FRÉTTIRInnlent
MORGUNBLAÐIÐ MIÐVIKUDAGUR 28. DESEMBER 2011
15% afsláttur
Fæst án lyfseðils
N J Ó T U M Þ E S S A Ð H R E Y F A O K K U R
af öllum styrkleikum og pakkningastærðum
Una Sighvatsdóttir
Hallur Már
„Ef við lendum aftur úr með tækja-
búnaðinn okkar getum við hreinlega
lokað spítalanum,“ sagði Aron
Björnsson, yfirlæknir á heila-
skurðdeild Landspítala – háskóla-
sjúkrahúss, í gær þegar kynnt var
nýtt tölvustýrt staðsetningartæki
sem tekið hefur verið í notkun á
heila- og taugaskurðdeild.
Tækið hefur gríðarmikla þýð-
ingu fyrir starfsemi deildarinnar að
sögn Arons og má ætla að það verði
notað í aðgerðir á um 50-100 sjúk-
lingum á ári, sem annars hefði hugs-
anlega þurft að senda úr landi.
Tækið, sem er af fullkomnustu
gerð frá fyrirtækinu Medtronic, nýt-
ist best við aðgerðir á æxlum í heila
og gerir að verkum að skurðaðgerðir
verða bæði nákvæmari og öruggari.
Nákvæmni í staðsetningu er um það
bil 1 mm, sem leiðir til þess að nú er
hægt að taka sýni úr æxlum eða fjar-
læga æxli úr heila frá stöðum sem
áður var illmögulegt að nálgast.
Sjúklingurinn fyrr heim
Tækið nýtist einnig við ýmsar
aðgerðir háls-, nef- og eyrnalækna
og bæklunarskurðlækna. Með til-
komu þess verður skurðaðgerðin
sjúklingunum léttbærari, hættan á
aukaverkunum minni og sjúkling-
urinn kemst fyrr á fætur og heim.
Verðmæti nýja staðsetningar-
tækisins er um 25 milljónir króna og
er það gjöf frá Arion banka og sjóði í
vörslu bankans, sem stofnaður var á
sínum tíma til að styðja tækjakaup á
Landspítala.
Háð góðum tækjakosti
„Við höfum ekki haft fé til
tækjakaupa að neinu ráði hérna í
nokkur ár og nú var bara kominn
tími á að endurnýja tækið,“ sagði
Björn Zoëga, forstjóri Landspítala.
„Ef við hefðum ekki getað keypt
tækið hefðum við lent í því að ís-
lenska ríkið hefði þurft að senda
fleiri sjúklinga úr landi.“
Skurðdeildir Landspítala, ekki
síst heila- og taugaskurðdeild, eru
mjög háðar því að tækjakostur sé
góður svo aðgerðir séu sem örugg-
astar og sjúklingunum sem auðveld-
astar. Fram kemur í tilkynningu frá
LSH að með þessari gjöf sé Land-
spítali eins vel tækjavæddur og best
gerist erlendis hvað þessa tækni
varðar. Gjöfin sé því afar kærkomin.
Tækjasjóður Landspítala var
stofnaður 1983 að frumkvæði Bún-
aðarbanka Íslands til stuðnings
kaupum á mikilvægum tækjum. Síð-
ustu ár hefur sjóðurinn verið í vörslu
Arion banka sem nýverið lagði hon-
um til viðbótarfé svo af kaupum tæk-
isins fyrir heila- og taugaskurðdeild
gæti orðið.
Bylting í heilaskurðlækningum
Nýtt tæki af fullkomnustu gerð kemur í veg fyrir að senda þurfi fjölda sjúklinga úr landi
25 milljóna króna gjöf frá Arion banka Aðgerðir verða bæði nákvæmari og öruggari
LSH Tæki til skurðaðgerða eru dýr.
