Morgunblaðið - 04.02.2012, Síða 29
UMRÆÐAN 29Bréf til blaðsins
MORGUNBLAÐIÐ LAUGARDAGUR 4. FEBRÚAR 2012
Sunnudaginn 29. janúar sl. voru
haldnir tónleikar í Eldborgarsal
Hörpu þar sem Sinfóníuhljóm-
sveit tónlistarskólanna ásamt Kór
Flensborgarskóla og Kór
Menntaskólans í Reykjavík fluttu
tónverk eftir Bizet, Tsjaíkovskíj,
Sibelius og Hjálmar H. Ragn-
arsson.
Þessir tónleikar voru einstakir
að því leyti að nánast allir u.þ.b.
300 flytjendurnir eru ungmenni á
aldrinum 11 ára til tvítugs og hafa
öll valið sér það að læra tónlist og
stunda hana sér og öðrum til upp-
lyftingar.
Undir stjórn eldhuga og fórn-
fúsra kennara hafa þessi ung-
menni setið á þrotlausum æfing-
um fyrir þessa tónleika ásamt því
að stunda sína skóla og annað
tómstundastarf eins og gengur.
Í Hörpu var hvert sæti skipað
og voru þar aðstandendur unga
tónlistarfólksins í miklum meiri-
hluta.
Fyrir undirritaðan, sem er ekki
tíður gestur á tónlistarviðburðum
var þetta fyrst og fremst stuðn-
ingur í verki við barnabarn, sem
þarna kom fram ásamt félögum
sínum til að flytja ljúfa tónlist í
þessum fallega, tilkomumikla sal.
Þegar ég gekk inn í dimm-
rauðan salinn og sá allan þennan
fjölda af fallegum, einbeittum
ungmennum með sín hljóðfæri
þyrmdi yfir mig og fann þá strax
að þarna yrði þörf fyrir vasaklúta
eða handklæði til að taka við tár-
unum sem þegar þrýstu á.
Upplifunin var mjög sterk að
sjá allt þetta unga fólk sem vildi
leggja á sig alla þessa vinnu og
ástundun til að gleðja, bæði sig
sjálf og alla þá sem vildu njóta
með þeim þessarar stundar.
Það var sterk og einbeitt
kærleikstilfinning og gleði í saln-
um þar sem foreldrar og aðstand-
endur tónlistarfólksins horfðu
stolt og þakklát til afkomendanna
á sviðinu.
Þessi glæsilegi hópur ung-
menna flutti okkur falleg og
krefjandi verk og þeim fórst það
frábærlega undir stjórn Guð-
mundar Óla Gunnarssonar.
Ég er viss um að ég tala fyrir
munn allra gestanna, þegar ég
þakka fyrir yndislega stund og
magnaða hópkærleiksupplifun í
Hörpu og þakka öllum sem að
tónleikunum stóðu fyrir dugn-
aðinn og framtakið.
Einhvern veginn virðast þessir
yndislegu tónleikar hafa farið
framhjá fjölmiðlum landsins því
ekki hef ég undirritaður séð eða
heyrt neina umfjöllun um þá þrátt
fyrir ítarlega leit.
Það finnst mér miður því svona
uppskeru frábærs tónlistarstarfs
þarf að fagna og sýna alþjóð að
þrátt fyrir hrun og kreppu er
ennþá fólk sem lætur ekki bugast
og heldur áfram að berjast í þágu
gleðinnar.
SVEINN SNÆLAND,
Fiskakvísl 13 Reykjavík.
Yndislegur tónlistarviðburður
Frá Sveini Snæland
Flestir sjómenn vita hvað rekak-
keri eru og til hvers þau eru notuð
en frá alda öðli hafa þau verið
þekkt ásamt drögum. Þau voru til
skamms tíma staðalbúnaður á öll-
um bátum þar til EES-reglurnar
komu í gildi en þá var þessi reglu-
gerð um rekakkeri afnumin af
Siglingamálastofnun.