Eldsneytisfyrir-
tækin N1 og Olís
hækkuðu í gær
verð, bensínlítr-
inn hjá N1 fór í
231,4 kr. í sjálfs-
afgreiðslu en
231,9 kr. hjá Olís.
Hækkunin nemur
3,5 kr. hjá N1 og
4 kr. hjá Olís.
Aðrar stöðvar höfðu ekki hækkað
verð. En hvers vegna þessar hækk-
anir, aðeins nokkrum dögum áður en
bandormur ríkisstjórnarinnar
hækkar lítraverðið um á að giska
3,50 kr.?
„Við erum að bregðast við hækk-
unum á olíuverði á heimsmarkaði að
undanförnu en auk þess hefur doll-
arinn hækkað gagnvart krónunni,“
sagði Hermann Guðmundsson, for-
stjóri N1. „Það varð skörp og óvænt
hækkun á olíumörkuðum í gær og
fyrradag en annars hefur olíuverðið
verið nánast óbreytt í 10-12 daga.“
Þessi þróun gæti breyst snögglega
og verð þá lækkað á ný. kjon@mbl.is
Óvænt hækk-
un á olíuverði
Dropinn hækkar.
Hjörtur J. Guðmundsson
hjorturjg@mbl.is
„Við höfum verið að bíða eftir skýrslu sem við báðum um
frá IFS-ráðgjöf og fáum hana vonandi bara á allra næstu
dögum, vonandi fyrir áramót,“ segir Steingrímur J. Sig-
fússon fjármálaráðherra spurður um stöðu mála varð-
andi Vaðlaheiðargöng.
Eins og greint var frá í Morgunblaðinu fyrir jól hefur
umhverfis- og samgöngunefnd Alþingis óskað eftir því að
forsætisnefnd gefi grænt ljós á að Hagfræðistofnun Há-
skóla Íslands verði fengin til þess að leggja óháð mat á
gerð ganganna í kjölfar þess að Ríkisendurskoðun hafn-
aði því að taka að sér það verkefni einkum vegna þess að
það væri ekki á verksviði stofnunarinnar.
Forsætisnefnd hefur ekki gefið heimild fyrir því að
Hagfræðistofnun verði fengin í verkefnið á þeim for-
sendum að beðið sé eftir áðurnefndri
skýrslu frá fjármálaráðuneytinu að
sögn Guðfríðar Lilju Grétarsdóttur,
formanns umhverfis- og samgöngu-
nefndar.
Steingrímur segir að IFS-greining
hafi ekki hafið vinnu við mat sitt á
Vaðlaheiðargöngum fyrr en í byrjun
þessa mánaðar og því hafi sú vinna í
sjálfu sér ekki tekið mjög langan tíma.
Hins vegar hafi fyrirtækið farið mjög
rækilega ofan í málið í samráði við alla
þá aðila sem að því koma. „En við erum sem sagt bara að
bíða eftir þeirri skýrslu og þá verður bara farið með hana
nákvæmlega eins og boðað var. Við byrjum náttúrlega á
því að kynna hana í fjárlaganefnd og sjáum svo til,“ segir
Steingrímur.
Vonast eftir skýrslunni
á allra næstu dögum
Vaðlaheiðargöng bíða eftir matsskýrslum um gerð þeirra
Steingrímur J.
Sigfússon
Skannaðu kóðann
til að sjá mynd-
skeið um tækið.
Ágúst Ingi Jónsson
aij@mbl.is
Sjávarútvegsráðuneytið hefur beint
því til Hafrannsóknastofnunar að
hún skoði á nýjan leik grunn ráðgjaf-
ar sinnar hvað varðar ýsu. Ráðuneyt-
ið vísar til umfjöllunar undanfarið
um aukna gengd ýsu á grunnslóð.
Bent er á að fram hafi komið hjá
Landssamtökum smábátaeigenda að
samtökin telji að það sem af er fisk-
veiðiárinu hafi ýsugengd á grunnslóð
verið mun meiri en á sama tíma 2010.