Þrátt fyrir reglugerðir eða ekki
reglugerðir þá láta sumir menn
skynsemina ráða og ákveða sjálfir
að þetta sé tæki sem gott er að
hafa um borð. Það virðist samt
vera sama þótt menn viti um tæki
sem geta bjargað mönnum frá lífs-
háska, þá er enginn hvati eða
hugsun fyrr en allt er komið í þrot
og ef við tökum dæmi: Þegar stýri
eða vél bilar þá er voðinn oft vís og
lítið hægt að gera vegna sjógangs
og velting. Það er líka notalegt að
bíða af sér veður, þá er ekkert
annað en að sleppa rekakkerinu í
þar tilgerðum sleppingarpoka út af
stefni skipsins og það opnast eins
og fallhlíf í sjónum sem fyllist af
tugum tonna af sjó sem heldur
skipinu upp í vind og öldur svo það
verður ekkert flatrek né veltingur.
Það er komin áratuga reynsla á
þessi rekakkeri hér á landi en þau
voru skyldubúnaður á smærri bát-
um þar til EES-samningurinn tók
gildi hér á landi á sínum tíma. Í
dag eru samt hundruð handfæra-
og línubáta með þau; ásamt nokkr-
um skipum frá Hafró, en þau eru
með stór rekakkeri, þetta eru skip
á stærð við Hallgrím SI 077 sem
fórst út af Noregi.
Það vita allir að ef stýri eða vél
bilar og/eða
dræsa fer í
skrúfu þá er
betra næði við
að athafna sig
um borð með
stefni skipsins
upp í vind og
öldur og því
frekar hægt að
gera við eða bíða
eftir björgun frá
þyrlu eða öðru
skipi.
Það hefir verið hugsjón mín í
tugi ára að koma þessum rekak-
kerum um borð á öll skip en Sigl-
ingamálastofnun var ekki á sömu
skoðun eftir þessa óláns EES-
samþykkt sem varð til þess að
mörg skip og bátar hafa farist hér
við strendur landsins. En sem bet-
ur fer þá eru sjómenn sjálfir skyn-
samir og í dag nýta margir sér
þessi einföldu og ódýru tæki bæði
hér á landi og Noregi, en ég hef
þjónað þeim líka.
Það eru framleidd rekakkeri fyr-
ir báta af öllum stærðum, upp í
stór skip, og jafnvel fyrir björg-
unarbáta en þeir hafa allt of lítið
rekakkeri til þess að gagn sé að í
slæmum veðrum og ættu menn að
forðast þá á meðan skip er á floti,
eins og komið hefir fram í sjón-
varpsviðtölum síðustu daga. Ef sjó-
menn eða Siglingamálastofnun
hafa áhuga á þessu máli þá er ekk-
ert annað en að stimpla orðið „re-
kakkeri‘‘ inn á Já.is eða senda línu
á valdimar.samuelsson@simnet.is
VALDIMAR SAMÚELSSON,
útgerðarmaður til skamms tíma.
Frá Valdimar Samúelssyni
Rekakkeri
tilbúið í útkast.
Rekakkeri geta
bjargað skipum,
bátum og lífi manna
Borgartúni 29, 105 Reykjavík, Sími: 510 3800
Byggingaraðili:
Penthouse: 116 og 169 fm
3ja herbergja: 123 til 146 fm
2ja herbergja: 52 til 98 fm
Frekari upplýsingar á husavik.net og hjá
Húsavík fasteignasölu í síma 510 3800.
Lífsgæði, friðsæld
og útivist
Vilt þú lifa lífinu í glænýju, fyrsta flokks húsnæði í kyrrlátu umhverfi og í tengslum
við náttúruna? Þá gæti þetta verið húsið fyrir þig.
Frá Boðaþingi 10–12 í Kópavogi er stutt í náttúruperlurnar Heiðmörk og Elliðavatn,
golf, veiði, hestamennsku og sund svo eitthvað sé nefnt. Húsið er byggt í sam-
ræmi við ítrustu kröfur; vandaðar innréttingar, hjónasvíta, sólskáli og sér þvotta-
herbergi í hverri íbúð, bílskýli, lyfta og upphitaðar stéttir á lóð. AEG eldhústæki,
granítborðplötur og sólbekkir, hreinlætistæki frá Tengi, innréttingar frá Axis,
flísar frá Birgisson og innhurðir frá Víkurási. Þessi eign er fyrir þá sem vilja
hugsa til framtíðar. Viðhaldslítið hús með fullfrágenginni sameign.
Til sýnis og afhendingar nú þegar.
Boðinn, ein glæsilegasta þjónustumiðstöð höfuðborgar-
svæðisins, er við Boðaþing.
SÖLUSÝNING: B o ð a þ i n g 1 0 – 1 2 , K ó p a v o g i
L A U G A R D A G O G S U N N U D A G kl. 13–16