Þá fer ráðuneytið þess jafnframt á
leit við stofnunina að hún skoði ít-
arlega hvort næg þekking er fyrir
hendi til að mögulegt sé að taka upp
svæðisbundna veiðiráðgjöf fyrir fleiri
veiðistofna en nú er gert.
Nýta þarf nýjustu upplýsingar
Í bréfi ráðuneytisins varðandi ýs-
una segir m.a: „Að mati Landssam-
taka smábátaeigenda er þessi mikla
ýsugengd ekki í samræmi við það
sem fram kemur í ráðgjöf Hafrann-
sóknastofnunarinnar um að ýsu-
stofninn muni halda áfram að minnka
á næstu árum. Þetta sé hins vegar í
fullu samræmi við niðurstöður haust-
ralls um rúmlega 20% stærri stofn en
líkön byggð á stofnmælingunni í
mars og ráðgjöfin 2011/2012 eru
byggð á. Ástæða er til að endurskoða
aflamark í ýsu á grundvelli framan-
greindra upplýsinga að mati Lands-
samtakanna.“
Í bréfinu segir að ráðuneytið taki
undir það sjónarmið að á hverjum
tíma þurfi að nýta allar þær nýjustu
upplýsingar sem fyrir hendi eru.
Þess er farið á leit við Hafrannsókna-
stofnun að hún sendi niðurstöðu sína
til ráðuneytisins að athugun lokinni
og eigi síðar en 20. janúar 2012.
Varðandi svæðisbundna veiðiráð-
gjöf fyrir fleiri veiðistofna en nú er
gert, segir í bréfi ráðuneytisins að
þekkt sé svæðisbundin veiðistjórnun
á innfjarðastofnum rækju og skel-
fisks. Svæðisbundin veiðistjórnun
hvað varðar aðra stofna í þessari
merkingu sé hins vegar ekki fyrir
hendi. Umræða hafi verið um mis-
munandi stofna þorska við landið og
vaknað hafi spurningar um hvort
þörf sé á að vera með stofna- eða
svæðisbundna ráðgjöf og veiðistjórn-
un og hvernig hægt væri að koma
slíku við.
Óráð að skilgreina alla land-
helgina sem eitt veiðisvæði
Þá hafi verið settar fram skoðanir í
þá veru að hafrannsóknir við Ísland
ættu jafnhliða og í auknum mæli að
beinast að rannsóknum staðbund-
inna stofna. Tilteknir stofnar séu svo
sérgreindir að óráð sé að skilgreina
alla landhelgina sem eitt veiðisvæði
og því verði áherslur í fiskveiði-
stjórnun að breytast.
„Á það hefur síðan verið bent að
við núverandi skipan sé sú hætta fyr-
ir hendi að sumir fiskstofnar innan
sömu tegundar séu ofveiddir en aðrir
vannýttir vegna þess að sóknin deil-
ist ójafnt niður á milli svæða. Það sé
því ávallt umfjöllunarefni að skipta
veiðinni niður eftir svæðum og skil-
greina þannig staðbundið aflamark.
Forsenda þessa hlýtur að vera fiski-
fræðileg þekking,“ segir í bréfi ráðu-
neytisins.
Óskað er eftir að greinargerð
stofnunarinnar um þetta tiltekna efni
berist ráðuneytinu eigi síðar en 15.
febrúar 2012.
Skoði ráðgjöf um ýsuafla
Sjávarútvegsráðuneytið beinir tilmælum til Hafró vegna fregna um aukna ýsugengd á grunnslóð
Meti hvort næg þekking er fyrir hendi til að taka megi upp svæðisbundna ráðgjöf fleiri veiðistofna
Ýsur í kari Farið er fram á að Hafrannsóknastofnun skoði á nýjan leik grunn ráðgjafar sinnar hvað varðar ýsu.
Morgunblaðið/Ómar